Latifa Ibn Ziaten
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Latifa Ibn Ziaten (arabi: لطيفة بن زياتين, nasida el 1 de Djenero de 1960 en Tetuan, Maroko),[1] es una aktivista franko-marokana. Eya es la madre de Imad ibn Ziaten, nasido en 1981, el primer soldado matado por Mohammed Merah el 11 de Marso de 2012.
Biografiya
trocar.jpg)
Eya es una mujer musulmana relijioza, la kuala arivo a Sotteville-lès-Rouen (Fransia) en 1977, kuando era de edad de 17 anyos, kon el buto de adjuntarse al su espozo Ahmed, el kualo lavorava para la entreprisa de trenos franzeza SNCF. Eya es madre de sinko ijos, katro ijos i una ija. Uno de los sus ijos era sardjento del 1er Rejimento de Parachutistos, el kualo se topa en Francazal, serka de la sivdad de Tolosa, kuando Mohammed Merah lo mato el 11 de Marso de 2012.
Eya lavorava en la resepsyon del Muzeyo de Arte de Rouen. Diskues de el amortamiento del su ijo, eya dechidio vijitar la sivdad de Izards, ke se topa al nordeste de Tolosa, ande bivio el terroristo. Mientres vijitava la sivdad, eya topo un grup de mansevos de orijin magrebi, i les demando si konosian a Merah. Eyos avlaron kon eya i le disheron ke Mohammed Merah era "un baragan, un shahid". Kuando eya les disho ken era eya, se diskulparon. [2]
La reaksion de estos mansevos izo ke eya dechidiera fondar la "Asosiasion Imad ibn Ziaten para la mansevez i la paz", en Avril de 2012, para dar ayudo i suporte a mansevos en maales proves i dotrinar ensima del sekularizmo i diskuzion entre relijiones. Esta asosiasion aresive l suporte del aktor Jamel Debbouze, i el shefe del governo del katreno distrito de Paris, Christophe Girard, dio un buro en una fragua de la sivdad.
En Fevrero de 2014, el Konsejo Representativo de Institusiones Djudias de Fransia (CRIF) de la rejion de Midi-Pyrénées, en un evenemento al kualo era konvidado el Ministro de Interior Manuel Valls, dio onor ala su organisasion, dando un onor por las sus aktivitades;[3] el Ministerio de Edukasion de Fransia endemas dio una mantenision para suportar las sus aktivtades.
En Djenero de 2015, era konvidada ala Gran Esnoga de Paris, en la kuala endemas se topava el prezidente de la Repuvlika Franseza, François Hollande, kon el buto de asender una kandelika en onor de los 17 amortados enel atako a Charlie Hebdo i el atako enel supermerkato Hyper Cacher en Porte de Vincennes.[4]
El 19 de Novembre de 2015, aresivio el Premio de al Empedimyento de los Konfliktos de la Fondasion Chirac, por el su lavoro por la diskuzion etre relijiones i kriar una kultura de paz.[5]
En 2016, aresivio el Premio Internasional ala Mujer Korajoza del Departamento de Estado de los Estados Unidos.[6]
Ovras
trocar- Mort pour la France : Mohamed Merah a tué mon fils.[7]
Onores
trocar- Kavayera de la Lejion de Onor (desde el 14 de Djulio de 2015)[8]
- Premio de 2015 de al Empedimyento de los Konfliktos de la Fondasion Chirac.
- International Women of Courage Award del Departamento de Estado de los Estados Unidos.[9]
Ver endemas
trocarReferensias
trocar- ↑ Latifa Ibn Ziaten. Libération (en lingua fransesa)
- ↑ Latifa Ibn Ziaten, au secours des « copains » de Mohamed Merah, le tueur de son fils. Le Monde (en lingua fransesa)
- ↑ Toulouse: hommage du Crif à Latifa Ibn Ziaten en présence de Valls. Le Parisien (en lingua fransesa)
- ↑ A la grande synagogue de Paris, hommage en équilibre entre France et Israël. Libération (en lingua fransesa)
- ↑ Le lamento de Latifa Ibn Ziaten, exhibée, récompensée et oubliée. L'Opinion (en lingua fransesa)
- ↑ Biographies of 2016 Award Winners. U.S. Department of State (en lingua inglesa)
- ↑ Affaire Merah : Latifa Ibn Ziaten, au nom du fils. Ed. Flammarion, Marso de 2013. ISBN 978-2-08-129612-1 (en lingua fransesa)
- ↑ Décret du 13 juillet 2015 portant promotion et nomination, JORF (en lingua fransesa)
- ↑ « 2016 International Women of Courage Award », state.gov (en lingua inglesa)