Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Espanya (איספאנײה), ofisialmente el Reyno de Espanya (en Kastilyano: Reino de España o España), es un paiz de Evropa Oksidentala, estado soverano konstituido en monarshia parlamentaria ke okupa seis sieten partes de la Peninsula Iberika, i ke djunto a otros 26 Estados soveranos evropeos konforma la Union Europea (UE). Tambien integran la tierra paiz espanyola dos arkipelagos situados en la Mar Mediterranea (las izlas Baleares), enel Oseano Atlantiko (las izlas Kanarias), ansi komo dos enklaves enel norte del kontinente afrikano (las sivdades otonomas de Seuta i Meliya) i el eksklave de Llivia en los Pirineos Fransezos.

Reino de España
Reyno de Espanya
ראינו דה איספאנײה
Bandyera Eskudo

Situasión de Espanya
Situasión de Espanya

Kapitala: Madrid
Mayor sivdad: Madrid
Linguas ofisialas: Kastilyano, Katalan, Gayego i Vasko.
Forma de governo: Reyno
Moneda: Euro
Shefe de estado: Felipe VI de España
Shefe de governo: Pedro Sánchez
Ekstension: 505 990 km2
·% agua: 1.04%
·Frontieras: 1917,8 km
·Kostas: 4964 km
Povlasion: 47 415 750
·Densidad: 94.7 ab/km2
PIB: USD 1427,38 milyardas
Kodigo ISO: ES / ESP
Prefikso telefonika: +34
Dominasion de internet: .es

En la Peninsola Iberika komparte frontieras terrestres kon Fransia i kon el Prinsipado de Andorra al norte, kon Portugal al oeste i kon la kolonia britanika de Jibraltar al sur. En las sus tierras en Afrika, komparte frontieras terrestres i maritimas kon Maroko. La kapital del paiz es Madrid, una sivdad kon mas de 3.150.000 abitantes.

Kon Fransia partaja la izola de los Faisanes en la desembokadura del rio Bidasoa sinko faserias pirenaikas.

Indemas, tiene otra serie de distritos i posesiones minores no kontinentales komo las izlas Chafarinas, el Penyon de Velez de la Gomera i las izlas del Penyon de Alhusemas, todos frente a la kosta de Marroko. La izla de Alboran, las izlas Kolumbretes i una serie de izlas i tambyen izlotes frente a las sus apropiadas kostas kompletan las sus tierras de paiz.

Etimolojia trocar

El nombre de Espanya viene del biervo Hispania, nombre kon el ke los romanos yamavan jeográfikamente ala peninsola iberika, biervo alternativo al nombre Iberia, preferido por los autores gregos para referirse al mismo lugar. Endemas, el biervo Hispania no es de raiz latina i ay munchas kontroversias del su orijen. Se diz ke viene del fenisio E-pny-a, al melgar el orijen se traduze kon sierta asertividad komo Lugar de konejos.[1]

Los ebreos yamavan esta tierra komo Sefarad, lo ke inkluye endemas a Portugal, Andorra i Jibraltar, en kontadas palavras, toda la peninsola Iberika.

Istoria trocar


 
Ikono de referensias

Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.

En el aktual territorio de Espanya ay dos de los lugares mas emportantes para la preistoria evropea i del olam; la sierra de Atapuerca (onde se ha definido la espesie Homo antecessor i se ha hayado la serie mas kompleta de guesos de Homo heidelbergensis) i la kueva de Altamira (onde por primera vez se identifikó el arte paleolítiko).

Los fenisianos zon una sivilizasion antika ke dejo el su pazo por la peninsola iberika, merkaderes ke afinkaron I fundaron la antika sivdad de Gadir (Kadiz) i otras sivdades komo Kartagena i Málaga, los restos arkeolojikos urbanos dan informeasion vedradera de la kultura fenisiana en oksidente dela Evropa Antika.[2]

Syklo de oro trocar

El Edikto de Granada fue un dekreto editado en la Alhambra (fragua de la sivdad de Granada, en Andaluziya, Espanya) el 31 de Marso de 1492 por los Reyes Katolikos, Hernando II de Aragon i Izabela I de Kastilya, enel kualo se obliga a todos los djudios de la Peninsula Iberika a konvertirse al katolisismo o ser arrondjados a la diaspora, kon data el 31 de Djulio de 1492. Por motivos lojístikos se dechidió ekstender este plaso asta el 2 de Ogusto a la dosena ora dela noche. Hernando el Katoliko firmava otro para el Reyno de Aragon, el kualo endemas inkluia las Dos Sisilias, rejion del sud de Italia. Ambos tenían komo baza un mismo teksto orijinalo eshkrito por Tomas de Torkemada, inkisidor djeneral enla Espanya.

