Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

المملكة المغربية
ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ
Royaume du Maroc

Reyno de Maroko
רינו די מארוקו
Flag of Morocco.svg Coat of arms of Morocco.svg
Bandyera Eskudo

Situasión de Maroko

Kapitala: Rabat
Mayor sivdad: Kasablanka
Linguas ofisialas: Arabo, Bereber
Forma de governo: Monarshia Konstitusionala
Moneda: Dirham
Shefe de estado: Mohamed VI de Marruecos
Shefe de governo: Saadeddine Othmani
Ekstension: 446 550 km2
·% agua: 0.01%
·Frontieras: 2.018 km
·Kostas: 1.835 km
Povlasion: 36 029 138
·Densidad: 80.7 ab/km2
PIB: USD 109,14 milyardas
Kodigo ISO: MA / MAR
Prefikso telefonika: +212
Dominasion de internet: .ma

Maroko (nombre ofisial en arabo: المملكة المغربية, en tamazight ⵜⴰⴳⵍⴷⵉⵜ ⵏ ⵍⵎⴰⵖⵔⵉⴱ, Tagldit n Lmaɣrib) es un reyno ke se topa al nord de Afrika. Es un payis del Magreb, topado entre la Mar Mediterraneo, Arjelia, las sivdades Espanyolas de Seuta i Meliya, la tierra de pais pleytada del Sahara Oksidental i el Oseano Atlantiko; indemas, Maroko esta apartado de Evropa por el Estresho de Jibraltar, ke une el Oseano Atlantiko i la Mar Mediterraneo. El su idióma ofisial es el arabo, anke la djente se komunika en su avla maroki del arabo yamada Dariya o Hasaniya i muncha djente tambien avla lashones bereberes i se uza el franses en la edukasion i en la administrasion publika. El kastilyano se avla en la rejion de Tetuan, Tanjer i Nador. El su rey aktual es Mohammed VI (en arabo الملك محمد السادس للمغرب).

Istoria djudia en MarokoTrocar

La istoria djudia es Maroko es grande, anke envezes zor, desde la epoka de los romanos kuando ayegaron los primeros djudios dospues de la destruksion del Bet Amikdash asta oy ke uno de los konsejeros del rey es André Azoulay, djudio de Essaouira, endemas de ke unos 8.000 djudios aynda moran en Maroko, prinsipalmente en Kasablanka, Essaouira, Rabat, Fes, Tetuan i la antika kapital de Marrakesh. Munshos djudios marokis lavoraron komo ambasadores del Reyno de Maroko en Evropa, komo Shumel al-Farrashi en Olanda enel anyo 1610; dospues de 1675 Joseph Toledani, ken afirmo un tratado de paz con Olanda; el su ijo Hayyim Toledani en Inglaterra enel anyo 1750; Enel 1780 Jacob ben Abraham Benider fue el ambasador del Reyno a la korte del Rey Ingles George III, lavoro ke izo enel anyo 1828 Meïr Cohen Macnin. Oy endia, unos 500,000 yisraelis son de orijin maroki. En Israel los djudios marokis selebran la Mimuna kon munsho orgolyo por las sus raises marokis [1]. Los djudios marokis avlan un lashon del djudeoespanyol llamada Hakitia, el kualo tiene mas influensa del arabo; el nombre "Haketia" o "Hakitia" esta derivado de la palavra en arabo ħaka حكى, "dizir", i dunke se pronunsia con la letra "H" aspirada, para arreflejar el sonete gutural arabo "ħa". En algunas sivdades la djente lo eskrive komo "Jaketía" kon la misma pronunsiasion. En Jenero de 2011, avrió sus portas Primavera, un otél kon restorante kasher en la sivdad de Kasablanka[2]

