Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

El Sahara Oksidental (en arabo الصحراء الغربية, As-Ṣaḥarā' al-Ġarbiyya), antes konosido komo Sahara Espanyol) es un territorio de Afrika ke se topa al oksidente del desyerto del Sahara, en la beira del oseano Atlantiko. Es uno de los 16 territorios no otónomos basho kudio del Komité de Deskolonizasiyon de la ONU, kon el buto de azer akavar el kolonializmo[1]. El Sahara Oksidental fue inkluido en esta lista enel anyo 1960, asigunla Resolusiyon 1542 (XV) de la Asamblea Jenerala de la ONU, el 15 de Disiembre de este anyo, kuando ainda era una kolonia de Espanya. [2].

El su proseso de trokamiento politiko de kolonia a payis independiente fue detenido enel anyo 1976, kuando Espanya, deshó la rejión en manos de Marroko i Mauritania (asigun los Akódros de Madrid, los kualos son ilegales enel dirito internasional). El territorio se ankontra okupado oy endiya kaji totalmente por Marroko, anke ni la ONU ni la Union Afrikana akseptan la soberaniya marroki i es rechazada por el Frente Polisario, el kualo deklaró la independensia enel anyo 1976, kriando ansina la Repuvlika Araba Saharaui Demokratika (RASD), la kuala es rekonosida asta oy por 81 payises. La RASD administra la rejion no kontrolada por Marroko, el kual yama ofisialmente al territorio komo las sus Provinsias Meridionalas; endemás, Mauritania okupa la sivdad de La Aguera, al sud del territorio.

Referensias trocar

  1. documento de distribución oficial S/2002/161 del 12 de febrero de 2002 (en lingua kastilyana)
  2. Real Instituto Elcano. GONZÁLEZ CAMPO, Julio.: Las pretensiones de Marruecos sobre los territorios españoles en el norte de ÁFrica (1956-2002) Documento de Trabajo núm. 15 DT-2004, pp. 7. (en lingua kastilyana)


Paizes de Afrika
Arjelia | Angola | Ayifto1 | Azawad2 | Benin | Botswana | Burkina Faso | Burundi | Kabo Vedre | Kamerun | Chad | Djibuti | Eritrea | Etiopia | Gabon | Gambia | Ghana | Ginea | Ginea-Bissau | Ginea Ekvatoriala | Komoras | Kosta de Marfil | Kenia | Lesotho | Liberia | Libia | Madagaskar | Malawi | Mali | Maroko | Maurisio | Mauritania | Mosambiko | Namibia | Nijer | Nijeria | Repuvlika Sentroafrikana | Repuvlika del Kongo | Repuvlika Demokratika del Kongo | Rwanda | Sahara Oksidental2 | Santo Tome i Prens | Senegal | Seychelles | Sierra Leona | Somalia | Somalilandia2 | Sud-Afrika | Sudan | Sudan del Sud | Swazilandia | Tanzania | Togo | Tunesia | Uganda | Zambia | Zimbabwe
Dependensias: Asension | Kanarias | Seuta | Madeira | Mayotte | Meliya | Pantelleria | Reunion | Santa Helena | Sokotora | Tristan da Cunha
1 Parsialmente en Asya. 2 Payis no rekonosido por todos los payises