Syklo XX trocar

El 17 y 18 de Djulio de 1936 sublevaronse kontra el governo de la Repúvlika los militares del Áfrika Espanyola, hue un golpe de Estado ke triunfa solo en parte del paiz. Asegun Espanya estava dividida en dos zonas: una bajo la autoridad del Gobierno republicano en la ke se produjo la Revolusión sosial de 1936 i otra kontrolada por los vensidos. La situasión desembokó en una gerra sivil, enla ke el general Francisco Franco hue investido shefe supremo de los sublevados. El apoyo almán de Hitler i italiano de Mussolini a los vensidos, más firme que el soporte soviético de Stalin y meksicano de Lázaro Cárdenas a los repuvlikanos, i los kontiguos enfrentamientos entre las distintas faksiones repuvlikanas, entre otras razones, desembokaron enla viktoria delos frankistas hue en la data del 1 de Avril de 1939.

Jeografia trocar

Espanya es un paiz ke forma parte de la Peninsola Iberika, el territorio mas oksidental de Evropa, la su frontiera naturala zon Los Pirineos, masizo montanyoso ke divide Espanya de Fransia i Andorra. El Reyno de Espanya topa al oriente kon Fransia I Andorra, al sud kon la mar mediterranea y Jibrantar, al oksidente kon Portugal I nord kon la mar kantabrica o el oseano Atlantiko.

En la mar meditarranea, Espanya poseye dos sivdades enklavadas en el kontinente, ke azen frontiera kon Marroko, al sud de Katalunya, estan las izlas Baleares, territorio insolar ke konforma una Komunidad Otonoma. El territorio mas oksidental de Espanya, zon las izlas Kanarias, un arkipielago de izolas atopadas kon el kontiente Afrikano i ke konforman una Komundad Otonoma.

Klima trocar

El klima es diverso, en alkunos lugares la temperatura es alta i kalorosa, en otros lugares la temperatura es basha kon inyeve enel inverno. El klima ke kubre la mayora de la Peninsola es el kima mediterraneo, al nord es un klima atlantiko i en alkunas izlas komo en kanarias ay un klima desertiko kon dunas.

Governo i administrasion trocar

El reyno de Espanya es una monarkia konstitusionala I parlamentaria, konta kol el su major shefe de estado, el Rey Felipe VI.

Komunidades otonomas trocar

 
Komunidades Otonomas de Espanya

Espanya es apartajada en komunidades otonomas i dos sivdades otonomas en el kontinente Afrikano.

Komunidad Otonoma Abreviasion Kapitala Area (km2) Povlasion
Andaluziya ES-AN Seviya 87 268 8 399 043
Aragon ES-AR Saragosa 47 719 1 325 385
Asturias ES-AS Oviedo 10 603 1 044 481
Izlas Baleares ES-BS Palma de Mayorka 4 992 1 124 744
Kanarias ES-CS Santa Kruz de Tenerife 7 446 2 128 647
Kantabria ES-CN Santander 5 321 588 656
Kastiya i Leon ES-CL 151 571 3 055 395
Kastiya-La Mancha ES-CM Toledo 5 627 650 555
Katalunya ES-CA Barselona 63 794 3 388 768
Komunidad de Madrid ES-MD Madrid 123 367 1 632 934
Komunidad Valensiana ES-VA Valensia 30 621 5 486 372
Estremadura ES-EX Mérida 20 856 2 665 018
Galizia ES-GA Santiago de Kompostela 78 630 7 350 682
La Rioja ES-LR Logronyo 22 333 15 175 862
Mursia ES-MU Mursia 58 667 4 351 037
Navarra ES-NA Pamplona 4 892 1 777 227
Paiz Vasko ES-PV Vitoria 27 862 1 084 979
Meliya ES-ME 75 416 1 490 668
Seuta ES-CE 1 479 8 851 080

Ekonomia trocar

Es uno de los paizes ke han tenido un grande amuchiguamiento en la ekonomia.

En el merkar de produktos, Espanya es afamada por los sus frutos de la tierra i su grande produksion agro-industrial; ay melgas produktoras de tomat, uva, trigo, entre otros.

