Lonso preto
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
El lonso preto (del latín Ursus Americanus) es un animal mamifero grande ke aze parte del orde de espesies delos karnivoros i dela famiya delos ursidos o lonsos ke mora en Amerika del Norte, desde Kanada, ansina asta Meksiko. El lonso preto mora en klimas diferentes del norte del kontinente, desde las sharas, los estepas, las grandes montanyas, las zonas aridas i la tundra dela peninsola de Labrador.
En djeneral, los lonsos pretos komen de todo, la su kumida djeneralmente son frutas i raizines, endemas karne i pishkado. Ay lonsos de kolor grizo, kolorado o senizo.
Distribusion
trocar
El lonso preto es espandido por toda la rejion de Norteamerika, desde Alaska i Kanada asta el Meksiko. Se topa desde el litoral del Oseano Atlantiko a las beiras del Oseano Pasifiko. Gusta de morar en las sharas i las zonas arbustivas i puede adaptarse a klimas i medios naturalos muncho diferentes: topa entanto las sienagas i las sharas subtropikalas del sureste delos Estados Unidos (Luisiana, Alabama i Florida) komo las altas montanyas del suroeste, entre 900 i 3000 metrossobre el ninel dela mar o endemas la tundra del Labrador.[1] En Meksiko, mora prensipalmente en las rejiones más muntanyosas del norte del paiz,[2] tanto en la Sierra Madre Orientala komo en la Sierra Madre Oksidentala, y la rejión mas meridional dentro del kontinente ande morava esta espesia eran las zonas de mayor altitud de la Sierra Norte de Jalisco asta la Reserva de la Biosfera de Sierra Godra.[3] Vive tambien en las sharas mikstas del sudeste del Kanada I el noreste de los Estados Unidos, ma tambien en el sud de los montes Apalaches. Es kaji osente de las zonas aridas de Norteamerika.
Al final del invierno, el lonso preto desha el su refujio i bushka komida en altitudes medias i en los vales ekspuestos al sol. A medida ke el verano se topa, rekupera altitudes mas elevadas. La shara konstituye un medio favorable para el lonso preto, ande puede eskonderse i protejerse del sol.
Anatomia
trocar
El lonso preto mide djeneralmente entre 140 y 200 cm de lungo.[4] La su altura asta la kes de entre 100 i 130 cm.[5] Las razas de lonso preto son mas chikas ke otrunas razas de lonsos komo los lonsos padros i lonsos polares.
La kavesa es grande i godra, el su osiko es de gueso fuerte magzilar i dentes kaninos kon grandes kolmiyos para desgarrar karnes i zarzavates, son de rabo chiko i peludo i patas fuertes ke permiten korrer al animal alkazando poko tyempo para matar la presa. Ansina el lonso tiene patas huertes ke le permite trepar arvoles para komer bayas i myel. En el otonyo, el lonso engodra el su puerpo para poder invernad o durmir en las kavernas durante el inverno.
Taxonomia
trocar- Ursus americanus altifrontalis: el norte i el oeste del Pasifiko, desde la Kolombia Britanika al norte de Kalifornia i al norte de Idaho;
- Ursus americanus amblyceps: Colorado, Muevo Meksiko, Texas, Arizona, Utah i Meksiko;
- Ursus americanus americanus: Montana oriental al Océano Atlántico, al sur y al este de Canadá y Alaska hasta el Océano Atlántico y el sur a Texas;
- Ursus americanus californiensis: Vale Sentralo de Kalifornia y el sur de Oregon;
- Ursus americanus carlottae: Alaska;
- Ursus americanus cinnamomum: Idaho, Montana, Wyoming, Washington, Oregon i al noreste de Utah;
- Ursus americanus emmonsii: el sudeste de Alaska;
- Ursus americanus eremicus: al noreste de Meksiko;
- Ursus americanus floridanus: Florida, Georgia i el sud de Alabama;
- Ursus americanus hamiltoni: la izla de Terranova;
- Ursus americanus kermodei : Beira sentrala de Kolombia Britanika;
- Ursus americanus luteolus: Este de Texas, Luisiana Misisipi;
- Ursus americanus machetes: Méksiko;
- Ursus americanus perniger: Peninsola de Kenai (Alaska);
- Ursus americanus pugnax: Arkipielago Alexander (Alaska);
- Ursus americanus vancouveri: Izla de Vancouver.
Ver endemas
trocarReferensias
trocar- ↑ Error en la sita: Etiqueta
<ref>no válida; no se ha definido el contenido de las referencias llamadasCatherine - ↑ El oso negro, Greenpeace México
- ↑ El lonsopreto meksikano, CONABIO
- ↑ «Ursus americanus». Université du Michigan. Consultado el 28 de septiembre de 2007.
- ↑ «L’ours noir». Faune et flore du pays. Archivado desde el original, el 9 de octubre de 2007. Consultado el 27 de septiembre de 2007.
