Kofi Annan
Kofi Atta Annan (1938-2018) fue el syétimo Sekretario Jeneral de las Nasiones Unitas, entre los anyos 1997 i 2006, endemas de ser premiado, endjunto a las Nasiones Unitas con el Premio Nobel de la Paz del anyo 2001.
Mansevés
trocarKofi Annan nasió el 8 de Avril de 1938 en Kumasi, Ghana. El su nombre indika el diya de la semana en la kuala nasio, en las linguas twi i fante, las lenguas de los sus padres. Kofi kere dizir viernes; Atta kere dizir kualo es uno de dos djemelos i Annan kere dizir kualo es el katreno ijo. Shukur a la posisiyon de la su famiya, pudo estudiar ekonomiya en el Kumasi College of Science and Technology i dempués en los Estatos Unitos i Suisa, ande konsigió varios posgrados i titolos de masters en ekonomiya.
Emppesijo en las Nasiones Unidas
trocarEnel anyo 1962 empiesó a lavorar en la Organizasiyon Mondiala de la Salud, ajensia dependiente de la ONU. Má entre 1974 i 1976, lavoró komo Director de Turismo de el su própio payis. Dempués ritornó a su lavoro en las Nasiones Unitas komo Asistente del Sekretario Jeneral en tres etapas distintas: komo Koordinador de Rekursos Umanos i Sekuritá entre 1987 i 1990, komo Kontrolador del Programa de Planifikasiyon i Finansas entre 1990 i 1992, komo Koordinador de las Operasiyones de las Huérsas de Paz de la ONU entre Marzo de 1993 i Fevrero de 1994. Annan fue nombrado Subsekretario Jeneral en Oktubre de 1995 i fue enviado komo Representante Espesial del Sekretario Jeneral de la ONU en Djugoslavia, ritornando a la sede sentrala de la ONU en Mueva York en Avril de 1996.
Sekretario Jeneral de las Nasiones Unitas
trocarEl 13 de Diziembro de 1996, Annan fue eskojido por el Konsejo de Seguridad de la ONU komo Sekretario Jeneral i fue konfirmado katro diyas má tarde en la Asamblea Jenerala de la ONU, suksediendo al ejipsio Boutros Boutros-Ghali. La eleksiyon de Annan, estimulada por los Estatos Unitos d'Amerika, akabó ansina el trokamiento rotativo entre kontinentes i izo a Annan el primer ombre preto en okupar la Sekretariya Jenerala.
Durante el su mandato, la su prioritá fue la planifikasiyon de la riforma de las Nasiones Unitas, kon la apresentasiyon del yamado Plano de riforma para la Renovasiyon de las Nasiones Unitas. Endemás de este, gerreó aktivamente contra el SIDA. Endjunto con la misma ONU resivió el Premio Nobel de la Paz enel anyo 2001 "por su lavoro por un amijor mundo organisado y má pasífiko.
El 1 de Jenero de 2002 le fue remuevado el su mandato por el Konsejo de Seguridad, ansina komo por la Asamblea Jenerala asta el 31 de Diziembro de 2006. En 2003 se deklaró en kontro de la invasiyon de Irak por parte de los govyernos de los Estatos Unitos d'Amerika i el Reyno Unito, i en 2004 la konsideró ilegala.
En Diziembro de 2004, se vio involukrado en un skandalo endjunto al su ijo Kojo Annan por sospechas de korrupsiyon en el programa de petróleo por alimentos.
