Sivdad de Aguascalientes
Sivdad de Aguascalientes es una sivdad del Estado de Aguascalientes, es la kapitala del estado i kavesera del belediye del mismo nombre. Ay una povlasion de 722 250 avitantes i es una de las sivdades meksikanas ke muchigua rapidamente.
Este artikolo o seksion nesesita referensias ke apareskan en una puvlikasion soportada.
Puedesh, akresentar o enkomendar al autor prinsipalo en la su hoja de diskusion. Mientres tanto, no kites este avizo.
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
| |||||||||||||||||||||||||||
La sivdad pertenesio a la antika Mueva Galizia; endagora, forma parte de la Rejion del Bajio, se topa en parte oksidentala del paiz. Es un sentro urbano emportante kon alto desvelopamento industrial i komersial.
Etimolojia
trocarEl nombre de Aguascalientes proviene de los biervos kastelyanos; aguas calientes ke en ladino sigknifika Lugar de aguas buyidas, en onra de las termas de Ojo Kaliente. El nombre de la su fundasion es la "Viya de Muestra Sinyora dela Asunsion delas Aguas Kalientes".
Istoria
trocarLos primeros avitantes de estas tierras hueron los indijenas de Aridoamerika, ansina yamados chichimekos, djente ostil de munchos grupos komo los zakatekos, kaxkanos, xiximes, entre otros.
La konkista duro munchos anyos, los espanyoles aventureros avanzaron azia el nord en bushka de fortuna. Estas tierras, endemas de ser mas desertikas ke las ke avian enkontrado en Veracruz i enel Vaye de Meksiko, ansina, estavan avitadas por indijenas i ke se konvirtieron enel terror al kruzar por los kaminos ke konektavan a la Mueva Espanya kon esta otra parte del territorio, kual le dio el nombre de la Mueva Galizia. El kazal mas antiko es el afamado Kale del Encino, en denantes, fundado en 1565 por el andaluz Hernando González Berrocal, mismamente era yamado el kazal komo el Barrio de Triana, en honra a la mentada sivdad de Seviya.
La Sivdad de Aguascalientes fue fundada ofisialmente el 22 de Ochobre de 1575, por Juan de Montoro, komo un puesto de servisio postalo entre la Sivdad de Zacatecas i la Sivdad de Meksiko kon el nombre de Villa de Nuestra Señora de la Asunción de las Aguas Calientes; la viya hue poko afamada en un prinsipio, aínda era komentada por las sus termas de Caliente, ma muchiguo poko i sus avitantes eran venidos de otras sivdades serkanas. Asegun, los fudadores no kerian ke muchiguara muncho la sivdad, preferian eyos estar apartados de la Sivdad de Meksiko, alkunos avitantes eran sospechosos de djudios i otros de evasores de impuestos a la korona por las rikesas ke produzian las sivdades mineras.
La sivdad nasio de kuatro kales, El Encino, San Marcos, Guadalupe i La Salud (La Hazinura). El Kale del Encino onde keda la kilisia del Sinyor del Ensino, un templo katoliko levantado entre 1773 i 1796. El Kristo Preto del Ensino, es el simbolo mas venerado del kale. Endemas la sivdad hue en anyadas venideras, un grande sentro de produksion agrikola, los espanyoles sembraron vinyas, oliveras, membriyos e peras serka de las haziendas, hue aki uno de las sivdades emportantes para la produksion de vino de uva.
Deskues de la independensia de Meksiko, la sivdad de Aguascalientes hue nombrada la kapitala de muevo estado yamado kon el mismo nombre kuando el territorio hue apartajado del estado de Zacatecas en el anyo de 1835. La Sivdad de Aguascalientes muchiguo en avitantes kon el nombramiento de sivdad kapitala, konstruyeron emportantes fraguas siviles e de governo, formandose komo un lugar de emportansia entre munchas sivdades del Bajio, del norte e del sentro del paiz.
En la sivdad de Aguascalientes hue hecho el kongreso de lideres del movimiento de las huersas revolusionarias de 1910.
Jeografia
trocar
La sivdad de Aguascalientes topa dentro del belediye de Aguascalientes, es al sud kon el estado de Jalisko, al este kon el belediye de El Llano, al nordeste kon el belediye de Asientos, al norte kon Pabellón de Artega i al oeste kon el munisipio de Calvillo.[1] Debasho de la tierra ay termas, por kedar en la rejion del Bajío, aguas buyidas ke dieron nombre a la sivdad.
La sivdad se topa en el altoplano sentralo, forma parte de la rejion de El Bajio-Norte, ensima de las kolinas del sud, se afinko la sivdad kapitala del estado i sivdad mas emportante. Al norte se topa el serro del Muerto, una montanya ke sirve komo simbolo de la sivdad; al oeste tambien ay chikas montanyas de la Serralada Fría, el sud zon yanos semejantes a La Mancha, en Espanya.
La sivdad e los kazales okupan el 40% del belediye, kaji todo es dentro de zonas agrikolas i tierras en brenya semi-desertikas.
Flora
trocar
Es una rejion semi-desertika onde amuchiguan diversas plantas de kaktos e plantas frutalas, arvoles komo ensinos, pinos, akasias, pirules, entre otras. La frutikultura es desvelopada huera de la sivdad, los espanyoles trujeron uvas, zirguelos, membriyos, igos, olivos, peras, mansanos, nares e limoneros, frutos mediterraneos ke afinkaron muy bien en estas terras.
Las areas vedres, zon los parkes, zonas urbanas ande ay munchas espesias de arvoles nativos i arvoles trushidos de otras partes del paiz y del mundo, komo; jakarandas, arrayanes, sedros, ahuehuetes, tepozanes, entre otros. Aguascalientes es una delas sivdades del Meksiko kon mas parkes i jardines, es afamada por las sus zonas vedres.[aklaro nesesario]
Favna
trocarAl ser una zona urbana, kaji no egziste favna nativa, la mayor presensia de animales es de pasharos, insektos, chikos reptiles e mamiferos de kaza komo perros, gatos, konejos, aznos, porkos, vakas o roedores, la favna salvaje keda huera de zonas urbanas, tales komo rinteles, zorrikos, onza, koyotes I zarigueyas; al ser la Sivdad de Aguascalientes un lugar onde ay toradas o korridas de todos, los ranchos serkanos krian toros i kavayos trujidos de Espanya.
Ekonomia
trocarLa sivdad de Aguascalientes es una de mejoras sivdades para vivir i para lavorar, en Meksiko; el su nivelo de desvelopamiento umano es alto, la su zona industriala konta kon emportantes signaturas internasionalas komo Nissan, entre otras.
El Sentro istoriko de Aguascalientes hue deklarado Erensia de la Umanidad, por el nombramiento del Kamino de Tierra Adentro komo erensia kulturala por la UNESCO.
Personas afamadas
trocar- Guadalupe Posadas Ocampo, Pintor i litografo.
- Luis Gerardo Méndez, Aktor.
- Refugio Reyes Rivas, Arkitekto.
Akodros
trocarLa Sivdad de Aguascalientes tiene munchas sivdades ermanas:
Ver endemas
trocarReferensias
trocar- ↑ Belediye de Aguascalientes INAFED.
