Sivdad de Meksiko
La Sivdad de Meksiko (en kastilyano: Ciudad de México) es la kapitala i la sivdad mas emportante de Meksiko. Es fundada enel anyo 1824 kon la kreasion del Distrito Federal. Enel anyo 2010, la sivdad tenia 8.851.080 avitantes i una superfisie de 1.485 km². Es konsiderada Sivdad Global por abarkar gran emportansia komo Sentro finansiero en Amerika. Es una sivdad kosmopolita, urbe ande ay toleransia a djente ajena o estraniera. La Sivdad de Meksiko es el estado mas pichon o chiko del paiz, hue deklarado en el anyo 2016 komo una mueva entidad fererala, kon soberania i una konstitusion propia, juera siendo este el estado 32, ansina en denantes kuando era yamado México Distrito Federal.
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| ||||||||||||||||||||||||||||
_in_Mexico_(zoom).svg)
Unos 3.977.663 de personas moran la sivdad en la su area metropolitana, asiendo dela Sivdad de Meksiko la mayor sivdad del paiz i la dosen del Kontinente Amerikano. La sivdad es topada en el Altoplano del Vaye de Meksiko i es prinsipal sentro ekonomiko de la rejion. En su momento fue konsiderada komo una de las sivdades orijinarias mas emportantes del mundo prekolombino, el su sentro istoryiko es al enkanto de las las sivdades espayolas fundadas en el Muevo Mundo. Oy endia es una sivdad moderna dividida en kinze delegasiones: el sentro istoriko y ansina las su zonas muevas de Santa Fe i Muevo Polanco; la Kolonia Roma i la Kolonia Kondesa de estilo evropeo kon galerias, muzeos, avenidas, teatros, kaves, livrerias. Tambyen antikos kales de grande tradision komersialo komo Tepito i La Merced, onde se puede topar todo tipo de merkadurias.
Etimolojia
trocar
En djudeo-espanyol es Sivdad de Meksiko[1] Meksiko es biervo orijinalo de la lingua nahuatl, la suya intepretasion del biervo Mexihco, el kualo sinyifika Lugar del dyo Mexihtli, una representasiyon de Huitzilopochtli.[2] Otra version diz ke signifika Lugar en el ombeliko de la luna.[3] Era yamada la Grande Mexihco-Tenochtitlan, la antika kapitala de los aztekos.
En kastilyano se diz Ciudad de México, el su nombre ofisial de la sivdad, otro nombre komun es Kapitala Meksikana. En otras linguas nasionalas se diz Altepetl Mexihco, en lingua nauatl; Hnini M'ondä, en lingua otomiana, Jñiñi B'ondo, en lingua mazaua; Ñuu Koyo, en lingua mishteka.
Istoria
trocarLos meksikanos fundaron en el anyo de 1325 la sivdad de Meksiko-Tenochtitlan, en una izla chika al sentro del lago de Texcoco, 25 i 13 anyos mas tarde un grupo de los aztekos fundaron la sivdad de Tlatelolco en otra izla chika al noroeste.26 Ma tarde, en 1428 Tenochtitlan, Tetzcoco i Tlacopan establesieron la Tripla Alianza.
Dempues de la konkista de la Sivdad de Meksiko, Hernado Cortés afinko la su residensia en el kazal o sharfo altepetl de Coyoacán, al sud de la sivdad purke en la Grande Tenochtitlán avia muncha jente morida i matada, endemas avia antikas fraguas i templos destruyidos por la gerra entre espanyoles i aztekos.
Jeografia
trocar
La Sivdad de Meksiko esta afinkada sovre el Vaye de Meksiko, es un altopalano kaji a 2500 metros de altura sovre el nivelo de la mar, antikamente fue una isola ensima de un lago, anyos deskues se sekaron los lagos y akresento la sivdad. Al sud está Serralada de Chichinaitzin i topa kon el estado de Morelos, al nord esta la Serralada de Guadalupe I topa kon Estado de Meksiko, aleste esta la Serralada de Santa Catarina topando kon el Estado de Meksiko y al oeste esta la Serralada de las Cruces, topando kon el Estado de Meksiko. La mayor altura de la Sivdad de Meksiko es el Piko del Águila o Serro del Ajusco, elevado a 3000 metros ensima del nivelo de la mar.
El klima es templado-umido i templado subumido al nord, kaji todo el anyo ay lluvias, los rios korren del sud para los lagos de Xochimilco i lagos del oriente, kaji todos los antikos rios kedaron abasho de la sivdad, hueron akanalados por los sus tuneles para desembokar al norte enel rio de Los Remedios kon direksion al Grande Kanal de la Sivdad de Meksiko.
