Sophie Wilmès
Sophie Wilmès (Ixelles, 15 de Djenero de 1975) es una politika de Beljika la kuala apartiene al partito frankofono Movimento Reformador. Desde el 27 de Oktobre de 2019 fina el 1 de Oktobre de 2020 era primera ministra moayar de Beljika asperando la konformasion de un governo muevo. Era la prima mujer shefa de governo en la istorya de Beljika. Oy endiya, es la vizeprimera ministra i la ministra de maslahatos eksternos del governo de Alexander De Croo.[1]
| {{{nombre}}} | |
|---|---|
| Nasimiento | |
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
.jpg)
Biografiya
trocarWilmès nasio en la sivdad de Ixelles, ke se topa en la rejion de kapitala de Bruselas.[2] El su padre, Philippe Wilmès, era un bankadji i profesor de ekonomiya en la Universita de Lovaina, el kualo azia parte del Partito Liberal i lavoro komo shefe de ekip de Jean Gol del Partito Liberal Reformador (Parti Réformateur Libéral, PRL).[3] Los sus granpapas paternalos eran amortados kuando la armada inglesa lanso bombas en la sivdad de Limal durante la Sigunda Gerra Mondiala.[4] La su madre es una djudia ashkenazi ke pedrio varios myembros de la su famiya enel Olokosto[5] i lavoro enel buro de Mieke Offeciers entre las anyadas de 1992 i 1993, kuando era la Ministra de Bujeto.[3] Kresio en la sivdad de Grez-Doiceau en Valonia i ambezo en la Universita de Bruselas. Lavoro komo konsejera ekonomika en un buro de avokatos.[6]
Kariera politika
trocarEn 2000, Wilmès era elejida al konsesho de la sivdad de Uccle.[7] Entre 2007 i 2014, Wilmès era la konsejala enkargada de bujeto, edukasion frankofona i negosios sitizenos de la sivdad de Sint-Genesius-Rode. entre 2014 i 2015 era parte del konsesho de la provinsia de Brabante flamenko. En 2014 era elejida ala Kamara de Representantes.
En Sietembre de 2015, Hervé Jamar disho ke iva esvachearse el 1 de Oktobre de 2015 deke era yamado governador de la provinsia de Lieja. Sophie Wilmès era elejida komo la mueva Ministra de Bujeto enel governo Michel I. En Disiembre de 2018 era yamada ministra de Bujeto, Servis Sitizeno, Loteria Nasionala i Politika Sientifika enel Governo Michel II. El 27 de Oktobre de 2019 yego a ser la prima mujer primera ministra de Beljika, suksedando a Charles Michel, el kualo iva prinsipiar el 1 de Disiembre komo el muevo presidente del Konsejo Evropeo.[8] Era la shefa de un governo moayar mientres ke azian negosiasones entre los partitos poltikos para aranjar una mueva koalision.[9] El 16 de Marso de 2020, diskues de 15 meses de negosiasiones, todos los partitos poltikos akodraron dar todos los puederes de ley al governo de Wilmès kon el buto de gerreyar la hazinura de COVID-19. En los termos del akodro, Wilmès aresivio puederes espesiales kon el buto de gerreyar el impakto ekonomiko i sosyal de la hazinura, los kualos iva tener por 3 meses, ke podian ser tendidos otruna vez por tres meses. Wilmès era yamada ofisialmente komo primera ministra por el rey Felipe el 16 de Marso, i el su ekip era djuramentado el dia venidero.[10]
En Mayde 2020, kuando vijitava el espital Saint-Pierre en Bruselas, los empiegados de sanedad del espital le amostraron la espalda komo sinyal de protesta, diskues ke Beljika alkanso la mas grande proporsion de amortados por koronavirus enel mundo i Wilmès disho ke las estadistikas eran un yerro.[11]
El 1 de Oktobre de 2020, Wilmès era yamada vize-primera ministra i ministra de Maslahatos Eksternos enel muevo governo konformado por Alexander De Croo, yegando ansina ser la primera mujer Ministra de Maslahatos Eksternos en la istorya de Beljica.[1] Durante varios diyas desde el 22 de Oktobre de 2020, lavoro desde la su kama en la Unita de Kudiados Espesialos en un espital en Bruselas, deke kedo hazina kon COVID-19.[12] El kanal de haberes alman Deutsche Welle disho ke "Wilmes era detektada positivo kon koronavirus" antes del 17 de Oktobre, "diskues de estar en una reunion kon otros ministros de la UE" [13] en la Fragua Evropa de Luksemburgo el 12 i el 13 de Oktobre.[14][15] El Ministro de Maslahatos Eksternos de Ostria, Alexander Schallenberg, kedo hazino diskues de esta reunion.[13] Kedo sana i salio del espital el 30 de Oktobre.[16]
Famiya
trocarWilmès esta espozada kon el negosiante Ostraliano Chris Stone i kon el tiene katro kreaturas: Jonathan, Victoria, Charlotte i Elizabeth. [6]
Referensias
trocar- ↑ a b Finally, a government after 652 days: New Belgian PM debuts at EU summit. Reuters (en lingua inglesa)
- ↑ «Sophie Wilmès | MR | News». Consultado el 30 de julio de 2016.
- ↑ a b Sophie Wilmès : une ministre modèle devient la première femme à diriger la Belgique. Le Figaro (en lingua fransesa)
- ↑ Décès de Philippe Wilmès. L'Echo (en lingua fransesa)
- ↑ Belgium names first ever Jewish, female prime minister. Israel Hayom (en lingua inglesa)
- ↑ a b «Sophie Wilmès | MR | Who am I?». Consultado el 30 de julio de 2016.
- ↑ UK immigration officials sent to Zeebrugge in crackdown against organised smuggling. The Brussels Times
- ↑ Dorpe, Simon Van (26 de octubre de 2019). «Sophie Wilmès to replace Charles Michel as Belgian PM». Consultado el 27 de octubre de 2019.
- ↑ Belgium gets first female PM as Sophie Wilmès takes office. The Guardian (en lingua inglesa)
- ↑ Belgium hands powers to caretaker PM to fight Covid-19 after 15-month stalemate. The Guardian (en lingua inglesa)
- ↑ El peculiar recibimiento del personal sanitario a la primera ministra belga durante la visita a un hospital. ABC
- ↑ Belgium's deputy PM in intensive care with coronavirus. The Guardian (en lingua inglesa)
- ↑ a b Belgian Foreign Minister Sophie Wilmes in intensive care with COVID-19. Deutsche Welle (en lingua inglesa)
- ↑ FOREIGN AFFAIRS COUNCIL Luxembourg, 12 October 2020
- ↑ GENERAL AFFAIRS COUNCIL Luxembourg, 13 Octobre 2020
- ↑ Sophie Wilmès est sortie de l'hôpital: elle poursuivra sa convalescence à son domicile. La Libre Belgique (en lingua fransesa)
Atamientos eksternos
trocar- Sitio web de Sophie Wilmès (en franzez i en olandez)
- Biografiya (en kastilyano)
