Selma Hédia Mabrouk

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Selma Hédia Mabrouk es una politika de Tunesia ke izo parte de la Asamblea Konstituyente de Tunesia de 2011, kon el partido Ettakatol,[1] por la vilaya de Ben Arous.[2] Aparesio en los haberes del mundo kuando izo publiko ke el teksto orijinal de la mueva konstitusion de Tunesia iva definir ala mujer komo “un komplemento kon el ombre en la famiya, i ayudo al ombre enel desvelopamiento del payis.”[3] Este haber kavzo shok en la sosyete tunisiana, en la kuala las mujeres tenian aresivido diritos ke dingun otro payis del Mundo Arabo dava a las sus sitizenas.[4] Los eskritos de Mabruk en Facebook kavzaron ke el teksto ke avlava ke las mujeres eran dosenas en emportansia en la sosyete del payis se kitasen de la konstitusion.[3]

Salma Hédia Mabrouk.

Biografiya trocar

Selma Hédia Mabrouk nasio el 11 de Oktobre de 1964 en Tunis, Tunesia. Ambezo enel Lisé Sadiki, i diskues ambezo medikeria en la Universita de Tunis, aziendo un MSc. en oftalmolojiya en Fransia. Abolto a Tunesia, lavorando primeramente en un espital publiko, i diskues en una klinika privada.[5] Esta espozada i tiene dos ijos. Avla Arabo, Inglez i Fransez.[5]

Kariera politika trocar

Diskues de la Revolusion en Tunesia durante la Primavera Araba ke kavzo la salida del prezidente Zine El Abidine Ben Ali,[6] eran organisadas eleksiones el 23 de Oktobre de 2011 para una mueva asamblea konstituyente. El dever de esta asamblea era eskrivir una mueva konsitusion para el payis.[7] Mabrouk era elejida aparteniendo al partido Ettakatol[1] por la vilaya de Ben Arous.[2] La majorita de los diputados elejidos, 89 de 217, eran del partido islamista moderado Ennahdha.[7] Mabrouk avlo klaramente en Fevrero de 2012 ensima de la idea de Ennadha de bazar la mueva konstitusion en la Sharia[8] i dechidio azer publiko el teksto propozado enel kualo las mujeres ivan ser yamadas un "komplemento para el ombre"[3] i ke los diritos de las mujeres ivan ser defendidos komo espozas de los ombres, ma no komo personas independientes.[4] Esto kavzo protestas en las kalejas de todo el payis, i el teksto era kitado.[3]

El 9 de Oktobre de 2012, Mabrouk i 3 diputados del partido anunsiaron ke deshavan Ettakatol,[9] deke kreyian ke el partido no buskava empedir ke Ennahdha, el partido kon majorita en la asamblea, aprontara una konsitusion islamika otoritaria.[2] El 25 de Marso de 2013, anunsio ke iva apartener al partido Al Massar.[10] El 6 de Fevrero, el politiko de oposizion Chokri Belaid, era amortado. [11] Esto, i el amortamiento de Mohamed Brahmi,[12] kazvo una gerra entre los politikos islamistos i los sekulares. [13][14] Mabrouk estava skeptika del yamamiento de Mehdi Jomaa para ser el shefe del governo[15] i no kisho dar el su voto de konfiensa en Djenero de 2014.[16]

El 6 de Djenero de 2014, Mabrouk propozo usar biervos sin jenero durante la diskusyon del Artitkolo 20 de la Konstitusion de Tunesia, ma ala fin kito la su proposta. El teksto dechidido dize, “Todos los sitizenos, ombres i mujeres tienen igualitad de diritos i deveres, i delantre de la Ley son iguales sin diskriminasion. El estado garantisa a los sus sitizenos diritos individualos i kolektivos, endemas de las kondisiones para una vida kon dignitad.” El 9 de Djenero de 2014, el Artikolo 45, el kualo garantisa ke las mujeres aresivan oportunidades igualadas, ama no defensa en todos los aspektos de la vida, i demanda kitar la violensia en kontro de la mujer, era aprovado.[17] El 26 de Djenero de 2014, kon 200 votos en favor, 12 en kontro i 4 votos neutralos, Tunesia aprovo la su mueva konstitusion.[18]

Para las ekesiones de Oktobre de 2014, el partido Al Massar dechidio konformar una koalision politika yamada la Union por Tunesia. Mabrouk pedrio el su fotolyo de diputada, kuando el partido no aresivio fotolyos en las eleksiones del 26 de Oktobre.[19]

Referensias trocar

  1. a b Tunisia's draft constitution brands women 'complementary' to men. The National (en lingua inglesa)
  2. a b c Selma Mabrouk : sa lettre de démission résume toute la problématique de la troïka et d'Ettakatol. Business News (en lingua fransesa)
  3. a b c d Women’s Rights at Odds in Egypt’s Constitution Wars. Time (en lingua inglesa)
  4. a b Tunisian Assembly: It’s a Man’s World, but Women Can Help!. Nawaat (en lingua inglesa)
  5. a b Elus. Salma Hedia Mabrouk. Marsad (en lingua fransesa)
  6. Tunisia: President Zine al-Abidine Ben Ali forced out. BBC (en lingua inglesa)
  7. a b Final Tunisian election results announced. Al Jazeera (en lingua inglesa)
  8. A la croisée des chemins. The Huffington Post Maghreb (en lingua fransesa)
  9. Tunisia: Four Ettakatol NCA Members Resign From Their Party. Tunis Afrique Presse (en lingua inglesa)
  10. Salma Mabrouk : je me suis sentie proche d'Al Massar. Mosaic FM (en lingua fransesa)
  11. Tunisian lawmakers set timetable for constitution, elections. Reuters (en lingua inglesa)
  12. Second Opposition Leader Assassinated in Tunisia .The New York Times (en lingua inglesa)
  13. Tunisia’s Ennahda will give up government but not power, says party leader. Al Arabiya (en lingua inglesa)
  14. Mehdi Jomaa Chosen to Become New Prime Minister. Tunisia Live (en lingua inglesa)
  15. Emergent Public Discourse and the Constitutional Debate in Tunisia: A Critical Narrative Analysi. TELOSscope Press. (en lingua inglesa)
  16. Tunisie- Vote de confiance au gouvernement de Mehdi Jomaa : Qui a voté contre et qui s’est abstenu. DirectInfo (en lingua fransesa)
  17. Small constitutional victory for Tunisian women. Al Monitor (en lingua inglesa)
  18. New Tunisian Constitution Adopted. Tunisia Live (en lingua inglesa)
  19. Dernières news Selma Mabrouk : Qui a été le plus "naïf" ?. Business News (en lingua fransesa)