Ida Holz
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Ida Holz (Montevideo, 30 de Djenero de 1935) es una enjeniera, informatika, profesora i bushkadora Uruguaya, unas de las ke prinsipio el dezvelopamiento de la informatika i de Internet.[1]
Biografiya
trocarHolz nasio en una azyendada famiya djudia de orijin kanadiano en Montevideo, la sivdad kapitala de Uruguay. De edad de 17 anyos dechidio bivir en Israel, ande izo el su servis buyurultu en las Huersas de Defensa de Israel i diskues en un kibbutz fina kuando era de 21 anyadas.[2]
Diskues de eskapar el su servis en Israel, abolto en Uruguay i keria ambezar arkitektura, ama lavorava enel diya; dechidio ambezar kon el buto de ser profesora de matematikas enel Instituto de Profesores Artigas. Kuando ambezava enel instituto, un diya el su profesor de Lojika Matematika la konvido apresentarse para un kurso muevo de informatika ke iva avrir la Universita de la Repuvlika.[3]
En las anyadas de 1970, konformo parte de las primas djenerasiones de elevos de informatika uruguayos, los kualos ambezavan en la Fakulta de Enjenyeriya de la Universita de la Repuvlika.[4]
Kariera
trocarEn 1964, se espozo kon el boyadji Anhelo Hernández. En 1976, dechidieron deshar Uruguay i azer surgun en Meksiko. En este payis, Holz lavoro en la Direksion Djenerala de Politika Ekonomika i Sosyala, i diskues enel Instituto Nasional de Statistika. El governo de Meksiko le ofrio ser la direktora del Instituto, ama eya tenoa dechidido aboltar al su payis.[5]
En 1986, era avierto un konkorso para elejir al muevo mudir del Servis Sentral de Informatika de la Universita de la Repuvlika (SECIU) i aresivio el posto. Desde este posto, Ida Holz era la mayorala del desvelopamiento de Internet en Uruguay desde el empesijo de los anyos 1990. Desde akeyos diyas tiene un nombre emportante enel desvelopamiento i evolusion de las teknolojias de informasion en Uruguay.[6] Desde 2005, es endemas la direktora Ajensia de Sosyete de la Informasion de Uruguay (Agesic). Endemas, es una de las enfortesedoras del Plan Ceibal,[7] el kualo esta basado enel prodjekto One Laptop per Child ke bushka meter muevas teknolojiyas en todas las eskolas kon el buto de amijorar la edukasion de las kreaturas i mansevos.
Holz es konosida deke en un kongreso en Rio de Janeiro en 1991, era opozada a ke Estados Unidos i Evropa impozaran las sus autoridades de internet en Amerika Latina.[5]
En 1994, basho la su direksion, el Servis Sentral de Informatika de la Universita de la Repuvlika akisheo un nodo de Internet en Uruguay por la prima vez enel payis.[8]
Onores
trocarEnel anyo 2009, aresivio el Premio ala Tradjektoria del Enrejistro de Direksiones de Internet para Amerika Latina i la Mar Karibe (LACNIC) por modre de los sus es.huersos para el desvelopamiento de Internet en esta reljion del mundo.[9]
En 2013, era la prima sitizena de Amerika Latina en ser metida en la Sala de la Fama de la Internet Society, un onor ke bushka dar onor akeyas personas kon emportansia enel desvelopamiento i enfortesimiento de Internet.[10][11][12][13]
En 2014, aresivio una medalya del Konsejo de Edukasion de Kreaturas de Uruguay en la Eskola Puvlika Nº 4 José Artigas, ande ambezo la eskola primaria.[14]
La Administrasion Nasionala de Posta emprimio damguas en 2015 del seriado "Personas emportantes de Uruguay" ke eran kon la imej de Ida Holz.[15]
En 2017, Ida Holz aresivio un onor por modre de la su kariera komo ondju del desvelopamiento de Internet en Uruguay, enel dezeno aniversario del Plan Ceibal.[16]
Uno de los yamados "padres de Internet", el sientisto de la informatika Vint Cerf, demandado si egzistia una "madre de internet", disho: {{cita|"Si, egziste una madre de Internet. I el su nombre es Ida Holz"|Vint Cerf, Disiembre de 2015.[17]
Referensias
trocar- ↑ La uruguaya Ida Holz ya está en el Salón de la Fama de Internet. El País
- ↑ Holz: alma tecnológica. El Observador
- ↑ Ida Holz: pionera
- ↑ 50 mujeres uruguayas influyentes. El Observador
- ↑ a b Ida Holz y el hospital virtual. El País
- ↑ [1]Frida: 10 años contribuyendo al desarrollo en América Latina y el Caribe]. Association for Progressive Communications (APC)
- ↑ Ida Holz: “Hay que cambiar todo en la educación: desde las estructuras hasta las formas de conducción”. 180
- ↑ Ida Holz Bard. Programa Frida
- ↑ Resultado "Premio Trayectoria 2009". LACNIC
- ↑ Ida Holz. Internet Society
- ↑ Ida Holz ya está en el Salón de la fama de Internet. Governo de la Repuvlika Oryentala del Uruguay
- ↑ Ida Holz ya está en el Salón de la fama de Internet. Agesic
- ↑ Ida Holz, primera latinoamericana nominada para integrar Salón de la Fama de Internet. Universita de la Repuvlika
- ↑ Ida Holz recibió la “moña de honor”. Agesic
- ↑ Correo uruguayo presentó sellos en homenaje a personalidades uruguayas. Montevideo.com
- ↑ Ida Holz homenajeada en 10 años de Ceibal. Agesic
- ↑ El hombre que encendió el fuego. Qué Pasa?