Djudeo-Arabo Marrokí

El Djudeo-Arabo Marrokí es un lashon del Djudeo-Arabo avlado por los djudios ke biven o bivieron en Marroko. Oy endiya, la majorita de eyos biven en Fransia o en Israel, mientres ke la majorita de los avlantes de este lashon en Marroko son aedados o de la treséra edad.^[1]

Istoria i orijin

Este lashon es avlado en Marroko desde munchos syéklos dalkavo en la istorya de los djudios en Marroko i es konosido por la enfluensia de la lingua kastilyana (por estar serkano a Espanya), Haketia, lashon ke nasió kon la arrivada de los sefardis desde 1492, dempues de la Ekspulsion de los djudios de Espanya i Fransez, por la enfluensia de fransia, la kuala izo a Marroko su kolonia, endemas del ivrit, komo las otras linguas djudias. Este lashon es muy paresido al Djudeo-Arabo Tripolitanio i espesialmente al Djudeo-Arabo Tunesiano, ma tiene munchos biervos i pronunsiasiyon diferentes al Djudeo-Arabo Irakí, ke es una relasion paresida a la ke egziste entre los lashones arabos Darija, Libi, Tunisi i Djiri kon el Iraki.

Oy endiya

La gran majorita de los 265.000 djudios de Marroko izieron aliya dempues de 1948, anke endemas unos grupos se fueron a bivir a Evropa (Espesialmente a Fransia) i a Kanada (Québec). Ainda biven unos 9.000 djudios en Marroko, anke los mansevos avlan fransez komo priméra lingua, i el lashon del arabo ke avlan es mas paresido al Darija le al djudeo-arabo; la majorita de los avlantes en Marroko biven en Kasablanka i Fes; unos 250.000 biven en Israel, ande kaji todos avlan ivrit i djudeo-arabo marroki igualmente. La radio israeli Kol Israel tiene programasion en djudeo-arabo marroki.

Frasas i ekspresiones en djudeo-arabo marrokí

Shalom / Saludes: שלמה šlāma / שלמה עליכ šlāmaʿlik
Adio: בשלמה bšlāma / בשלמה עליכ bšlāmaʿlik
Shukur/Mersi: מרסי mersi
Si: ייוה ēywa
No: לא lā
Ke haber?: אשכברכ? āš |iḫbark?
Bien, mersi: לבש, מרסי lābaš, mersi
Bien / Sin penserios: לבש lābaš

Referensias

↑ Raymond G. Gordon, Jr, ed. 2005. Ethnologue: Languages of the World. 15th edition. Dallas: Summer Institute of Linguistics. (en lingua inglesa)

Jewish Language Research Website: Judeo-Arabic (en lingua inglesa)
Ethnologue entry for Judeo-Moroccan Arabic (en lingua inglesa)
Heath, Jeffrey, Jewish and Muslim dialects of Moroccan Arabic (Routledge Curzon Arabic linguistics series): London, New York, 2002. (en lingua inglesa)

Ver endemas

Linguas semetikas

Atamientos eksternos

Reka: Estasion de Kol Israel kon programasiyon en djudeo-arabo marrokí

Linguas djudias

[1] Raymond G. Gordon, Jr, ed. 2005. Ethnologue: Languages of the World. 15th edition. Dallas: Summer Institute of Linguistics. (en lingua inglesa)

[1]