Vian Dakhil
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Vian Dakhil (nasida en 1971 en Mosul) es una diputada enel Parlamento de Irak. Eya es la unika yazidi enel parlamento del payis.[1]
Biografiya
trocarDakhil aresivio atension internasionala kuando demando ayudo para los yazidis ke se topavan enserklados en las montanyas de Sinjar, en tiempo del atako a Sinjar echo por el Estado Islamiko, akuzando al Estado Islamiko de azer un djenosidio en kontro del su puevlo. Esta demanda de ayudo[2][3] era echa enel parlamento iraki el 5 de Ogusto de 2014. Enel mundo de avla ingleza, el su diskorso era amostrado por CNN[4] i este kanal de TV izo una bushkita ensima de la kriza ke bivian los Yazidis, endemas del djurnal amerikano Washington Post[5] i avlaron ensima del su diskorso en la su bushkita.
Enel mundo de avla franseza, la revista "Kapitalis", de Tunesia;[6] el djurnal “ChoufChouf” de Arjelia;[7] i el djurnal Le Monde[8] avlaron de la demanda de ayudo echa por Vian Dakhil para e puevlo Yazidi, el kualo era eksterminado por las huersas de ISIS.
En una entrevista echa or la Agence France-Presse, i amostrada por Le Monde el 9 de Ogusto de 2014, eya disho ke, si el ayudo no arivava pishin a los Yazidis, el su puevlo iva ser eksterminado.[9]
En Fevrero de 2016, eya avlo en la Konferensia de Djenevra para los Diritos Umanos i la Demokrasia.[10]. Esta anyada, Human Rights Watch izo munchas entrevistas a mujeres de Hawaija, entre eyas a Dakhil, la kual avlo ke las mujeres yazidis se eskulterearon de la rejion basho kontrolo de Daesh, ma las ke kedaron eran emprizonadas, estupradas i echas konvertirse al Islam. [11] El 12 de Ogusto de 2014, Dakhil era enjuryada kuando un elikopter Iraki kayo mientres ke yevava ayudo para los yazidis en Sinjar.[12][13]
Onores aresividos
trocarVian Dakhil tiene resividos onores por el su lavoro para la konosensia de situasion de los Yazidis en la komunita internasionala. Aresivio onores enel Parlamentode Irak i aresivio un premio de la Komunita de Mujeres Irakis en Oktobre de 2014, ande aresivio el premio de Mujer de la Anyada. Endemas, aresivio el Premio Anna Politovskaya por "el su koraje para ser la boz de la komunita Yazidi i la su determinasion para defender a los Yazidis i a todas las mujeres Irakis basho el kontrolo de ISIS, anke eya es otruna mujer iraki yazidi opozada a ISIS.” Aresivio el Premio Bruno Kreisky de los Diritos Umanos en Viena en Djunio de 2015. En Fevrero de 2016, Dakhil aresivio el Premio de la Konferensa de Djenevra de los Diritos Umanos. [14]
Ver endemas
trocarReferensias
trocar- ↑ Iraqi Parliament guide, official web presence of Vian Dakhil. Parlamento de Irak. (en lingua inglesa)
- ↑ Iraqi MP Breaks Down in Tears Pleading Parliament to Save Yazidis from Genocide, MEMRI (en lingua inglesa)
- ↑ |Iraqi Yazidi MP Breaks Down in Parliament: "ISIL is Exterminating my People". YouTube (en lingua inglesa)
- ↑ Iraqi Yazidi lawmaker: 'Hundreds of my people are being slaughtered'. CNN (en lingua inglesa)
- ↑ The Islamic State’s bloody campaign to exterminate minorities: ‘Even Genghis Khan didn’t do this’. Washington Post (en lingua inglesa)
- ↑ Les Irakiennes vendues comme des esclaves au souk de Mossoul. Kapitalis (en lingua fransesa)
- ↑ Irak: le cri de cœur de Vian Dakhil!. ChoufChouf (en lingua fransesa)
- ↑ Yazidis d’Irak – le cri d’angoisse d’une députée du parlement irakien. Le Monde (en lingua fransesa)
- ↑ En Irak, le compte à rebours pour sauver la minorité yézidie est lancé. Le Monde (en lingua fransesa)
- ↑ Jailed Venezuelan Opposition Leaders Antonio Ledezma & Leopoldo Lopez Win 2016 Courage Award from 25 NGOs at Geneva Summit Held at UN. Geneva Summit.org (en lingua inglesa)
- ↑ Iraq. Human Rights Watch (en lingua inglesa)
- ↑ Vian Dakhil: 5 Fast Facts You Need to know. (en lingua inglesa)
- ↑ Iraqi Military Helicopter Crashes Carrying Refugees Off Mountain. NPR (en lingua inglesa)
- ↑ Vian Dakhil (Iraq): Winner of the 2014 Anna Politkovskaya Award. (en lingua inglesa)
