Amerika Latina

Amerika Latina o Latinoamerika se refiere a las rejiones de Amerika ande se avlan linguas latinas, es dizir las linguas romansas derivadas del latin (espanyol, portugez, fransez). Tiene varios uzos i depende del konteksto .

• El uzo el kualo se limita a la denominasiyon de akeyos payizes de avla espanyola i portugeza, sin inkluyir a las rejiones ande se avla fransez, kria el termo Iberoamerika, el kualo lo promosiona Espanya, afilú en estos payizes el su uzo es restrinjido a los kavos relasionados kon Espanya.
• La definisiyon má ekstendida i jeneralisada es akeya en la kuala los payizes de avla espanyola i portugeza se le anyaden los tyerritorios de avla fransesa de Amerika, particularmente los karibenyos komo Ayti, la Guyana Fransesa, Martinika, Guadalupe i las otras dependensias fransesas de la Mar Karibe, lo kualo aze en total 21 payizes i 7 dependensias ande tiene ofisialitá una lingua latina.

Amerika Latina

• El sentido má literala i amplio del termo, anke uzado poko, desinya a todo paez i tyerritorio de Amerika ande alkuna de las linguas romansas sea lingua ofisial. De akódro con esta definisiyon, «Latinoamerika» inklui no sólu a los payizes de avla espanyola i portugeza, sino tambien a los tyerritorios del kontinente ande se havle fransez, como Kebek, Mueva Eskosya i Muevo Brunswick, en Kanada; Luisiana en EE.UU., la Kolektivitá de ultramar fransesa de San Pedro i Migelón; la Guayana Fransesa, Ayti, Martinika, Guadalupe i todas las demás dependensias fransesas en Amerika. Endemás de los estados en EE. UU. ande el espanyol es ofisial o de uzo dominante komo Florida, Teksas, Muevo Meshiko, Arizona, Kalifornia, etc. pedryéndo utilitá praktica.

Dinguna de estas desinyasiyones se aplika a los payizes de lingua no latina de Amerika del Sud (komo Surinam i Guyana), el Karibe (dezenas de adás de avla inglesa i olandesa) o Amerika Sentrala komo Belize kon el inglez komo idioma ofisial. En la el linguaje jeopolitiko, es komún uzar el termo kompuesto Amerika Latina i el Karibe para desinyar tudos los teyrritorios del Emisferio Oksidental ke se ekstienden al sud de los Estatos Unitos, inkluindo los payizes de avla no latina.

Los payizes ke konforman Latinoamerika komparten alkunas similitudes kulturalas, por aver sido tyerritorios koloniales de Espanya, Portugal i Fransia. Entre eyos egzisten tambien grandes variasiyones idiomatikas, etnikas, sosyalas, polítikas, ekonómikas i klimátikas, por lo kualo no se puede avlar de un bloko uniforme.

Referensias

Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.