Shahrizoda
Shahrizoda s un grup de muzika de Asya Sentrala konformado por tres mansevas de Uzbekistan, las kualas se topan jeneralmente bazadas en Ürümqi, la sivdad kapitala de la Rejion Otonoma Uigur de Sinkiang en Kina Oksidentala. La su muzika esta variada desde muzika tradisionala de la rejion a etno-pop i afilu muzika pop. Kantan jeneralmente en lingua uzbeka i endemas en lingua uygur: Shukur a la afinidad kulturala i linguistika entre los puevlos turkanos ke biven en la rejion entre Uzbekistan, Kazakistan, Sinkiang, Kirgyzstan, Turkmenistan i Azerbaidjan, son muy konosidas i gustadas en toda Asya Sentrala.
El grup trokó su residensya verso Ürümqi en la anyada de 2006, kuando la sivdad bivía un boom ekonomiko. Poko diskués, izieron publiko un DVD kon videos de sus kansiones echos en distintos lugares i rejiones de Sinkiang. La kansion "Oynasun" - un remake de una kantika tradisionala Uygur - tuvo una gran reushitá muy pishín, i esta reushitá se izo ekstendida verso el resto de la rejión. Enel anyo 2007 apresentaron un sigundo DVD, kon alkunas kansiones en lingua kineza, kon el buto de entrar al merkato Kinezos Han, ma kon menos reushitá. Oy endiya, el grup esta konformado por Muborak Ashurboeva, Shakhnoza Yuldosheva i Kamola Arslanova.
El nombre "Shahrizoda" es la tresladasion a las linguas uzbeka i uygur (شهريزاده i Шахризода, respektivamente) de Shehrazad, la lejendaria reyna persa i kontadora de las Mil i una nochadas.
Anke el grup no tiene una oja web ofisiala, las kopias de sus videos se topan en Youtube i alkunos tienen mas de 1 milyon de vijitas.