Zeina Abirached
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Zeina Abirached (arabi: زينة أبي راشد, nasida en Beirut, Libanon) es una desenyadora grafika libanesa i eskritora de comics, nasida en Beirut en 1981, ama ke bive gran parte del anyo en Fransia. Las sus ovras estan bazadas en istorias otobiografikas lisionadas kon la su chikez durante la Gerra Sivil Libanesa.
Biografiya trocar
Zeina nasio en Beirut el 18 de Djenero de 1981. Ambezo desen grafiko en la Académie Libanaise des Beaux-Arts i diskues de eskapar, bivio desde 2004 en Paris, ambezando animasion en la École nationale supérieure des arts décoratifs.
En 2006, Editions Cambourakis publiko los sus dos primeros livros de istorias kurtas i endemas izo parte del Festival Internasional de la Istoria Grafika de Angouleme. El su klip animado Mouton, el kualo izo komo parte de los sus estudios, aresivio un premio en el Sinkeno Festival Internasional de Animasion de Tehran.[1]
En 2008, el su livro Mourir, partir, revenir - Le jeu des hirondelles era eskojido enel Festival de Anguleme; este livro era tresladado en munchas linguas endemas de inglez, i editado en 2012 basho el titolo A Game for Swallows: To Die, To Leave, To Return[2].
Por modre del su orijin enel Oryente Medio i el su estil grafik, es munchas vezes komparada kon los desenes de la otora iraniana Marjane Satrapi, ma eya dize ke los sus desenes estan lisionados kon la su vida, la su famiya i no un hal politiko.[3]
Ovras trocar
Tiene publikadas sinko ovras kon la emprimeria Cambourakis i esta lavorando endagora en un muevo livro, yamado Beyrouth Partita.[4]
- Beyrouth-Catharsis (Cambourakis, 2006);
- 38, rue Youssef Semaani (Cambourakis, 2006);
- Mourir, partir, revenir - Le Jeu des hirondelles (Cambourakis, 2007);
- Je me souviens - Beyrouth (Cambourakis, 2008);
- Mouton (Cambourakis, 2012);
- Le Piano oriental (Casterman, 2015) - Premio Phénix de Literatura 2015. [5]
Atamientos eksternos trocar
- Comic creator: Zeina Abirached en la Comiclopedia de Lambiek (en lingua inglesa)
- ↑ Zeinia Abirached. GraphicNovelReporter
- ↑ Zeina Abirached: A Game for Swallows. (en lingua inglesa)
- ↑ Zeina Abirached. L'Express. (en lingua fransesa)
- ↑ Zeina Abirached. Cambourakis (en lingua fransesa)
- ↑ Lamia et Zeina se partagent le Phénix. L'Orient-Le Jour (en lingua fransesa)