Demografia trocar

Espanya
 


Muchiguamiento natural: {{{muchiguamiento}}}
·anyos: 2000-2005
natural: {{{}}}
Fekundidad: 1,3
Natalidad: 8,3 ‰
Mortalidad: 10,1 ‰
Mortalidad Infantil: 3,9 ‰
Esperansa de Vida: (2005)
·Ombres: {{{om}}}
·Mujeres: 82
Matrimonios 4,7 ‰
Divorsios 2,4 ‰
N° Famiyias: 39.178.000
Komp.Famiya 2,1
Povlasion urbana 60 %
Imigrantes: 707.352
Ekstranieros: 7.289.149
Rumanos   964.000
Ekvadoranos   140.800
Kolombianos   18.800
Marokanos   7.900
Kubanos   6.800
Grupos Etnikos Mestizos 70%
Aborijinalos 12%
Krioyos 10%
Pretos 8%
Linguas {{{linguas}}}
Relijiones: Katolikos   70%
Protestantismo   7%
Musulmanos   5%
Djudios   0.1%
otras 22,9%

La su kapitala i sivdad mas emportante es Madrid, asegun el instituto nasionalo de estadistika estima un povlasion de 46 507 760 milyones de avitantes y un area de 5,9 milyones.[3] De akeyos, 41 831 739 zon de nasionalidad espanyola i 4 676 022 zon ayegados de otros paizes. La mayora konsentrasion umana es el sentro del paiz, la beira mediterranea y la beira atlantika; alkunas de las zonas kamperas zon despovladas o kon chika povlasion.

Las sus otras sivdades emportantes son Barselona (1.600.000), Valensia (790.000), Seviya (685.000), Saragosa (665.000), Malaga (570.000), Mursia (450.000), Palma de Mayorka (415.000), Las Palmas (380.000), Bilbao (350.000), Alikante (335.000), Kordoba (325.000), Vayadolid (298.000), Vigo (295.000), Xixon (270.000), La Korunya (245.000), Granada (237.000), Elche (232.000) i Santa Kruz de Tenerife (222.417).

Linguas trocar

 

Espanya es una nansion onde se avlan munchas linguas, la diversidad linguistika es parte de la identidad kulturala del paiz, ma la lingua kastelyana es la mas avlada en todo el paiz i es de uzo ofisialo en todas las provinsias espanyolas. La lingua katalana es segonda lingua mas avlada I ke tambien es de uzo ofiasialo, se avla en Katalunya, Baleares, Komunidad Valensiana y alkunas munisipalidades de Aragon, es una lingua avlada en la kosta de la mar mediterranea I la zona montanyosa de los Pirineos.

La lingua vaska es avlada enel Paiz Vasko i alkunos munisipios de Navarra, es una lingua ke tambien se avla en el sudoeste de Fransia, en la zona montanyosa de los Pirineos.

La lingua gayega es avlada prinsipalmente en Galizia i alkunos munisipios de Kastiya I León, es lingua ofisiala de la Komunidad de Galizia, es uzada por el governo otonomo, enla edukasion basika y por grupos konservadores de la lingua.

Exiten en Espanya, otras linguas ke zon de karakter rejionalo, zon linguas kon menos avlantes, estas zon el aranez, avlado en Vaye de Arán i es una variante dialektala de la lingua oksitana, otras zon el aragonez, el bable o asturiano, el leonés, el estremenyo y el fala o gayego de Estremadura. Ma ay aki munchos dialektos del kastilyano ke forman parte de identidad de los pueblos, komo el andaluzo, el kanario i el montanyes de Kantabria.

Relijion trocar

En Espanya egziste una libertad de kulto, pero el kristianizmo es la relijion mas praktikada por los espanyoles, la kilisia katolika es la konfesion predominante de los kristianos en la Peninsola Iberika I la kreyensia kon mas huerza en las kostumbres I tradisiones del paiz. Uno de los grandes sentros de peregrinasion es azer la Senda de Santiago, andar por kaminos de la peregrinasion asta arrivar a la Katedrala de Santiago Apostolo, en la sivdad de Santiago de Kompostela.