El parke urbano mas grande del mundo es el Boske de Chapultepec, una shara apartajada en varias seksiones, konta kon zoolojiko, muzeos, parkes y monumentos istorikos emportantes komo el Kastiyo de Chapultepec. es la area vedre mas emportante para la sivdad por la su ubikasion. Otro parke emportante es el Boske de Aragon, al oriente de la sivdad.
| Mapas jeografikos dela Sivdad de Meksiko | |||
|
|
| |
| Relieve | idrolojia | Klimas | |
Governo i administrasion
trocarEl poder exekutivo esta konformado por el su jefe de governo de la sivdad, el governador es Miguel Mancera. La sivdad endagora es una mueva entidad, ansina desde el anyo 2016, el su nombre ofisial es Sivdad de Meksiko (antikamente Meksiko Distrito Federal) konta kon una Suprema Korte Djustisia i una Kamara Lejislativa. El Palasio del Ajuntamiento es la sede ofisial del governo de la sivdad, se topa en la Plasa Sentral o Zocalo.
Aktualmente la division administrativa queda formada por 16 delegasiones, en el anyo 2018 las delegasiones van a trocar a belediyes, kon el su ajuntamiento i alkalde envez de shefe delegasional.
Organizasiyon territoriala
trocar
| Delegasiones | Kavesa delegasionala | |
|---|---|---|
| 001 | Álvaro Obregón | Álvaro Obregón |
| 002 | Azcapotzalco | Azcapotzalco |
| 003 | Benito Juárez | Mixcoac |
| 004 | Cuajimalpa de Morelos | Cuajimalpa |
| 005 | Cuautémoc | Cuautémoc |
| 006 | Coyoacán | Viya de Coyoacán |
| 007 | Gustavo A. Madero | Viya Gustavo A. Madero |
| 008 | Magdalena Contreras | Magdalena Contreras |
| 009 | Miguel Hidalgo | San Miguel Chapultepec |
| 010 | Milpa Alta | Milpa Alta |
| 011 | Iztacalco | Iztacalco |
| 012 | Iztapalapa | Iztapalapa |
| 013 | Tláhuac | San Pedro Tláhuac |
| 014 | Tlalpan | Viya de Tlalpan |
| 015 | Venustiano Carranza | Venustiano Carranza |
| 016 | Xochimilco | Xochimilco |
Infraestruktura
trocarTransporte
trocar
Sivdad de Meksiko konta kon una vasta rede de estradas ke akoplan kaji todo el territorio de la sivdad, mismamente es aprovechado por la una grande kantidad de linyas de autobusos kue konektan a la kapitala del paiz. En Sivdad de Meksiko ay un ayroporto internasionalo Benito Juárez ke konektan kon los ayroportos mas emportantes de toda la Amerika, de paizes de Evropa i de paizes de Asia.
El metro es uno delos sistemas de transporte mas efisientes de la sivdad, tiene una de las linyas mas longas de mundo ke komunika munchos maales i sektores urbanos. Los trenos urbanos zon parte emportante del sistema de koneksion dentro de la sivdad, konta 12 linyas de transporte.
Ekonomia
trocar
La Sivdad de Meksiko es uno de los prinsipalos sentros finansieros del paiz, en la kapitala meksikana konsentra las ofisinas del su Banko Nasionalo de Meksiko i una koneksion kon munchas sivdades del mundo por via ayrea. El Paseyo de la Reforma es la vialidad mas emportante de la sivdad, ayi ay kulas o raskasyelos bankarios i de las institusiones ma importantes del paiz, el komersio esta muncho muchiguado i konsentra la aktividad de la rejion sentrala del paiz.
Santa Fe es uno de los sus muevos sentros finansieros, las ofisinas sentralas de munchas firmas internasyonales estan ayí. Tambien ay industria en las sus zonas obreras o populares, ma kaji toda es afinkada en la Zona Metropolitana de la Sivdad, adentro del Estado de Meksiko (estado frontietizo ke bordea kaji todo el territorio de la Sivdad de Meksiko).
Ansina, el muchiguamieto demografiko a kriado desigualdades ekonomikas entre los avitantes de la sivdad.
Turizmo
trocar
El turizmo es una de los prinsipalos aportes de dinero de la Sivdad, el su Sentro Istoryiko fue deklarado por la UNESCO komo patrimonio kulturalo de la Unanidad I konta kon munchos edifisios antikos del periodo kolonial espanyol i edifisios del syeklo XIX del periodo republikano o porfiriano.
- Sentro istoriko dela Sivdad de Meksiko
- Boske de Chapultepec i Kastiyo de Chapultepec
- Pazeo de la Reforma i Zona Rosa
- Sivdad Universitaria de la Universidad Nasionala Otonoma de Meksiko
- Sentro istoriko dela Viya de Coyoacán
- Basilika de Guadalupe
- Kanales de Xochimilco
- Estadio Azteko
La sivdad konta kon buen servisio hostelero, ay hotels de todas las kategorias i presupuestos para el visitante o personas ke azen negosios.
