Merieme Chadid

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Merieme Chadid (arabi: مريم شديد, nasida el 11 de Oktobre de 1969 en Kasablanka) es una sientista marokana i bushkadora de astronomiya ke lavora enel Domo C, Baza de Bushkida Konkordia, en en la Antartika. Esta konsiderada la prima astronomista del mundo ke lavora kon el buto de fraguar el primer observatorio astronomiko en este kontinente. Tiene eskapadas munchas bushkidas enel Polo Sur i lavoro en los observatorios astronomikos de Chile.

Merieme Chadid.

Biografiya

Chadid nasio en Kasablanka, Maroko. Aresivio su Ph.D from de la Universita Paul Sabatier de Tolosa, Fransia, en 1996, diskues de deskuvrir i eksplikar las ondas de shok ipersonikas en las estreyas de pulso. Diskues de esto, izo parte del Centre national de la recherche scientifique en Montpelier. Desde 1998 fina 2001 lavoro enel fraguamiento del Very Large Telescope en Chile, i en 2002 era konvidada apartener al Konsejo Nasional de Astronomistos de Fransia.

En 2006, Chadid, kunvidada por el Institut Polaire Français Paul-Émile-Victor, era la shefa de la primera vijita de sientistos ala Antartika kon el buto de instalar teleskopios para un Oserbatorio Astronomiko enel kontinente. Es la primera mujer astronomista i la primera marokana en vijitar la Antartika.. Es profesora oy endiya en la Universita Nisa-Sophia-Antipolis. Aresivio el premio Arab Woman of the Year enel anyo 2015 por el su lavoro sientifiko.

Ovras

• Ondes de choc, turbulence et modulations cycliques dans l'atmosphère de l'étoile variable pulsante RR Lyrae: une approche observationnelle. Ed. Versalita, 1996. (en lingua fransesa)