Xauen
| ||||||||||||||||||||||||
Chauen o Chefchauen (en arabo شفشاون; en haketia Xauen; en tifinagh ⵜⵛⴻⴼⵜⵛⴰⵡⴻⵏ (Accawn), es una sivdad de Marroko, kapitala de la provinsia del mismo nombre. Se topa al noroeste del payis, al empesijo de las montanyas del Rif serka de Tetuan. La sivdad se ankontra en la rejion de Tanjer-Tetuan. Tiene 35.709 avitantes (2004).
Etimolojiya
trocarEl nombre Accawen sinyifika en rifyano "Los kornos", en referensia a las dos montanyas ke se ven desde la sivdad. Se kreye ke el nombre Shifshauen viene del arabo shuf ('mira') i el rifyano kon enfluensia del arabo ashawen ('los kornos'), ma no egziste fakto de esto. Shauen es la forma kurta del nombre de la sivdad, la kuala pasó al kastilyano i a la Haketia inisialmente komo Xauen (ansí aparese en la dokumentasiyon ofisiala del Protektorado Espanyol), afilu oy endiya es uzada mas la forma Chauen, la kuala viene del fransez Chaouen. Los mapas avisos de kamino dizen "Shifshawen" en arabo i "Chefchaouen" en fransez.
Istorya
trocarLa sivdad fue fondada enel anyo 1471 ande se topava una viya bereber. Orijinalmente, la povlasion de la sivdad era kaji toda egziliados de Al-Andalus, tanto musulmanos komo djudios, i por esto la sivdad vieja parese muncho a una viya de Andaluziya, kon kalejas chikas i kazas enkaladas i kon tonos blus. Sus avitantes se paresen mas a la djente del otro lado del Estrecho de Jibraltar ke a la majorita de los marrokanos. Xauen se topa ensima de una valey; la parte mas vieja de la sivdad, krese verso la parte alta de la montanya, serka de los manantiales de Ras al-Ma. El sentro de la sivdad es la plasa de Uta al-Hammam, en la kuala se topa la mezkita i su minaré de baza oktogonala, ansina komo la Mezkita de los Andaluzes. La sivdad mueva se topa embasho de la sivdad vieja.
Xauen fue por munchos syéklos una sivdad sakra, ande los ajenos tenían defendido entrar; por esto, sus kazas medievalas se ankontran kaji todas sin trokos, i los pokos trokos son de los anyos d'alkavo. La armada de Espanya "avrió" la sivdad kuando tomaron basho el su kontrolo el Nord de Marroko, dempues de la Konferansa de Algeciras i el Akódro Franko-Ispano de 1912. Kuando los espanyoles arrivaron, la sivdad tenía una komunita djudia emportante, la kuala avlava haketia, un lashon de la lingua djudeo-espanyola. Xauen fue endemas una de las prinsipalas bazas de la armada de Espanya i de fákto, la ultima bandiera espanyola se kitó de la sivdad enel anyo 1956. Komo en las otras sivdades del antiko protektorado espanyol, munchos de sus avitantes avlan kastilyano. Xauen estuvo basho kontrolo de la Repuvlika del Rif i ande kaji akontesió otra derrota de la armada Espanyola por modo del atako de los gerreros del Rif.
Oy endiya, Xauen es un emportante sentro de turismo, lo kualo atraye emigrantes de otras rejiones al Sud de Marroko.
Lugares de entereso
trocarXauen es konsiderada una sivdad santa i tiene varios lugares de entereso para el viajero, komo:
- La Medina
- La Plasa Hamman
- La Gran Mezkita
- La Kasba
Sivdades ermanadas
trocar
Issaquah, Washington, Estados Unidos
Vejer de la Frontera, Espanya- Ronda, Espanya
Kunming, Repuvlika Popular de Kina
Testour, Tunesia
Referensias
trocar