Krimchak

Krimchak (кърымчах тыльы) es una lingua turka avlada en la Krimea por los Krimchaks. Es konsiderada un lashon de la lingua tartara de Krimea, por lo kualo munchas vezes es yamada "Djudeo-Tartaro de Krimea". Komo la majorita de las linguas djudias, tiene munchos biervos emprestados del ivrit. Antes de la epoka sovyetika era eskrita uzando alefbet ebreo, ma desde el anyo 1930 fue eskrita kon el alefbet turkano, el kualo es una variedad del alefbet latino, ansina komo la lingua tartara de Krimea i el Karaim. Oy endiya, es eskrita uzando el alefbet siriliko.

La komunita krimchak kaji fue destruyida kompletamente durante el Olokósto. Kuando en Mayo de 1944 kaji todos los Tartaros de Krimea fueron deportados a Uzbekistan, munchos avlantes de Krymchak ivan kon eyos, i algunos se kedaron biviendo en Uzbekistan. Oy endiya la lingua kaji esta ekstinta. Asigun el govierno de Ukraina, enel anyo 2001, menos de 785 Krimchaks kedavan ainda en Krimea, i solo unos 100 avlan la lingua.

Enshemplos

Krymchak	Lingua turkana	Djudeo-Espanyol
Kılıç	Kılıç	Espada
Arıslan	Arslan	Leon
Yaka	Yaka	Kolyar
Yulduz	Yıldız	Estreya
Yaş	Yaş	Edad
Yol	Yol	Kamino
Kalkan	Kalkan	Eskudo
Yanhı	Yeni	Muevo
Yel	Yel	Vento, Ayre
Tülkü	Tilki	Zorro
Sıçan	Sıçan	Raton
İmırtha	Yumurta	Guevo
Taş	Taş	Piédra
Altın	Altın	Oro
Tengiz	Deniz	Mar
Kumuş	Gümüş	Plata
Ögüz	Öküz	Vaka
Koy	Koyun	Kodrero
Suv	Su	Agua
At	At	Kavayo
Agaç	Ağaç	Arvól
Yeşil	Yeşil	Vedre

Atamientos eksternos

• Ethnologue report (en lingua inglesa)