TGV
El Train à Grande Vitesse (En franses: tréno de gran prestor), normalmente konosido komo TGV, es un tipo de treno de alto prestor dezvelopado por Alsthom (aktualmente Alstom) i SNCF, la entreprisa de trénos nasional nacional fransesa, i operado prinsipalmente por la própia SNCF.
Istoria
trocar
La ideia de implantar el TGV fue propuesta por prima ves en los anyos 1960, dempues de ke Japon empesara kon el fraguamiento del su Shinkansen enel anyo 1959. Al mismo tiempo, el gobierno franses estaba a favor de investigasion en muevas teknolojiyas, komo el hovercraft o los Maglev i el aerotréno. Al mesmo tiempo, SNCF empeso a investigar sobre la operatividad de trénos de alto prestor en vias tradisionales. Dempues de musho ensayo i error, el aperturamiento del servisio de este tréno iva ser en el trayekto entre Paris i Lyon enel anyo 1981. Aktualmente la red del TGV konekta a Paris kon otras sivdades de Fransia i kon los sus payezes vesinos. El TGV es uno de los trénos konvensionales mas veloses del mundo, operando en algunos tramos a prestores de asta 320 km/o teniendo el rékord de mayor prestor medio en un servisio de pasejeros i el de mayor prestor en kondisiones espesiales de próva. Enel anyo 1990 alkanso el prestor de 515,3 km/o, i el 3 de avril de 2007 iva superar el su propio rejistro al yegar a los 574,8 km/o en la linea mueva entre Paris i Strasburgo[1]. El egzito de la priméra linea provoko la rapida ekspansion del servisio, con muevas lineas konstruyidas asia el sud, oksidente y nordeste del paez. Ansiosos por imitar el egzito de la red fransesa, algumos paezes vesinos como Beljika, Italia o Suisa fraguaron tambien las sus propias lineas de alto prestor enlasando las lineas del TGV franses con Beljika, Almania, Paezes Bashos e inkluso con el Reyno Unido.
Tipos de TGV
trocar
El TGV es prinsipalmente un tréno para el transporte de pasejeros, ma egziste una chika serie de un TGV para uso postal entre Paris y Lyon, yamada TGV La Poste, i todos los trénos pintados de kolores amariyos, komo la administrasion de la Posta. Los tipos de trénos TGV para pasejeros son los TGV Atlantique, TGV Sud-Est, TGV-Réseau i TGV Duplex.
El TGV en Fransia
trocarDesde el aperturamiento de la prima linea en 1981, se an fraguado muevas lineas de alto prestor en Fransia. Oy endia egzisten 5 lineas en este paez:
- LGV Paris Sud-Est entre Paris i Lyon, desde 1981.
- LGV Atlantique entre Paris i Le Mans i Tours, desde 1989.
- LGV Nord-Europe entre Paris i Calais i Lille, desde 1993.
- LGV Rhône-Alpes entre Lyon i Valence, desde 1992-1994
- LGV Mediterranée entre Paris, Avignon, Nïmes i Marseya, desde 2001.
- LGV Est entre Paris i Strasburgo, desde Djulio de 2007.
Estan en planos las lineas:
- LGV Perpignan-Barcelona, entre Perpinyan i Barselona, para aperturarse enel anyo 2009
- LGV Rhin-Rhône, entre Strasburgo i Lyon
- Lyon Turin Ferroviaire, entre Lyon, Chambéry i Torino
- LGV Sud Europe Atlantique, entre Tours i Burdeos
- LGV Bretagne-Pays de la Loire, entre Le Mans i Rennes, ekstendiendo la linea LGV Atlantique
El TGV en el Mundo
trocar
Las lineas del TGV franses se an ekstendido en Evropa kon los servisios Eurostar, operando entre Paris, Londres i Bruselas kon trénos TGV modifikados para el su uzo kon las lineas de elektrisidad de estos paezes. Endemas, los servisios Thalys fonksionan entre Paris, Bruselas i Amsterdam (Thalys PBA) i entre estas sivdades i Kolonia (Thalys PBKA) kon trénos TGV modifikados i pintados de kolorado. Estos servisios uzan lineas de alto prestor fraguadas espesialmente para los trénos muevos.
Endemas, Fransia a eksportado la teknolokiya TGV a otros paezes, ansi ke egzisten trénos derivados del TGV en:
- Korea del Sud (KTX)
- Espanya (AVE Serie 100 i Euromed Serie 101)
- Reyno Unido (Eurostar)
- Estados Unidos (Acela Express).
Referensias
trocar- ↑ Francia acelera hasta los 574 Km/h, ElPaís.com (en espanyol), 03/04/2007
