Zumpango (belediye)

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Zumpango
זומפאנגו

Meksiko

Meksiko

14 de Noviembre de 1861

223.95 km²

2100 m.

159 647 mor. (2010)

Enrique Mazutti Delgado

{{{djentilisio}}}

15120

Zumpango es uno delos 7 belediyes de la Rejion Zumpango topado en el Estado de Meksiko, en la Repuvlika Meksikana. La povlasion del beleyide es de 159,647 moradores, en el anyo 2010.^[1] Es uno delos primeros beleyides del paiz, fue fundado ofisialmente en 1861.

Etimolojia

Tzompanco, en lingua orijinaria signifika Lugar de fila de kranios, el orijen del biervo en lingua nahuatl es tzompantli (fila de kranios), i -co (lugar), deriva de una aglutinasion de palavras; el biervo en kastilyano kedo komo Zumpango. El nombre del belediye koresponde al afinkamiento prekolombino de Tzompanco, ke endeluego paso a yamarse Zumpango.

Istoria

Los aztekos zon una de las emportantes sivilizasione ke afinkaron en Zumpango, la seramika azteka se topa solamente en la zona de Xaltocán i menos abundante, vezinanzas del sharfo altepetl o kazal de Zumpango. Los afinkamientos koresponden a los tiempos del splendor de Tenochtitlán kon una grande akavidamiento a Tatelolco por las aguas de lago de Texcoco; Zumpango hue uno de los sitios aztekos mas al norte de Vaye de Meksiko, i la kavida a la Teotlalpan, ayi ande akabava el lago de Zumpango.

Jeografia

Zumpango topa al norte del estado, konta kon una superfisie de 223.95 km² de territorio. La kavesera o kapital es Zumpango de Ocampo i se topa al nord kon el belediye de Tequixquiac, al sud kon Nextlalpan i Tecámac, al sudoeste kon Jaltenco, al este kon Huehuetoca, Coyotepec i Teoloyuca i al oeste kon el estado de Hidalgo. ^[2]

El Grande Kamal de Desague dela Sivdad de Meksiko es el rio de mayor tamanyo ke kruza de sud a norte, azia el belediye de Tequixquiac; el rio de las Avenidad de Pachuca es otruna korriente de agua ke atravisa de oryente a oksidente, azta enjuntar kon las aguas del Grande Kanal de Desague.

Klima

En el belediye de Zumpango, ay un kima templado sub-humido bastante agradavle a pesar de ser un lugar seko ande muchiguan los kaktos. El mayor kalor es en los mezes de Mayo azta Agosto, en invierno kaji no ay luvias, anke la temperatura abasha azta 5 grados arriva de zero.

Paizajes de Zumpango
San pedro
Lago de Zumpango
Izla en la lagona
San Bartolo
Santa Lucía

Governo i administrasion

Alkaldia del belediye de Zumpango.

La kavesera o kapitala del belediye es la lokalidad de Zumpango de Ocampo, lugar ande governa la otoridad mas emportante del belediye ke es apresentada por el Ajuntamiento de Zumpango,^[3] estruktura de governo lokal elejido por votasiones kada tres anyadas i emiten los sivdadanos mayores de 18 anyos de edad.

Alkalde	Periodo
Rogelio Muñoz Serna	2000-2003
Luis Decaro Delgado	2003-2006
Enrique Mazutti Delgado	2006-2009
Alejandro C. Flores Jimenez	2009-2012
Abel Neftali Dominguez Azuz	2013-2015
Enrique Mazutti Delgado	2015-2018

Ekonomia

Sentros de komersio de lusho.

Komersio

Es endemas una zona kon munchos sentros komersiales o malls i lonjas departamentales de grande lusho sovre Av. Zumpango-Los Reyes, Towncenter, Plaza Zumpango, siendo sus prinsipalas kalejas; ansina komo el komersio del tradisionalo tianguis, de orijin mesoamerikano.

Demografia

Lokalidades

Lokalidad	Povlasion
Total del Beleyide	159 647
Zumpango de Ocampo	50,742
San Juan Zitlaltepec	19,742

Edukasion

Universidad Autonoma del Estado de Meksiko, Campus Zumpango.

El governo del belediye prokura ke aiga eskolas de todos los nivelos de edukasion, siendo la eskola primaria Tierra y Libertad ke ha destakado en los eksámenes de nivelasión akadémica. ^{[aklaro nesesario]} Endemas ay edukasion privada, munchas eskolas son parte del sistema.

La maksima kaza de estudios, es la Universidad Autonoma del Estado de Meksiko, ande ay un Campus en el belediye; numerosas karrieras se matrikulan los mansevos para meldar i embezar disiplimas komo el direto, la sosiolojia, la enfermeria i la injenyeria industriala.