Demografia
trocarLa Sivdad de Meksiko es una de las grandes sentros urbanos del olam, konta kon 8.918.653 de avitantes.
Relijion
trocar.JPG)
.jpg)
En la Sivdad de Meksiko, el 80% de las avitantes se konsideran praktikantes de kistianismo katoliko, ma tambien es una de las sivdades kon major diversidad relijiosa de todo el paiz, aki ay todos los kultos; los mas viejos en su mayorita sigen el lashon de la kristiandad katolika I djudia, munchos delos djovenos an trokado por muevas filosofiyas, relijiones orientalas i por el ateizmo.
La sivdad konta kon el Segundo sentro de peregrinos mas visitado del olam, el kual es la Basilika de Guadalupe, emportante edifisio relijioso de todo el paiz de tambien del kontinente. Uno de los sitios de peregrinasion es la Basilika de Guadalupe, ansina, el prinsipal teatro es la representasion de Semana Santa en Iztapalapa. El edifisio mas empostante es la Katedrala Metropolitana de Sivdad de Meksiko, lugar istoriko onde yevaron akabo munchos aktos emportantes del paiz y dela sivdad.
Las komunitas prostestantes tambien zon numberosas, las kilisias evanjelikas tienen la su mayor afluensia en Iztapalapa, Guastavo A. Madero, Venustiano Carranza, entre otras delegasiones. Los Testemunyos de Jehova zon otra de las grandes komunitas de la sivdad.
La Sivdad de Meksiko konta kon una de las majoras komunitas djudias del paiz, es la segunda komunita mas numberosa deskues del estado de Meksiko, la komunita major es la Ashkenazi, una de las mas antikas del paiz, ma tambien ay una chika komunita sefaradi ke yego dela Turkia, Bulgaria, Gresia i Suria durante el syeklo XIX, la su esnoga sefaradi es en la Kolonia Roma.
Kultura
trocar
Sivdad de Meksiko es afamada o mentada komo la Sivdad de los Palasios, la rika erensia kulturala de la sivdad atraye myles de personas todo el anyo de distantes kales del mondo. Es una de las sivdades kon mas muzeos en el mundo, la kudia, el lashon y el amostramiento de objetos antikos i de arte moderno es la prinsipala aktividade del sistema muzeolojiko de la sivdad kapitala. Aki ay un desvelopamiento de las artes plastikas i es meka de la kultura nasionala.
Arkitektura
trocar
El desenyo arkitektoniko es presente ansina en las fraguas de toda la sivdad, ay restos prekolombinos de las kulturas afinkadas en el territorio komo los edifikados por los aztekos un deyos es Templo Mayor en el zokalo de la sivdad.
Muzika
trocarLa sivdad kunta kon el su konservatorio nasionalo de musika.
Pintura
trocar
Meksiko es tierra de munchos muralistos pintadores komo Diego Rivera, David Alfaro Siqueiros i Frida Kahlo, la grande kapitala del paiz a sido kuna del trabajo de grandes artistas, las sus ovras destakan komo el Sentro Kulturalo David Alfaro Siqueiros.
Una de las grandes koleksiones de pinturas esta dentro del Muzeo Nazionalo del Arte, ayá en el Sentro Istoriko de la Sivdad de Meksiko, endemas ay emportantes ovras de eskultura adentro del muzeo.
Espor
trocarLa Sivdad de Meksiko hue sede de los djogos olimpikos en 1968. Uno de los edifisios onde djoga futbol es el Estadio Azteko, al sur de la sivdad, uno de los mas grandes del mundo.
Personas afamadas
trocar- Mario Moreno Cantinflas, Aktor meksikenyo ke creo el personaje de Cantinflas.
- Frida Kahlo, Pintadora meksikenya, orijinaria de Coyoacán, afamada por los sus autoretratos i ser mujer del pintador Diego Rivera.
Akodros
trocarLa Sivdad de Meksiko tiene munchos akodros internasionalos de ermanamiento i amistad kon sivdades del mundo; ansina aki ay afinkadas las ambashadas de munchos paizes del olam; endemaz la sivdad tiene konvenios de kolavorasion kon otrunas sivdades ande no ayga ermanamiento.
Sivdades ermanas
trocarLa Sivdad de Meksiko es ermanada kon las sigientes sivdades:
|
|
Konvenios de ayudo
trocarLa Sivdad de Meksiko tiene konvenios kolavorasion o ayudo kon las sigientes sivdades:
|
|
Ver endemas
trocarReferensias
trocar- ↑ Geoview.. (en lingua djudeo-espanyola)
- ↑ Orijen del nombre Mexihtli.. Revista Vida Diplomática. (en lingua kastilyana)
- ↑ [1]
Atamientos eksternos
trocar
| Estados Unidos Meksikanos | Sivdad de Meksiko | 
| |
|---|---|---|
|