Zahra Eshraghi
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Zahra Eshraghi (en farsi: زهرا اشراقی, Zahrâ Eshrâqi ) (nasida en 1964) es una aktivista iraniana, la kuala lavora por los diritos umanos, espesialmente por los de las mujeres.
Biografiya trocar
Eshraghi nasio en 1964. Es la inieta del Ayatola Khomeini.[1] Ambezo filosofiya.[2]
Ideolojiya trocar
Zahra Eshraghi bushka ke no seya obligado ke las mujeres del su payis esten vistiendo el hijab o kuvrindo las sus karas, aziendo kampanya en redes sosyalas i kon fotos en las kualas no viste el chador tradisional de las mujeres de Iran, solo un hijab arafganeado.[3] Eya tiene disho ke "la muestra konstitusion ainda tiene disho ke el ombre es el shefe i ke la mujer esta sofiguada al espozo, dando todo por la su famiya, ainda el dezeyo de tener una kariera. ma la sosyete oy endiya es diferente, kon munchos trokamientos en los ultimos 10 anyos espesialmente. Si el mi papu ainda biviese, esto segura ke el iria tener ideas diferentes"[4]
Endemas tiene deklarado ke "La konstitusion ke era aprovada por el mi papu tiene eskrito ke solamente ombres pueden ser prezidentes del payis (...) el biervo "ombre" kale ser trokado por "kualunke". Ma esta diskriminasion no egziste solo en la konsitusion. Siendo mujer, si tengo menester de un pasaporto para viajar a otro payis, si tengo menester de azerme una djerahlik en un espital, o o ainda respirar, kale ke tenga la lesensia del mi espozo."[5]
Kritikas aresividas trocar
Eshraghi aresivio kritikas de los politikos konservadores del su payis en 2010, por dar suporte al kandidato reformista Mehdi Karrubi i al Movimento Vedre Iraniano.
Vida privada trocar
En 1983, Esraghi es espozo kon Mohammad-Reza Khatami, ke era shefe del Frente de Partisipasion de la Repuvlika Islamika de Iran, el prinsipal partido reformista de Iran i ermano menor del ke era prezidente de Iran entre 1997 i 2005 Mohammad Khatami.[6][7][8] Tienen dos ijos, una hija yamada Fatemeh, i un ijo yamado Ali.
Ver endemas trocar
Referensias trocar
- ↑ Khomeini’s Granddaughter On Iran’s ‘Critical Situation,’ Sanctions, Facebook (en lingua inglesa)
- ↑ Khomeini’s granddaughter fights for women’s right (en lingua inglesa)
- ↑ Modern Islamic women struggle with dress code. Hurriyet Daily News (en lingua inglesa)
- ↑ Khomeini’s Rebel Grandchildren (en lingua inglesa)
- ↑ 'If I want to breathe I must have permission from my husband'. The Telegraph (en lingua inglesa)
- ↑ Daughter of the Revolution Fights the Veil. New York Times (en lingua inglesa)
- ↑ Sayyid Mohammad-Reza Khatami. JRank Encyclopedia (en lingua inglesa)
- ↑ Khomeini granddaughter slams Iran hardliners (en lingua inglesa)