Tansu Çiller

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Tansu Çiller (Estambol, 1944) es una politika de la Turkiya. Es la primera mujer de este payis en ser yamada Primera Ministra, desde 1993 fina 1996.

Tansu Çiller.

Biografiya

Çiller nasio el 23 de Oktobre de 1944, en Estambol. Es ija del governador de la provinsia de Bilecik. Esta espozada kon con Özer Uçuran Çiller i tiene 2 ijos. Ambezo ekonomiya en la Universita de Bogaziçi, aresivio el su Ph.D. en la Universita de Connecticut i diskues ambezo un post-doktorat en la Universita de Yale.

Karriera politika

En 1990 fue yamada konsejera del primer ministro Süleyman Demirel i vise-presidenta del Partito del Kamino Vedradero (Doğru Yol Partisi, DYP), partito politiko de sentro-dirita. Era diputada ala Grande Asamblea Nasionala en Oktobre de 1991 i era yamada Ministra de Estato para la Ekonomiya, arientro del governo liderado por el DYP.

Primera Ministra de la Turkiya

Diskues de la muerte del del Presidente Turgut Özal, el Primer Ministro del DYP Süleyman Demirel gano las eleksiones presidensialas el 16 de Mayo de 1993. El partito DYP tenia menester de un shefe, i el payis de un primer ministro. El partito se topo kon una krisa de identita. Ciller no era la kandidata esperada, ma los otros tres kandidatos ombres no puedian kompetir kon eya; Ciller era una mujer lavorante de sivdad, manseva i endemas kon konosensia, ke ambezo en universitas de Oksidente. Los djurnales i la television, la komunita de bisnesmen se toparon al su lado, i endemas kriava la imaje de una Turkiya moderna i oksidentala. El 13 de Djunio, Çiller, de 47 anyadas de edad, era elekta shefa del DYP i el 25 de Djunio, la primera ministra numero 50 del payis, en un governo del DYP enjdunto kon el SHP.

Çiller es akreditada kon transformar la Armada de la Turkiya de una organisasion ke usava armas antikas de la Armada de los Estatos Unitos, en una armada moderna kon pueder de gerreyar i ganarle al PKK. Endemas, izo ke tanto los Estatos Unitos komo la Union Evropea yamasen al PKK en la lista de las organisasiones terroristas. Era Primera Ministra fina 1996.

Enel konflikto entre Albania i Gresia, Çiller deklaro a los djurnales ke si Gresia tentava partajar Albania] en dos, iva tener la Armada Turkana en 24 oras en Atines.