Protektorado

Un protektorado es en Dirito Internasyonal, un sistem de administrasyon de territorios en la ke por midio de un akódro entre uno o varios paezes protektores i un paez ke no alkansa a ser independyente, komo es un grupo tribal o un prinsipado feudal, enel kualo se akódra ke akeyos paezes ke pueden dar adjudo al paez espesialmente en las lisiones eksteriores, la defensa i el orden interno. . Tambien se puede dizir ke un protektorado es un paez abrigado diplomatikamente o militarmente por un paez o una organizasiyon internasyonala mas grande. Komo troko por esta proteksiyon, el protektorado acheta alkunas kondisyones, las kualas dependen de la relasion establesida enel akódro.

En jeneral se konsidera ke un protektorado es un instrumento para dar servis a los enteresos estratéjikos, ekonómikos o militares de las grandes potensias; una institusyon echa legal para el kontrolo de un paez por otro: “El protectorado tiene siempre una tendencia colonial, si no es en sí mismo colonial, de explotación, de provecho.”

Protektorados espanyoles

Por egzemplo, Espanya i Fransia administraron protektorados en Marroko, ande la avtoridad ensima de la poblasyon del paez era echa por el Sultan, ma afilu egzistian huérsas militares i de polisiya giadas por las armadas de los paezes protektores.