Djudios de Maroko
Son yamados djudios de Marroko akeyos djudios ke biven o bivían en la rejion del Maghreb yamada ansina. Munchos de estos djudios arrivaron diskués de la destruksiyon del sigundo Bet Amikdash i otros, los yamados megorashim, arrivaron de la Peninsola Iberika diskués del Edikto de Granada enel anyo 1492, kuando los djudios fueron arrondjados de los reynos de Espanya i Portugal.
En la anyada de 1940, se kreye ke bivían mas de 250.000 djudios en Marroko. Oy endiya, unos 5.000 djudios biven en el payis, espesialmente en la sivdad de Kasablanka. Los djudios de Marroko i sus ijos pueden toparsen en Israel, Fransia, Kanada i Venezuela.
Lingua
trocarAlkunos djudios de Marroko, espesialmente los mas aedados, avlan uzando el lashon marrokano del djudeo-arabo; Kol Israel tiene programas de radio en este lashon[1] i endemás unos 2.500 yisraelianos (en su majorita sharfos) avlan djudeo-bereber. En kavzo de las komunitas toparsen en la rejion de Marroko basho enfluensia fransesa, la komunita uza la lingua fransesa; en akeyas komunitas del nord del payis (Marroko Espanyol), se avlava la haketia, un lashon de la lingua djudeo-espanyola kon enfluensia del kastilyano moderno, el arabo i el tarifit.
Referensias
trocarAtamientos eksternos
trocar- Primera oja ofisial del Konsejo de la Komunita de Marroko (en lingua fransesa)
- David Bensoussan, Il était une fois le Maroc : témoignages du passé judéo-marocain, éd. du Lys, www.editionsdulys.com, Montreal, 2010 (ISBN 2-922505-14-6); Second edition : www.iuniverse.com, Bloomington, Indiana, 2012, ISBN 978-1-4759-2608-8, 620p. ISBN 978-1-4759-2609-5 (ebook);
- La Halakha Marocaine Quotidienne (en lingua fransesa)
- Foundation for the Advancement of Sephardic Studies