El islam es otra de las antikas relijiones de Espanya, los musulmanos tuvieron una grande istoria en Al-Andalus, munchas artes y sensias hueron introdusidas por los avitantes musulmanos de la edad Media. El Edikto de Granada hue una delas hojas istorikas ke rekuerdan la ekspulsion de los musilmanos y djudios de la Espanya Katolika ke komenzava a erjirse en 1492. Endagora ay espanyoles ke konfiezan la relijion del islam, prinsipalmente al sud del paiz.

El djudaizmo hue una delas relijiones praktikadas amplimente en la peninsula Ibérika (a la ke los djudios yamavan Sefarad), dejaron una ampla istoria i kultura en distintos puevlos, hueron ekspulsados de Espanya en 1492 por el Edikto de Granada, ante la intoleransia relijiosa por parte de klero katóliko, lo kualo hue kausa de persekusion por la Inkisision Espanyola. Myles de sefarditas huyeron asia otras sivdades mediterraneas y asia sivdades evropeas i del muevo mundo. Altualmente konvive en Espanya una chika komunidad djudia que ha afinkado en anyos resientes, la kual ya no es komparada kon la afinkó endenantes de la ekspulsion, munchos delos zon de orijen sefardi i otros de orijen ashkenazi. Endagora ay una kampanya para el retorno de los desendientes delos sefardim de Espanya, ma no hay resultados esperados, anke alkunos de Maroko, Fransia, Italia, Israel, Tunesia, Arjelia i de alkunos paizes amerikanos han desidido adoptar la nasionalidad espanyola por asendensia sefaradi.

Edukasion trocar

Espanya konta kon uno de los mas altos indises edukativos del mundo de avla kastilyana. La edukasion en Espanya empesija a la edad dela chikez, el jardin de kriaturas es la etapa basika de empesijo edukativo, el atamiento da kontinuidad kon la eskola i la edukasion media o bachiyerato, para sigir kon la edukasion superior o universitaria.

En Espanya, la edukasion superior esta formada por la konosensia dentro de las universidades publikas i privadas. Entre las prinsipalas universidades, zon la Universidad Otonoma de Madrid, el Politekniko de Katalunya, la Universidad Komplutense de Madrid, la Universidad de Seviya, entre otras; alkunas zon de las mejores institusiones de avla kastelyana en el mundo.

Kultura trocar

 
Ninyas kon la saya tradisionala valensiana en Las Falles.
 
La Semanada Santa en la sividad de Plasensia.

Espanya es una de las nasiones kon mayor diversidad kulturala, ay munchas sivdades del paiz, ke zon deklaradas erensia kulturala de la Umanitad, por exemplo; la sividad de Toledo, Segovia, Santiago de Kompostela i Palma de Mayorka.

En Espanya hay un grande almanke de fiestas, ay fiestas relijiosas de grande emportansia komo la de la Virjen del Pilar, en Saragosa o la fiesta de onor a Santiago Apostol en la sivdad de Santiago de Kompostela, la fiesta de San Hermin en la sivdad de Pamplona, konosida komo la Pamplonada. Endemas, la selebrasion de las fayas de Valensia, la Semanada Santa o semana mayora, es otra emportante selebrasion, la kual es mayormente afamada la de Seviya, anke selebra se en kaji todas las sivdades del paiz.

Entre las fiestas de estado, es la selebrasion de 12 de Ochobre komo dia nasionalo de Espanya o el dia de konstitusion.

Otras fiestas populares se realizan komo la Tomatina. Los karnavales son otras fiestas populares selebrados en el paiz.

Fiestas de Espanya
Data Ladino Kastilyano
1 de Jenero Anyo Muevo Año Nuevo
6 de Jenero Epifania Epifanía
19 de Marso San Yusev San José
Marso o Avril Semana Santa Semana Santa
1 de Mayo Dia del Lavoro Día del Trabajo
25 de Djulio Santiago Apostolo Santiago Apóstol
15 de Agosto Asunsiyon de la Virjen Asunción de la Virgen
12 de Ochobre Fiesta Nasionala de Espanya Fiesta Nacional de España
1 de Noviembre Dia de Todos los Santos Día de Todos los Santos
6 de Diziembre Dia de la Konstitusiyon Día de la Constitución
8 de Diziembre Inmakulada Konsepsion Inmaculada Concepción
25 de Diziembre La Navidad La Navidad

Arkitektura trocar

 
La Alhambra, ovra de arte arabo en Espanya.

