Mimuna

Mimuna (en ivrit מימונה, en arabo ميمونة) es una fyesta djudia de orijen marroki ke empiesa en la nochada del ultimo dia de Pesah.

Una mesa kon kumída tradisyonala de la fyesta, komo la mufleta.

La Mimuna marka la fin de Pesah, en la kuala se tiene defendido komer hamets, ke es pan i otros produktos ke tyenen masa fermentada. En la Mimuna la kostumbre es kumer munshos dulses i reshikas i festejar asta la demanyana, passando de kaza en kasa vijitando los amigos i la famiya. El orijin de la festa es diskutido, ma ulay tyene ke ver kon el nombre Maimon, ansina komo se yamava el padre del Rambam, el grande filosofo djudio andaluzí ke murió en la data de la Mimuna. Otra teoria es ke iva venir del biervo arabo "mimun", ke sinyifika "rikeza"^[1]. Endemas tambien marka el empesijo de la primavera, de manera paresida a la fyesta persa-turkana del Novruz i la fyesta bereber de Yennayer.

En Yisrael la Mimuna se tornó en una fyesta popular, no solo de djudios de Marroko, afilu una fyesta popular no de los djudios oryentales. Munchos politikos del payis vijitan a los parkos el dia de la fyesta para fiestar kon la jente. El saludo tradisional de Mimuna es "Tarbeh u-tsa'du!", ke sinyifika "Ke tengas reushitá i buen mazal!"^[2]

Referensias

↑ The Magic of Mimouna. Por David Suissa. The Jewish Journal of Greater Los Angeles
↑ What’s Mimouna?

Atamientos Eksternos

[1] The Magic of Mimouna. Por David Suissa. The Jewish Journal of Greater Los Angeles

[2] What’s Mimouna?

[1]

[2]