Suheir al-Atassi

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Suheir al-Atassi (en arabo سهير الأتاسي, Suhair al-ʾAtāsī; nasida en 1971) es la aktivista sekular mas emportante en la Oposizion de Suria, i desde Novembre de 2012 fina Desiembre de 2013, era la vise-prezidenta del governo de oposizion de Suria. Eya es yamada la "Senyora de la Revolusion" i es akseptada i respektada entre intelektualos i sekulares arientro de las komunitas opozadas al governo de Suria. Antes, era la shefa del buro de medios del Forum Jamal Atassi, el kual era yamado en onor del su padre, miembro fondador del Partido Ba'ath i el kualo desho el partido i fondo el movimento de oposizion Union Araba Demokratika Sosyalista.

Suheir al-Atassi, enel anyo 2013

Atassi nasio en Damesek en 1917, en una famiya emportante de Homs, de orijin Ashemi. Eya es la ija de Jamal al-Din al-Atassi, un konosido lider pan-Arabisto en Suria. Ambezo literatura franseza i edukasion en la Universita de Damesek, i era aktiva durante la Primavera de Damesek, dando ayudo en la fondasion i administrasion del Forum Jamal Atassi. Eya aperturo el forum otruna vez en 2009 kon el buto de dar ayudo al dezvelopamiento de la demokirasia i diritos umanos en Suria. El 16 de Marso de 2011, era yevada ala prizion po kavza de las sus aktivitades. Diskues de ser echa libbera, se eskondio antes de deshar Suria para bivir en Djordania i en Fransia.

En Desiembre de 2013, Atassi desho de lavorar komo la vise-prezidenta de la "Koalision Nasionala" diskues ke la Unita de Koordinasion de Suporte i Ayudo, el buro de ayudo de la oposizion suriana, grevo diskues de aresivir kestionamyentos ensima de la administrasion del ayudo, ama ainda es la shefa de la Unita, bazada en la Turkiya.