Espanya es tierra onde la arkitektura tiene manifiesto, las munchas kulturas ke kruzaron por la peninsola dejaron una grande manifestasion artistika. Una delas grandes ovas de la arkitektura del Al-Andalus, es el kastiyo de La Alhambra, ovra del arte mudejar o arte arabo en la peninsula Iberika.

Espanya, endemas es tierra de grandes arkitektos, la fragua mas rekonosida del arte moderno espanyol, zon el Templo dela Sagrada Familia, la Casa Batlló, ovras de Antoni Gaudí topadas en la sivdad de Barselona, fraguas del arte moderno yamado art noveu;[4] las fraguas muevas gozan de grande rekosensia internasional, komo el Ciudad de las Artes y las Ciencias, disenyado por el arkitekto Santiago Calatrava.

Kuzina trocar

La kuzina espanyola goza de grande rikesa kulturala, ansi desde munchos siklos denantes, los puevlos romano, djudio, musulmano, seltibero, indíjena amerikano y otros puevlos mediterraneos, mezkolaron las sus tradisiones en la kuzina, oy es la alimentasion de Espanya.

Uno de los platos de mayora rekonosensia, es la paella, alimento mediterraneo echo kon munchos kondimentos de distintas rejiones del mundo, el arroz, el tomat i el alsafran.

Muzika trocar

 
Gaiteiros de Galizia, muzika popular.

Espanya konta kon munchos resintos para la muzika, es un paiz onde la tradision y las vanguardias muzikalas se expresan; los antikos puevlos dejaron un manifiesto muzikalo venido de otros lugares huera de la peninsola Iberika. El laud o la gitara ayego a la peninsola desde Asia I nord de Afrika, instrumento ke forma parte de las artes populares de Espanya.

Al nord de la peninsola, las bandas de gaitas zon populares, sobre todo en Galizia, Asturias, Kastiya i Leon i Kantabria, las jotas I muñeiras zon estilos de la muzika popular de gaiteros. La Zarzuela, es el arte popular de la muzika klasika, un manifiesto espanyol de grande tradision en el paiz. La banda de muzika, es erensia de munchos puevlos iberiko, tradision ke emigro a las Amerikas, de akeyos muzikos nasio el Pasodoble.

Torada trocar

 
Torada en Las Ventas de Madrid.

Las toradas zon eventos onde se lidia un toro kon el djogo de un torero asta a la matanza del toro, en Espanya es konsiderado un arte a las toradas, en baza, por aver indisios de suertes kon toros en el mundo antiko. La torada tambien es signo de identidad nasionala, por estar manifestada en espasios populares.

Espor trocar

En Barselona hueron selebrados los djogos olimpikos en el anyo de 1992.

Ver endemas trocar

Bibliografia trocar

  • Menéndez Pidal, R.: "El dialecto Leonés". Revista de Archivos, Bibliotecas y Museos, 14. 1906.

Referensias trocar

  1. Celtiberia El origen del nombre de Espanya, 24 de Noviembre de 2016. (en lingua kastilyana)
  2. Spanish arts 24 de Noviembre de 2016.
  3. INE anyo. 2014
  4. Casa Batlló vida de Antoni Gaudí, 24 de Noviembre de 2016.

Atamientos eksternos trocar

  Wikimedia Commons alberga kontenido multimedia sovre Espanya


 
Paizes de Evropa
 

Albania | Almania | Andorra | Austria | Azerbaidjan | Beljika | Bielorusia | Bosnia i Hersegovina | Bulgaria | Dinamarka | Eslovakia | Eslovenia | Espanya | Estonia | Finlandia | Fransia | Gresia | Irlanda | Islandia | Italia | Kazakistan | Kipre | Kroasia | Letonia | Liechtenstein | Lituania | Luksemburgo | Madjaristan | Makedonia | Malta | Moldova | Monako | Montenegro | Norvejia | Paizes Bashos | Polonia | Portugal | Repuvlika Cheka | Reyno Unido | Rumania | Rusia | San Marino | Serbia | Sivdad del Vatikano | Suesia | Suisa | Turkia | Ukraina



 
Paizes miembros de la Union Evropea
 

Almania | Austria | Beljika | Bulgaria | Dinamarka | Eslovakia | Eslovenia | Espanya | Estonia | Finlandia | Fransia | Gresia | Irlanda | Italia | Kipre | Letonia | Lituania | Luksemburgo | Madjaristan | Malta | Paizes Bashos | Polonia | Portugal | Repuvlika Cheka | Reyno Unido | Rumania | Suesia