Tamazight

Se le yama Tamazight al grup de las linguas bereberes, ke son un kondjunto de lashones kamitikos avlados por los bereberes enel nord de Afrika. Tienen unos veinte milyones de favlantes, de los kuales katro milyones abitan en Kabilia (Arjelia). Los lashones bereberes uzan un alefbet eksklusivo, el tifinagh, uzado tradisionalmente por los tuareg i revivido en epoka resiente por varias institusiones i movimentos kulturales berberistas, komo el Kongreso Mundial Amazigh. Se uza tambien el alefbet latino en algunas rejiones de Arjelia, en Mali i Niger (con alkunas letras grégas como γ) i el alefbet arabo se uza ainda en otros lugares, komo Maroko, asta la adopsion ofisial del tifinagh para la ensenyansa. Las linguas bereberes se avlan en varios paezes de Afrika kon la sigiente distribusion aproksimada:

Distribusion de los diferentes lashones bereberes.
     Tarifit     Tamazight del Maroko Sentral     Tashelhit     Lingua Zenaga     Linguas tuareg     Tashenwit     Taqbaylit     Tashawit     Tanfusit     Otras (Wargla, Mzab, Siwi, etc)

• Maroko: Tarifit (2.7 milyones), Tashelhit (8 milyones), Tamazight de Maroko Sentral (4 milyones)
• Arjelia: Taqbaylit o Kabil (6 milyones, en la rejion de Kabilia), Tashawit (1.8 milyones, en Arjelia Oryental) i los tuareg ke avlan el lashon Tahaggart del Tamajaq (unos 60 mil)
• Tunesia: Djerbi (30 mil)
• Mauritania: Zenaga (menos de 1000 avlantes) i unos 5 mil avlantes de Tamasheq
• Libia: Tanfusit (165 mil, en Zuwara i Jebel Nafusa), Tahaggart i Tamahaq de Ghat (20,000)
• Ejipto: Siwi (20 mil, todos en el oasis de Siwa)
• Mali: Tamasheq (250 mil), Tamajaq (190 mil), todos de la etnia tuareg
• Nijer: Tamajaq en sus lashones Tawallamat (450 mil), Tajart (250 mil) i Tahaggart (20 mil); todos los avlantes son de la etnia tuareg
• Burkina Faso: Aproksimadamente unos 30 mil tuareg ke avlan el lashon Kidal del Tamasheq.
• Fransia: Unos 580 mil avlan Kabil i unos 150 mil avlan el Tamazight de Maroko Sentral
• Beljika: Unos 300 mil marokis favlan Tamazight de Maroko Sentral i unos 150 mil favlan Kabil
• Israel: Unos 2 mil djudios marokis, en su mayoria aedados, favlan djudeo-bereber, el kualo es intelijible con el Tashelhit
• Espanya: La mayoria de los 80 mil abitantes de Meliya i unos 20 mil abitantes de Seuta avlan Tarifit
• Nijeria: Ay alkunos merkaderes tuareg en el Nord del paez que favlan Tamajaq

Sinyal de benvinida en la Wilaya de Bumerdes, eskrita en arabo, tamazight (kon alefbet tifinagh) i franses.

Enlasos eksternos

• Kongreso Mondial Amazigh (en lingua fransesa)

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.