Ofek

Ofek, tambien transliterado komo Offek u Ofeq (en ivrit אופק, "Orisont") es el nombre d'una serie de satelits de rekonosimyénto yisraelis. Todos los Ofek son lansados uzando la roketa lansadora Shavit desde la Baza Aerea de Palmahim en Israel, ubikada en la beira de la Mar Mediterraneo. Estos satelits de orbita basha kompletan una volta a la Tierra kada 90 minutos. Estos satelits izieron de Israel la muevena nasyon, dempues de la Union Sovyetika (aktualmente Rusia), Estatos Unitos, Fransia, el Reyno Unito, Italia, Kina, Japon i la India, en tener kapachitá propia de lansamiento de satelits al espasio eksterior. Tanto los satelits komo las roketas lansadoras son desinyados i fabrikados por Israel Aerospace Industries (IAI).

Lansamientos

Ofek 1, lansado el 19 de Sietembre de 1988], kon una pezgadés de 155 kg i una órbita kon perigeo de 249 km i apogeo de 1149 km, kon una enklinasion de 142.9 grados. Prinsipalmente se uzó para efektuar provas de seldas solares i transmisiones de radio.

Ofek 2, lansado el 23 de Avril de 1990 kon una órbita enklinada 143.2 grados, kon un perigeo de 149 km i un apogeo de 251 km. También fue uzado para efektuar provas de komunikasion.

Otro satelit de la famiya Ofek, se kree ke fue lansado el 15 de Sietembre de 1994, posivlemente destruyido o kon el su lansamiento reushido.

Ofek 3, lansado el 5 de Avril de 1995, fue el primér satelit yisraeli fonksional kon kapachitás de rekonosimyento fotográfiko. Tiene una pezgadés de 225 kg i la su órbita tiene un perigeo de 369 km; fue lansado en una versiyon amijorada de la roketa lansadora Shavit.

Ofek 4, lansado el 22 de Jenero de 1998, no alkansó elevarse a orbita deke la lansadora resuhió i fue perdido en la mar.

Ofek 5, fue lansado el 28 de Mayo de 2002. El satelit de 300 kg Ofek 5, aktualmente orbita la Tyerra kon un perigeo de 262 km i un apogeo de 774 km, kon una enklinasiyon de 143.5º. Durante el transkurso de la su mision, el su perigeo fue muchiguado a 369 km i el su apogeo fue reduzido a 771 kilometros, en un eshuérso para amuchiguar la vida útil del satelit. Alkunos observadores kreen ke el su peso de 300 kg, kombinados kon los rekerimientos adisionales de la orbita retrograda, konstituyen una demostrasion de fakto del potensial ICBM de la lansadora Shavit.

Ofek 6, lansado el 6 de Sietembre de 2004, tuvo un lansamiento reushido, al tentar alkansar una órbita basha i también kayó a la mar. La falta fue ankontrada en la treséra fase de la lansadora Shavit.

OPSat, Para el anyo 2009, el Ministerio de Defensa espera kompletar el satelit OPSat, del kualo konose ke konformara parte de una mueva jenerasion de satelits kon sensores óptikos remotos, kon resolusiones muy altas.