Cuautitlán (belediye de Meksiko)

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

Cuautilán
קואטיטלאן

Meksiko

Meksiko

Cuautitlán de Romero Rubio

{{{fondasion}}}

{{{superfisia}}} km²

m.

140 059 mor. (2010)

Martha Elvia Hernández Sánchez

15024

Cuautitlán es uno delos 7 belediyes de la Rejion Tultitlán topado en el Estado de Meksiko, en la Repuvlika Meksikana. La povlasion del beleyide es de 140.059 avitantes, en el anyo 2010.^[1] Es uno delos primeros beleyides i kazales mas antikos del paiz i del estado.

Etimolojia

Cuautitlán, en lingua orijinaria signifika Lugar entre los arvoles, el orijen del biervo en lingua nahuatl o meksikana es cuahuitl (arvole) i -titlan (lugar entre), deriva de una aglutinasion de dos palavras. El glifo se topa en e livro de atributos de Moctezuma, del kodex Mendoza. Ay dos ramadas de arvole, endemas un tronko ande tiende la kavesa de Tlazolteotl, dyosa de las telas kon dos uzos de alkoton ensima, la boka i las raizim zon la representasion del kultivo de la tyerra.

Istorya

Asigun, los anales de Cuautitlán, el kazal hue fundado por grupos Chichimekos, por modre fue konkistado por los nahuas o aztekos dela Tripla Aliansa, formando parte de una delas setenos vilayetes que tributavan azia Tlacopan. Al momento de la konkista espanyola, el governador era Aztatzonzin.

Jeografia

Cuautitlán topa al norte del estado, konta kon una superfisie de 42.50 km² de territorio. La kavesera o kapital es Cuautitlán de Romero Rubio i se topa al norte kon el belediye de Cuautitlán Izcalli, al sud kon Tultitlán, al este kon Tultepec, al oeste kon Cuautitlán Izcalli, al norte topa kon Zumpango i al noreste kon Melchor Ocampo i Teoloyucan. ^[2]

Kima

El kima del belediye de Cuautitlán es templado sub-humido, ay aki tyerra fekunda para kultivad el maiz, el frejol i zarzavates, ansina el kultivo de forrajas para los animales kaseros komo vakas, kavayos i oveshas.

Governo i administrasion

Alkalde	Periodo
Edelmira Gutiérrez Ríos	2000-2003
Gabriel Casillas Zanatta	2003-2006
Miguel Ángel Becerril López	2006-2009
Francisco Javier Fernandez Clamont	2009-2012
Gabriel Casillas Zanatta	2012-2015
Martha Elvia Hernández Sánchez	2015-2018

Infraestruktura

Komunikasion i transporte

El tren suburbano kruza por el belediye de Cuautitlán.

Cuautitlán konta kon una vasta rede de estradas kue kovren el belediye, mismamente es aprovechado por la una grande kantidad de linyas de autobusos ke konektan kon la Sivdad de Meksiko.

Las redes de trenos metropolitanos o trenos de serkanyias sirven para el transporte de personas, anke agora mesmo va muchiguando el transporte urbano. Cuautitlán konta kon sendas de ferrokarril para transporto de personas, industria i lojistika.

Demografia

Lokalidades

Lokalidad	Povlasion
Total del Beleyide	140 059
Cuautitlán de Romero Rubio	108,449
Santa María Huecatitla	3,328

Kultura

La pinyata, es una artesania de Cuautitlán.

La ekspresion artistika i kulturala del belediye es basta, ay aki emportantes personas bastante mentadas komo Luis Nishizawa, un pintador afamado en el paiz ke nasio en Cuautitlán.

La pinyata, es un balde de barro engalanado kon papel kinezo de kolores diferentes, se aze en Cuautitlán komo una artesania, ande se merka para otros kazales i sivdades del payiz; en Cuautitlán se aze la Feria de la Pinyata en el mes de diziemvre, kada anyada.

Arkitektura

Kilisia de San Juan Diego Cuautlatoac.

El belediye konta kon un muzeo arkeolojiko yamado Muzeo Kaza de Juan Diego Cuautlatoac, lugar ande se muestra los muros de la kaza del primero santo katoliko indijena del olam, ay ayi piezas del la famiya del santo.

Una ovra emportante de arkitektura es la katedrala de San Buenaventura, fragua de arte muevo klasiko i arte barroko, topada en el sentro de la sivdad de Cuautitlán. Ay una kulá sola ke apartiene la fashada de enfrente, una boveda ande es la bankada i el altar mayoro.

El antiko palasio de la munisipalitad es otrona fragua arkitektonika ke se ergio en la plasa prinsipala i ke es un resinto okupado para la apresentasion de kultura.