Zorear
Zorear se yama ala aksion de vijitar las tumbas de los parientes keridos o de los hahamim konosidos komo grandes tzadikim. El orijin de este biervo viene del biervo arabo ´ziara i del turko ziyara. La djente vijita el betahayim para meldar i demandar a El Dio, ke por modre del zehut del haham ayi enterrado, kumpla la demanda, djeneralmente de salud, ke una mujer kede emprenyada, parnasá o reushitá. Se prenden kandelas, se kantan piyyutim i las mujeres zghartean. Alkunas personas yevan bokalikos kon agua, para yevar agua zoreada a los parientes ke no puedian estar para zorear este diya. Egzisten hahamim oy endiya ke tienen esto defendido, deke es una kostumbra ke no es de orijin djudio i puede pareser avoda zara.
Es komun zorear en las tumbas ande se topan grandes hahamim el diya de sus hilulot, komo por enshemplo.
- Rebbe Nahman de Breslov, en Uman, Ukraina
- Rebbí Amram Ben Diuán, en Asjen, Marroko
- Rebbí Yish'haq Bengualid, en Tetuan, Marroko
- El Baba Sali, en Beersheva, Israel
- Rebbí Rafael Encaoua, en Salé, Marroko
- Rebbí Shlomo Belhech, en Ourika, Marroko
- Rebbí Yehudá Hayabalí, en Alkazarkivir, Marroko
- Rabí Sa'adiá Hadatí, en Meliya, Espanya
Este artikolo es endagora, muy chiko. Muchiguando su kontenido vas ayudar a amijorar la Vikipedya.
Puedes kitar ayudo kon las vikipedyas en otras linguas.