Djudios marokis enel mundoTrocar

 
Esnoga en Fes

Maroko ha dado munchos djudios famosos al mundo, komo el Sinyor Rav Shefe Sefaradi de Israel Shlomo Amar, el mediko Venezuelano-Amerikano Baruj Benacerraf, Premio Nobel de Medisina enel anyo 1980, rav David Hassine, eskritor de Tehila leDavid; Miri Bohadana, aktrisa i modelo yisraeli; Emmanuelle Chriqui, aktrisa Kanadiense de la TV amerikana; Robert Assaraf, estoryador i eskritor Maroki; André Elbaz, pintador y direktor de sinema Maroki; Serge Berdugo, Ministro det Turismo Maroki[3]; Ninet Tayeb, Meir Shriki, Zehava Ben, Salim Halali, Eyal Golan, Ishtar, Sami Elmaghribi, Jo Amar, Avi Cohen, Kobi Alkobi i Haim Zrihan, kantadores yisraelis; Gad Elmaleh aktor i komediante franko-maroki; Rav Raphael Berdugo, uno de los mas grandes dayanim de Maroko; Michel Abitbol, investigador i istoryador maroki-israeli, kontribuyente a la Enciclopedia Judaica; Rab Haim ibn Attar, talmudista y kabalista maroki; Rav Halom Messas, Rav Shefe de Yerushalayim; el su ijo Rav David Messas, aktual Rav Shefe de Paris; Aryeh Deri, politiko yisraeli del partido sefardi Shas; Edmond Amran El Maleh, pintador maroki; Rav Yisrael Abuhatzeira (Baba Sali), gran rav i kabalista maroki-yisraeli; Jacques Bensimon, presidente de la Cinématheque Québecóise (Sinemateka) en la sivdad de Montreal, Kanada; Yitzhak Levy, diputado al parlamento Israeli (Knesset) por el partido Ihud Leumi - Mafdal; David Azoulay i Yaakov Margi, diputados al parlamento Israeli (Knesset) por el partido relijiozo Shas; Shlomo Ben-Ami, politiko Yisraeli, miembro del partido Lavorista; Amir Peretz, politiko israeli, del Partido Lavorista; Yaakov Edery i Eli Aflalo, diputados al parlamento Israeli (Kneset) por el partido de sentro Kadima; Meir Sheetrit, aktual Ministro del Interyor de Israel i diputado por el partido Kadima; Yaakov Benizri, diputado al parlamento Yisraeli (Knesset) por el partido Gil; Rav Shalom Arush, giador de los djudios sefardim ke siguin las ensinyansas del Rebbe Nachman de Breslov; i el Rav Itshak Alfasi (El רי"ף), talmudista i posek maroki, autor de Sefer Ha-halachot (ספר ההלכות).

ReferensiasTrocar



Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.

Atamientos eksternosTrocar


  Wikimedia Commons alberga kontenido multimedia sovre Maroko


Paizes de Afrika
Arjelia | Angola | Ayifto1 | Azawad2 | Benin | Botswana | Burkina Faso | Burundi | Kabo Vedre | Kamerun | Chad | Djibuti | Eritrea | Etiopia | Gabon | Gambia | Ghana | Ginea | Ginea-Bissau | Ginea Ekvatoriala | Komoras | Kosta de Marfil | Kenia | Lesotho | Liberia | Libia | Madagaskar | Malawi | Mali | Maroko | Maurisio | Mauritania | Mosambiko | Namibia | Nijer | Nijeria | Repuvlika Sentroafrikana | Repuvlika del Kongo | Repuvlika Demokratika del Kongo | Rwanda | Sahara Oksidental2 | Santo Tome i Prens | Senegal | Seychelles | Sierra Leona | Somalia | Somalilandia2 | Sud-Afrika | Sudan | Sudan del Sud | Swazilandia | Tanzania | Togo | Tunesia | Uganda | Zambia | Zimbabwe
Dependensias: Asension | Kanarias | Seuta | Madeira | Mayotte | Meliya | Pantelleria | Reunion | Santa Helena | Sokotora | Tristan da Cunha
1 Parsialmente en Asya. 2 Payis no rekonosido por todos los payises