Imigrasion espanyola en Meksiko

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Sin dúvida alguna, los espanyoles hueron los primeros ekstranieros ke se afinkaron en lo ke oy es Meksiko, egziste una lunga istoria de la okupasion de la Mueva Espanya asta la independensia del paiz. En la aktualidad zon una de las mayoras komunitas ekstranieras ke viven en este paiz norteamerikano; asegun, dempues de la independensia, se restavlesieron las relasiones kon Espanya easta 1870, hue durante el porfiriato kuando ayegaron sivdadanos espanyoles muevamente.

Fuente de Cibeles, en el Parke Espanya de la Sivdad de Meksiko.

La charreada, erensia krioya del paiz.

Los espanyoles se han afinkado en todos los estados del paiz, ainda tamien en chikos kazales o viyas, las mayoras komunidades moran en grandes sivdades del paiz ande ay sentros o intitusiones sosiales fundadas por los mismos imigrantes, ansina komo sentros kulturales y esportivos. La komunidad espanyola de Meksiko es una de las mayoras komunidades huera de Espanya en el mundo, ansina desde ke afinkaron deskues de la independensia del paiz al tiempo aktual.

Ay kuatro arrivadas empostantes, la primera es durante el governo de Porfirio Díaz al restableserse los atamientos kon Espanya, hueron estos primeros espanyoles, grandes merkaderes de la industria textil, maderera i alimentisia, deskues arrivo la sigunda komunidad durante el sieklo XX, hue la mas numerosa de la istoria, refujiados de gerra durante momentos difísiles en Espanya, la mayorita hueron repuvlikanos i ijikos de los kombatientes kontra el governo espanyol, la tersera hue a la fin del sieklo XX, la meka del filmo i la televisyon, la muzika, el arte, la konstruksion i la industria trusho immigrantes espanyoles en el desvelopamiento del paiz durante la grande industrializasion; la katrena o última arrivada es la mas resiente, la krise ekonomika de 2008 en Espanya truxo muevos imigrantes, majormente djovenos de 20 a 45 anyos de edad ke prokuraron emprender en el paiz dentro del turizmo, la industria, el komersio i kargos emportantes para djente kon melda universitaria.

Antesedentes

Las kastas de la Mueva Espanya; de espanyol I moriska, nase albino.

Los espanyoles hueros los primeros evropeos ke arrivaron a estas tierra a raiz del deshkovrimiento de muevas tierras i una konkista militar i relijiosa kon izieron a los puevlos indijenas, akavo la guerra kon la kayida de Meksiko Tenochtitlan a favor del reyno de Espanya, Hernando Cortés al mando, kon la venida de munchos eksploradores i soldados de orijen iberiko.

Dize la tradision ke los primeros djudios ke afinkaron en Meksiko, hue durante la konkista espanyola, viajaron algunos sefardis ombres en los barkos i desembarkaron en las kostas del Golfo de Méksiko en kalidad de soldados, eskondiendo la su relijion djudia entre el katolisizmo romano se aventuraron a la konquista de muevas tierras. Muchos ombres de Hernando Cortés eran konsiderados kripto-djudios.

Istoria

Dempues de la independensia de Meksiko, muchiguo un grande rasizmo kontra la djente de Espanya; in agosto de 1827 al anyo 1834, por dekreto instituido por el governansia de Lorenzo de Zavala, kien ekspulsa a los sivdadanos espanyoles del estado, derivando la ley en un grande amortamiento de famiyas espanyolas. El governo del estado, akonsejado por masones inglezes, yamados Yorkers, en baza al Plan de Iguala i el Tratado de Kordova, despoja a los espanyoles de las sus aziendas, finkas, ranchos i propiedades dentro del estado de Meksiko (endenantes ekstendido por los aktualos estados de Meksiko, Guerrero, Hidalgo i Morelos), okasionando munchos guerfanos i viudas, ansi komo ekspulsiones de espayoles a otros estados i paizes.

Los ninyos de Morelia kon el prezidente Lázaro Cárdenas.

