Aguascalientes (belediye)

Aguascalientes (אגואסקליינטס) es uno delos 11 belediyes del estado de Aguascalientes, en la Repuvlika Meksikana. La su povlasion es de 832.712 moradores. La kavesera del belediye es la Sivdad de Aguascalientes.^[1] Es el mayor belediye del estado, konta kon una superfisie de 1,168.72 km².

El belediye de Aguascalientes es uno de los puededores del estado i del paiz, muchigua grasyas a la industria, el komersio, el turizmo i la agrikultura.

Etimolojia

Aguascalientes, en djudeo-espanyol es Aguas buyidas, el orijen del biervo en lingua kastilyana i es onra a Muestra Sinyora dela Asunsion de las Aguas Kalientes, por modre de un ojo kaliente de agua buyida. El belediye resibe el nombre de la kavesera, la kual es Sivdad de Aguascalientes.

Istoria

En 1835, el estado kontaba kon los partidos de Aguascalientes, Calvillo i Rincón de Romos, el partajamiento de Aguascalientes formo el belediye aktualo de Aguascalientes, este estava konformado por el territorio ke agora okupan los belediyes de Aguascalientes, Jesús María, San Francisco de los Romo i El Llano.

Jeografia

Serro del Muerto, en el belediye de Aguascalientes.

El belediye de Aguascalientes topa al sud del estado, konta kon una superfisie de 1,168.72 km² de territorio. La kavesera es la Sivdad de Aguascalientes i se topa al norte kon el belediye de Jesus María, al sud ay frontiera kon el estado de Jalisco, al este kon el belediye de El Llano i al oeste kon el belediye de Calvillo. ^[2]

Orografia

El Cerro de Muerto es la mayor altitud del belediye, topa kon los linderos del belediye azia el oksiente, fue deklarado area natural protejida por SEMARNAT, enjuntamente kon los belediyes de Jesús María i Aguascalientes.

El belediye es formado por kolinas i yanos, endemas ay serros ke forman parte de la Serralada de Encinal.

Kima

El kima del belediye de Aguascalientes es kalido sub-humido.

Governo i administrasion

Alkaldia del belediye de Aguascalientes.

La kavesera o kapitala del belediye es la lokalidad de Sivdad de Aguascalientes, lugar ande governa la autoridad mas emportante del belediye ke es apresentada por el Ajuntamiento de Aguascalientes,^[3] estruktura de governo lokal votado kada tres anyadas i votasion ke emiten los sivdadanos mayores de 18 anyos de edad.

Alkalde	Data
Luis Armando Reynoso Femat	1999-2001
Ricardo Magdaleno Rodríguez	2002-2004
Martin Orozco Sandoval	2005-2007
Francisco Gabriel Arellano	2008-2010
Lorena Martínez Rodríguez	2010-2013
Juan Antonio Martín del Campo	2013-2016
María Teresa Jiménez Esquivel	2016-2019

Infraestruktura

Komunikasion i transporte

Ayroporto Internasional de Aguascalientes.

Aguascalientes konta kon una grande rede de estradas kue kobren un elevado porsentaje del territorio del belediye, mesmamente es aprovechado por la una grande kantidad de linyas de otobusos ke konektan kon munchos belediyes del estado i las prinsipales sivdades del paiz, el belediye konta kon una Terminal de Otobusos.

Aguascalientes tyene un ayroporto internasional yamado Jesús Terán Peredo, es afinkado en la lokalidad de Peñuelas, konekta kon ayroportos del paiz i alkunos fuera del paiz (Estados Unidos).