Enrico Macias

kantador djudio fransez de orijin djudeoespanyol

Enrico Macias, nasido komo Gaston Ghrenassia en Konstantina, Arjelia, el 11 de Disiembre de 1938, es un kantador djudio fransez de orijin djudeoespanyol.

Enrico Macias, enel anyo 2011

Biografiya trocar

Mansevés trocar

Nasió en Konstantina, Arjelia en una famiya de tradisiyon musikala, kon kantaderos de "malouf", un djénero musikalo Andalusi-arabo, klásiko del nord de Afrika. El su padre era tanyedor de violin en la orkesta de Raymond Leyris (dit Cheikh Raymond) i por esto, el mansevo Gaston pudo ambezar en la orkesta ala edad de 15 anyos i pishín fue amijor ke el mismo lider, el su padre Raymond. Ambezó a tanyer la gitara desde su chikés kon sus amigos zinganos, los kualos le dieron el nombre de chiko "Enrico", el kualo tomó komo su nombre artistiko, bazado enel yerro de la asistenta de la kaza de diskos ke oyó "Macias" i kreyó ke era la su alkunya, kuando el dijo "a Nassia".

Egzilio trocar

Lavoró komo maestro de eskola asta ke dechidió konformar parte ofisiala de la orkesta Cheikh Raymond. Enel anyo 1961, dempues de la Gerra de Independensia de Arjelia, la vida de las komunitas djudias enel payis era zor. Antonses Gaston fuyó verso Fransia el 29 de Djulio de 1961, endjunto a la su mujer Suzy, la ija de Cheikh Raymond, el kualo fue amortado ese mismo anyo por el FLN.

Karriera musikala trocar

Dempues de arrivar a Paris, dechidió sigir kon la su karriera musikala. En Fransia, no ankontró mucha reushitá i dechidió ajustar el su estil paa los fransezes. Al empesijo, tentó tresladar el malouf al fransez. Esto fue un yerro, i desvelopó un muevo kondjunto de kantikas ke kantava en kavés i cabarets. Enel anyo 1962, gravó la kansion Adieu mon pays (Adio payis miyo), la kuala eskrivió mientres iva enel vapor verso Fransia i la kuala kantó en la televizyón, kon muncha reushitá en todo el payis; este anyo endemas nasió la su ija, Jocya. Enel anyo 1964, tomó el su nombre artistiko, Enrico Macias i empiesó un tour internasional, kantando en lingua fransesa, italiana i kastilyana, apresentandose endemas en Libanon, Gresia i la Turkiya. Desde este momento izo tours por todo el mundo, gravando kantikas en lingua italiana i kastilyana, kon muncha reushitá en todos los kontinentes; la su priméra presentasiyon en los Estados Unidos, enel anyo 1968 enel Carnegie Hall estava yena kompletamente. En la provinsia kanadiana de Québec, su reushitá era mas grande deke era un kantadero de avla franseza.

 
Marcias kon Anwar El Sadat (1978)

Enel anyo 1976, resivió el premio Disko de Oro por "Melissa". Enel anyo 1979 kantó kon grups komo Gipsy Kings i la kantadera Daniele Danaé.

Enel anyo 1978, fue konvidado por el presidente de Ayifto, Anwar El Sadat, para kantar por la paz, ande kantó para 20.000 personas frente a la Esfenks de Giza. Dempués de ke amortaron a Sadat, el eskrivió en onor del presidente la kantika "Un berger vient de tomber".

Dempués de dechidir no apresentarse en Arjelia enel anyo 2000, eskrivió Mon Algérie (La mi Arjelia), una istorya de amor por la su tyérra ande nasi. Enel anyo 2003 gravó Oranges amères (Portokales amargos) produzido por el su ijo Jean-Claude Ghrenassia. Enel anyo 2007 tentó otra vez de vijitar Arjelia endjunto kon el presidente fransz Nicolas Sarkozy, ma el primér ministro de Arjelia, Abdelaziz Belkhadem, se opozó a la vijita deke Enrico da su apoyo a Israel.

Rekonosimyentos trocar

Diskografiya trocar

Albums trocar

  • 1983: Deux ailes et trois plumes
  • 1984: Générosité
  • 1987: Enrico
  • 1989: Le vent du sud
  • 1991: Enrico
  • 1992: Mon chanteur préferé
  • 1993: Suzy
  • 1994: La France de mon enfance
  • 1995: Et Johnny Chante L'amour
  • 1999: Aie Aie Aie Je T'Aime
  • 1999: Hommage à Cheikh Raymond
  • 2003: Oranges amères (produzido por el su ijo, Jean-Claude Ghrenassia)
  • 2005: Chanter
  • 2006: La Vie populaire
  • 2011: Voyage d'une mélodie
  • 2012: Venez tous mes amis!
  • 2016: Les clefs
  • 2019: Enrico Macias & Al orchestra

Albums kantados en direkto / Kompilasiyones trocar

  • 1989: Olympia 89
  • 1990: Disque d'Or
  • 1992: Le plus grand bonheur du monde
  • 1996: La Fête à l'Olympia
  • 2003: Les Indispensables de Enrico Macias
  • 2003: Concerts Musicorama
  • 2006: Olympia 2003
  • 2006: Les Concerts Exclusifs Europe
  • 2008: Platinum Collection

Atamientos eksternos trocar

  Klika akí para ver las imajes de Commons ensima de Enrico Macias.


 
Ikono de esbozo

Este artikolo es endagora, muy chiko. Muchiguando el su kontenido vas ayudar a amijorar Vikipedya.
Puedes kitar ayudo kon las vikipedyas en otras linguas.