Mayana Zatz
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Mayana Zatz (Tel Aviv, 16 de Djulio de 1947) es una biolojista molekular i djenetista brasiliana. Es profesora en la Universita de São Paulo, i shefa akademika oy endiya.
Biografiya
trocarMayana nasio en Israel en 1947,[1] ma kresio en Fransia kon la su famiya, morando ayi fina de edad de 7 anyos. Mayana yego a Brasil kon la su famiya en 1955.[2] Desde la su chikez, eya amostro entereso por la biolojiya.[2]
Kuando ambezava en la universita, aresivio una beka para lavorar kon Oswaldo Frota Pessoa, la kuala era el empesijo de la su karriera en la jenetika umana. En 1968 eskapo la su karriera en Biolojiya en la Universita de São Paulo, i el su M.Sc. i un D.Sc. en Sensias Biolojikas de la misma universita en 1970 i 1974, respektivamente. Diskues de esto, izo un post-doktorado en Jenetika medika en la Universita de Kalifornia en Los Anjeles (UCLA), en 1977, i una katedra livre en la Universita de São Paulo, en 1987. Mayana amostro entereso en estudiar las distrofias muskulares, kuando ambezava en la universita[1] i dechidio estudiar un hazino del ospital ke apartiene a una famiya kon esta hazinura, ama el keria konformar una famiya kon ijos.
En 1969, la Dra. Zatz aperturo el su buro de konsejera djenetista para famiyas ke tienen djenes de miastenia gravis (una hazinura neuromuskular perikoloza), para ansi dar valor i komunikar el riziko de tener ijos kon esta hazinura. Diez anyadas diskues, bushko kontaktar estas famiyas, topando ke la majorita de las famiyas kon alto riziko dechidieron no tener ijos. Ama Mayana endemas topo ke los padres ke tinian ijos hazinos, los deshavan abandonados. Estas kreaturas, ke djeneralmente nasieron dezvelopadas mentalmente de modo normal, no aresivieron atansion medika apropiada, mismo aresivioeron terapia fisika, por modre de los padres ke no kudiaron de eyos, ma tampoko el Estato.
Entre 1975 i 1977, bivio en Estatos Unitos, ande izo el su postdoktorado de la Universita de Kalifornia, giada por Michael M. Kaback i David Campion.
Por modre del nivel basho de los tratamyentos para la dolor muskular en Brasil, en 1981, Mayana i otros medikos fondaron la «Asosiasyon Brasiliana de Distrofia Muskular» (ABDIM), enel Instituto de Biosensias de la USP.[3] Syete anyadas diskues, aresivio una fragua para la organisasyon. ABDIM, ke era el primer sentro para hazinos kon distrofia en Amerika Latina, aresive kada semana unos 100 ninyos i mansevos, en grupos de 20 hazinos. Desde la su fondasion, la organisasyon da ayudo mas de 1000 hazinos, en la su majorita, de famiyas proves; ABDIM bushka ofrir terapias fisikas, idroterapia, aktivitas para estimular la kreativita i el razonamyento, endemas de ayudo psikolojiko para los hazinos i las sus famiyas.
Oy endiya, Mayana apartiene del Prodjekto Djenoma Umano Internasyonal de la Akademia de Sensias del Estado de São Paulo, i en la Akademia Brasiliana de Sensias. D'akodro kon el Instituto para la Informasion Sientifika, los sus artikolos eran nombrados 1.500 vezes en 102 publikasyones entre 1977 i 1997. Tiene publikado 173 estudios i aproksimadamente 150 artikolos en revistas mondialas, komo Nature Genetics i Human Molecular Genetics. Mayana es endemas eskritora para la revista brasiliana Veja Magazine.[4]
Desde el empesijo de la su karriera, Mayana dio ayudo a unas 16.000 personas de famiyas kon hazinuras djenetikas (espesialmente problemas muskulares), ke es el numero mas grande de hazinuras djenetikas enrejistradas enel mundo. Ala fin de 1995, Mayana, la prof. Maria Rita Passos Bueno, i la Dra. Eloísa de Sá Moreira eran las primeras sientifikas del mundo en topar uno de los djenes lisionados kon la distrofia, la kuala ataka los brasos i muslos, endemas de mapear el djen del sindrome de Knobloch, el kualo kavza ke el hazino termine siego.
Ovras
trocar- Células-tronco: pesquisa e novos desafios éticos. Editor Grupo de Óptica - IFSC, 290 pp. 2009
- Atividade de creatina-fosfoquinase (CPK) e estudos de ligação em distrofias musculares progressivas de herança ligada ao X. 191 pp. 1973.
- Detecção de heterozigotas quanto ao gene da distrofia muscular progressiva tipo Duchenne. 70 pp. 1970.
Onores
trocar- 2011: Doktorado Honoris Causa por la UNAM.
- 2009: Premio Meksiko de Sensia i Teknolojiya 2008[5]
- 2009: Premio Walter Schmidt, conferido por la empresa Fanem, para destacar personalidades que promueven el desenvolvimiento del sector de la salud brasileña
- 2006: Personalita del Anyo de la Sensia, de la Revista ISTOÉ Gente[6]
- Premio anyo 2001 de L'Oréal-UNESCO para mujeres sientifikas[7]
- Premio ala Mujer Claudia del Anyo 2001, por la revista Claudia Magazine
Referensias
trocar- ↑ a b Academia Brasileira de Ciências - Acadêmicos - Mariana Zatz. Akademia Brasiliana de Sensias
- ↑ a b Mayana Zatz - Membros da ONMC. Akademia Brasiliana de Sensias
- ↑ ABDIM - Histórico. Associação Brasileira de Distrofia Muscular
- ↑ VEJA.com: Genética | Mayana Zatz (en lingua portugeza)
- ↑ Mayana Zatz é premiada no México (en lingua portugeza)
- ↑ Personalidade do Ano 2006 - Mayana Zatz (en lingua portugeza)
- ↑ for_women_in_science.php?page=all&p=y Seed: For Women in Science] (en lingua inglesa) }}