Seta Hagopian
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Seta Hagopian (arabi:سيتا هاكوبيان; ermeni: Սեդա Հակոբյան) nasida el 28 de Djulio de 1950 en Basra, Irak) es una kantadera Iraki de orijin ermeni. La su kariera musikala prinsipio en 1968 kon muncha reushita, i por modre de esto, es yamada "La Boz kayente de Irak"[1] i "la Fairouz de Irak.[2]
Biografiya
trocarSeta nasio en la sivdad de Basra,[3] Irak, en una famiya kristyana ermeni. El su padre, un djoegador de tenis ke izo parte en munchos turnamentos komo parte del ekip de Irak. Diskues del empesijo de la su kariera, prinsipio a lavorar kon los kompozadores mas emportantes del payis, komo Tariq al-Shibli, Farouk Hilal Khammash, Elias Rahbani i Ahmed Qasim.
El su estil de musika es uno de los ke apartiene ala musika mueva iraki, por modre de la meskla de musika oksidentala i musika tradisionala iraki i ermeni. Eya tiene konsertos echos en munchas sivdades del Mundo Arabi, espesialmente en Irak, Ayifto, Arjelia, los Emiratos Arabis Unidos, Katar i payises de Evropa i Asia Oksidentala komo Uzbekistan, Rusia, Almania, Bulgaria i Espanya.
Hagopian desho de morar en Iraq i endagora bive en Katar desde 1997, anke oy endiya bive en Toronto, Kanada.
Vida privada
trocarEsta espozada kon el direktor de sinema iraki Emad Bahjat. Tienen dos ijas, Nova i Naire. Nova es kantadera,[4] bive en Kanada[5] i es konosida por mesklar kantikas klasikas irakis kon djeneros modernos komo el hip hop, trance i bossa nova. Naire es editora i direktora de sinema, endemas de lavorar en fotografiya.
Referensias
trocar- ↑ Iraqi Armenian vocalist singer and songwriter. Azad-Hye
- ↑ Seta Hagopian, the Fairuz of Iraq. Ajam Media Collective (en lingua inglesa)
- ↑ الفنانة سيتا هاكوبيان: الغناء هو حياتي.. والسينما شغفي
- ↑ Iraqi Canadian singer-songwriter Nova Emad on her debut album. The National (en lingua inglesa)
- ↑ سيتا هاكوبيان قرينة أغنيات الحب والجمال: كل صباح أصلي لأجل أهلي العراقيين!
