Air Europa

Paez

Espanya

Fundasion

1984

Kodigos

IATA

UX

ICAO

AEA

Callsign

Europa

Hub

Ayroporto Internasional Son Sant Joan, Palma de Mayorka

• Otros Aeroportos

Ayroporto Internasional de Barajas, Madrid;
Ayroporto Internasional El Prat, Barselona

Flota

40

Destinos

44

Aliansa

SkyTeam

Presidente

Juan José Hidalgo

Klub de viajero frekuente

Flying Blue

Pajina web

http://www.aireuropa.com

Air Europa es una linea aerea espanyola kon sede sosial en Llucmajor, en la isola de Mayorka. El su kódiche IATA es "UX", el su kódiche OACI es "AEA" y su callsign es "Europa".

Istorya

La aerolínea fue fondada basho el nombre komserial Air Espanya S.A. i partisipada por el operador turistiko inglezo ILG (International Leisure Group), también propietario de la linea aerea ingleza Air Europe enel anyo 1984. Air Europa empiesó volando charters entre Espanya i el Reyno Unito en Noviembro de 1986. Dempues de la bankarota de ILG i de Air Europe en Marso del anyo 1991, la entreprisa fue komprada por Juan José Hidalgo, propietario de la kadena de ajensias de viaje Viajes Halcón i el kualo kompró dempués la entreprisa mayorista turistika Travelplan, dempues Touring Club, Iberrail, Travelplannet, la minorista Viajes Ecuador, Groundforce, los Oteles Oasis, Pepeworld i el Tour operador de Florida MKTravelplan, konformando ansina Globalia Corporación Empresarial. Kuando el merkato de transporto aereo de Espanya fue liberado enel anyo 1993, Air Europa empiesó a ofreser volos regulares. ^[1]. Dempues de una krisis ekonomika en la kompanyía, parte de la su flota fue alugada a Iberia enel anyo 1997. Dempués se izieron negosiasiyones para tentar venderla a la entreprisa estatal, má no prosperaron. Antonses fueron fondadas kompanyias má chikas komo Air Europa Express, para volos rejionales kon aviones de turboeliza ATP i una para volos chárter bazada en Kanarias yamada Air Europa Canarias kon dos B-737. Las dos entreprisas fueron serradadas enel anyo 2001. Durante kaji toda la su istorya, la kompanyia sólo tiene uzado aviones de Boeing, espesialmente B737, B757 i B767, por lo kualo jeneró muncha sorpresa enel anyo 2005 kuando anunsió ke iva merkar diez Airbus A350^[2] ^[3], ansína komo el aluger inmediato de katro A330-200 i un A340-200, también de Airbus, para azer volos de lunga distansia.

El 5 de Septiembro del anyo 2007, Air Europa, djunto kon Copa Airlines i Kenia Airways, anunsian la su entrada ofisial komo myémbros asosiados a la aliansa SkyTeam de lineas aereas, en la kuala se ankontran lineas aereas grandes i emportantes komo Air France, KLM, Alitalia entre otras.^[4]. El 22 de Jenero del anyo 2008 anunsia ke va merkar 8 Boeing 787-800 Dreamliner, passando ansina a ser la priméra linea aerea espanyola en tener este avion en la su flota. ^[5]. En Marso del anyo 2008 se kansela kon Airbus el pedido de 10 A350 por el kualo resive una indemnisasiyon de 70 milyones de euros.