Union Afrikana
La Union Afrikana (UA), es la organisasyon supranasyonala afrikana kriada kon el buto de muchiguar la integrasion ekonomika i politika del kontinente, endemas de ahuersar la kooperasion entre los payises ke la apartienen. La UA nasio diskues de la Deklarasyon de Sirte, en la sivdad del mismo nombre topada en Libya el 9 de Sietembre de 1999, en la kuala la Organisasyon para la Unidad Afrikana dechidio kriar la UA. La UA esta inspirada en la Union Evropea.
.svg)
Marroko es el uniko payis del kontienente ahuera de la UA, deke gran parte de los payises ke apartienen ala organisasyon tienen la independensia de la antika kolonia espanyola del Sahara Oksidental basho el nombre de Repuvlika Araba Saharaui Demokratika, la kuala este payis konsidera parte del su territorio. El ultimo payis en apartenerse es Sudan del Sud, el kualo izo esto el 28 de Djulio de 2011.[1]. Madagaskar i Mali estan suspendidos de la UA por modre de los trokamientos de govierno en estos payises, en kontro del orden demokratiko.
Payises evropeos komo el Reyno Unido, Fransia, Portugal o Espanya, los kualos tienen territorio en Afrika, tampoko azen parte de la UA.
En Djulio del anyo 2004 la UA dechidio ke las linguas ofisialas de este bloko de 54 payises van ser el arabo, el fransez, el inglez, el kastilyano, el portugez i el swahili.