Elisa Trotta Gamus
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Elisa Alejandra Trotta Gamus (Karakas, Venezuela,[1] 8 de avril de 1982) es una avokata i diplomatika venezuelana-arjentina. El 29 de Djenero de 2019, era nombrada por la Asamblea Nasionala komo la representante de este payis en Arjentina, i lavoro enel buro fina el 7 de Jenero de 2020, kuando el muevo presidente de Arjentina, Alberto Fernandez le kito las sus kartas komo ambasadora de Venezuela.
.jpg)
El 1 de Djenero de 2018 era nombrada Directora de Programas Institusionalos de la Kamara de Diputados de la Provinsia de Buenos Aires.
Biografiya
trocarTrotta es ija del avokato arjentino Alberto Trotta, el kualo azia parte del Partito Revolusionario de los Lavorantes (PRT) i ke diskues de ser echo prizionero politiko en 1975, desho el payis, ande konosio a una djudia venezuelana, Raquel Gamus,[2] ke era parte del Partito Komunista de Venezuela. [3] Trotta es avokata, ambezo en la Universita Sentrala de Venezuela (UCV) i yego ala Arjentina enel anyo 2011, diskues de azer dos Masters en la sivdad de Boston por modre de bursas del Programa Fullbright.[4] Es fondadora de la ONG Alianza por Venezuela.[5]
Elisa Trotta Gamus lavoro komo representante enel Kongreso Djudio Latino-Amerikano, el kualo krio enel anyo 2018 el enkontro por los 24 años del pigua ala AMIA enel kualo endemas partisiparon la sinyora Sara Garfunkel, madre del avokato Alberto Nisman; el sekreter de Diritos Umanos i Pluralizmo Kulturalo de Arjentina, Claudio Avruj i la governadora de la Provinsia de Buenos Aires, Maria Eugenia Vidal.[6]
Karriera politika
trocarLavoro komo Direktora de Programas Insitusionalos de la Kamara de Diputados de la Provinsia de Buenos Aires entre 2018 i 2019.[7] El 29 de Djenero de 2019, era nombrada por la Asamblea Nasionala de Venezuela komo «representante diplomatika» de Venezuela en Arjentina;[4][8] este diya se renkontro kon el presidente Mauricio Macri en la Kaza Rozada. [9]. El 12 de Avril de 2019, aresivio la lesensia diplomatika del Ministerio de Lisiones Ajenas de Arjentina komo "Representante del Presidente de la Asamblea Nasionala i Presidente Enkargado" Juan Guaido. [10]. El 7 de Djenero de 2020, el muevo presidente de Arjentina, Alberto Fernandez, kito la su lesensia diplomatika.[11]
Oy endiya es la presidenta de Alianza por Venezuela, una organizasion ke fonksiona komo chadir de otras organizasiones ke dan ayudo a sitizenos venezuelanos en Arjentina. [4] Esta organizasion arranjo la protesta en kontro del presidente de Venezuela, Nicolas maduro, el 23 de Jenero de 2019 en la Plasa del Vatikano de Buenos Aires, en la kuala partisiparon unas 16.000 personas. [4]
Famiya
trocarElisa Trotta Gamus es suvrina de la politika venezuelana Paulina Gamus i esta espozada kon el mediko arjentino Maximiliano Katz. [12]
Referensias
trocar- ↑ You won’t want to miss out on Elisa!. Jewish Community Voice
- ↑ Raquel Gamus en Twitter
- ↑ Una visión directa desde Caracas, con la ex ministra y parlamentaria venezolana judía Paulina Gamus
- ↑ a b c d Quién es quién: los nuevos diplomáticos designados por Guaidó
- ↑ Elisa Trotta Gamus, MA SID/COEX’11 | 2020 Recipient of the Florence G. Heller Alumni Award. Universita Brandeis
- ↑ Respuestas para un desastre humano. El Pais
- ↑ ¿Qué significa que Argentina reconozca a la 'embajadora' venezolana nombrada por Guaidó?. Sputnik
- ↑ Quién es Elisa Trotta Gamus, la abogada de 36 años elegida por Guaidó como representante en la Argentina. La Nación
- ↑ Macri se reunió con Elisa Trotta Gamus. La Voz
- ↑ Elisa Trotta recibió en Cancillería las credenciales que la acreditan como representante del Presidente Encargado de Venezuela, Juan Guaidó
- ↑ El Gobierno le quitó las credenciales a Elisa Trotta, la embajadora de Juan Guaidó en Argentina. Clarín
- ↑ Elisa Trotta: “Nosotros queremos una salida pacífica y democrática en Venezuela”