Fatma El Mehdi
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Fatma El Mehdi (en arabo: فاطمة مهدي; nasida el 5 de Djenero de 1969, Smara, Sahara Espanyol), konosida endemas komo Fatma Mehdi Hassan,[1] es una aktivista saharaui. Desde el anyo 2002 es la sekretaria djgenerala[2][3] de la Union Nasionala de Mujeres Saharauis (UNMS)[4] i apartiene ala direktiva del Frente Polisario.[5]
Biografiya trocar
Nasio en la sivdad de Smara, la unika sivdad del Sahara Oksidental ke no era fondada por Espanya. En 1975, kuando El Mehdi era de 7 anyos de edad, salio kon la su famiya de El Aaiun, por kavza de los atakos de la Armada de Marroko ala sivdad kapitala, i ando kon los sus padres durante varios diyas, fina ke arivaron a los kampamentos de arefujiados en Arjelia, ande ainda bive. [6] Ambezo en Arjelia i en Libia, ma diskues de ke su padre muriera, [7] eya torno a Tinduf para kudiar los sus ermanos chikos.
Kariera trocar
El su entereso en los diritos de las mujeres saharauis nasio kuando ambezo par ser maestra de lise, kon el buto de ensinyar alas mansevas del kampamento[8] i al bivir enel kampamento otruna vez i ver komo bivian los rifujiados.[9]
En Novembre del anyo 2016, en Washington (Estados Unidos), El Mehdi desvelopo aktivitades en la fiesta del 70 aniversario de las Nasiones Unidas. Es la primera mujer saharaui ke es konvidada para una konferansa ensima de los diritos de las mujeres[10] Izo parte en evenementos ensima del papel de las Nasiones Unidas enel desvelopamiento de la paz i ensima de los diritos umanos, ande se avlo de ke kale lavorar mas por la paz enel Sahara Oksidental i para defender los diritos umanos en los kampos de rifujiados i en las rejiones okupadas por Marroko.
Endemas, es la prezidenta del Komite de las Mujeres del Sahara Oksidental, i era elekta prezidenta en 2016 del Komite de Mujeres del Konsejo de Igualitad Ekonomika, Sosyala i Kulturala de Afrika (ECOSOCC, en inglez).[11]
El Mehdi propoza el fraguamiento de Kazas de la Mujer en los kampamentos de rifujiados del Sahara Oksidental, kon el ayudo de ONGs de Espanya.[5]
Aktualmente bive enel kampamento de rifujiados de Tinduf, Arjelia.[1][3]
Referensias trocar
- ↑ a b USD's 'Women PeaceMakers' Offer Messages That Hit Home. [The San Diego Tribune[ (en lingua inglesa)
- ↑ “La planificación familiar no es una prioridad, intentan aniquilarnos como pueblo”. Periódico Diagonal (en lingua kastilyana)
- ↑ a b TENERIFECONELSAHARA: Entrevista de Hmad Hammad y Fatma Mehdi por el periódico Deia. (en lingua kastilyana)
- ↑ AU Sensitization and motivation campaign in Sahrawi Arab Democratic Republic to encourage participation in the elections for the ECOSOCC 2nd General Assembly. Union Afrikana (en lingua inglesa)
- ↑ a b Reportaje: Un proyecto para el mejor oasis. El País (en lingua kastilyana)
- ↑ Notes from Western Sahara: An Interview with Fatma El-Mehdi. Africa's Last Colony - Western Sahara (en lingua inglesa)
- ↑ La líder de les dones sahrauís exposa al Parlament el paper de la dona en els camps de refugiats. Esquerra Republicana de Catanlunya(en lingua katalana)
- ↑ Entrevista realizada a la Sra. Fatma El Mehdi 1 Secretaria General de la Unión Nacional de Mujeres Saharauis. Senado de Meksiko (en lingua kastilyana)
- ↑ {La Alianza Internacional de Mujeres se solidariza con las mujeres saharauis. Sahara Press Service (en lingua kastilyana)
- ↑ Fighting for Women's Rights in the Western Sahara. WNYC(en lingua inglesa)
- ↑ National Union of Saharawi Women Elected Head of Ecosocc Women and Equality Committee All Africa (en lingua inglesa)