En 1870, el governo meksikano establese muevamente atamientos kon la Espanya, arriva la primera komunita de sivdadanos espanyoles al paiz, los desendientes de espanyoles amortesidos en confliktos obtienen sus bienes kon la sivdadania meksikana en kalidad de meksikanos. El prezidente Porfirio Díaz promueve la yegada de imigrantes europeos para aktivar ekonomikamente el paiz tanto en las sivdades komo en el kampo o lavores agrikolas.

El mayor diaspora de imigrantes espanyoles azia Meksiko hue kon el komenzo de la Gerra Sivil Espanyola, mas de 25,000 sokoridos espanyoles arrivaron al paiz entre 1939 i 1942, durante el governo del prezidente Lázaro Cárdenas. La istoria mas konyesida hue la de los Ninyos de Morelia, hijos de los kombatientes repuvlikanos ke hueron asistidos por el governo meksikano en la sivdad de Morelia, ande hue la kudia para las kriaturas; ainda ay personas morando en Meksiko i ke hueron hijikos del movimiento.

La diaspora mas mueva es el ke komenzo a partir del anyo 2008, kon la krise ekonomika, la majora afektasion hue entre personas de 25 a 40 anyos, en edad de lavorar, komunidad ke afinko en Meksiko komo una povlasion mas manseba i pichona ke emprendio la su vida profesionala en faktorias i empresas afinkadas en todo el paiz.

Un gran nifus arrivo en pobreza durante las dos ultimas arrivadas de diaspora espanyola, ayegaron kon validjas i poko dinero, ma pronto muchiguaron ekonomikamente, agora han penetrado a la politika, el grande komerisio o merka, la edukasion i la sensia, el arte, en el disenyo industrialo, la indistria dela konstruksion, el turizmo i la teknolojia. Zon una de las komunidades kon grande muchiguamiento en Meksiko i kon una integrasion al paiz muy rapida por el avla kastilyana.

Kultura

Torada en la feria de San Marcos dela Sivdad de Aguascalientes.

La erensia kulturala de los espanyoles en Meksiko es grande, en primero es el avla de la lingua kaltilyana i los sus dialektos avlados en distintas partes del paiz. La arkitektura, la literatura i la muzika zon parte de la huerte influensia kulturala de los espanyoles en la kultura meksikana.

Las toradas zon parte de la kultura dejada por los imigrantes, en muchas sivdades de Meksiko ay korridas de toros i plazas de toradas fraguadas para el amortamiento de toros komo un espor.

Dentro de filmo, Luis Buñuel hue uno de los grandes filmadores del movimiento surrealist, ombre aferrado a la filmografia de las paizajes de Meksiko, rurales komo urbanos. Los filmos mas rekonosidos zon.

Dentro de la arkitektura, Felix Candela hue uno de los grandes arkitektos del paiz ke destako kon las sus fraguas de paraboloides iperbolikos en beton armado, las ovras destakan el Kasino de Cuernavaca.

Espanyoles en Meksiko

Sentro Kultural Espanya de la Sivdad de Meksiko.

Las mayoras komunitas de espanyoles en Meksiko moran en la Sivdad de Meksiko y la su Zona metropolitan, ma ay otras emportantes komunidades en las sivdades de Puebla de Zaragoza, Guadalajara, Veracruz, Cancún, Monterrey, Santiago de Querétaro, Morelia, Tijuana, Mérida, Oaxaca de Juarez, Kordova, San Luis Potosí, Sivdad de Aguascalientes, Torreón y la Sivdad de Chihuahua.

Inmigrasion espanyola en Meksiko desde 1895 a 2000
Anyo	Residentes españoles
1895	14.109
1900	16.280
1910	29.541
1921	29.565
1930	47.239
1940	21.022
1950	26.876
1960	49.637
1970	31.038
1980	32.240
1990	24.873
2000	21.024

Espanyoles en Meksiko
Anyo	Residentes
2010	77,069 (INE)
2011	86,658 (INE)
2012	94.617 (INE)
2013	100.782 (INE)
2014	108,314 (INE)
2015	115,620 (INE)
2016	123,189 (INE)