Safa Al Hashem
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Safa Al Hashem (arabi: صفاء الهاشم', nasida en 1964), es una politika liberala de Kuveit ke apartiene al parlamento de este payis. Eya es la unika mujer de Kuveit elekta al Parlamento de modo konsekutivo,[1] diskues de ke las mujeres del payis aresivieran otruna vez el dirito de votar i de ser elektas en 2005.[2]
Edukasion
trocarAl Hashem ambezo Literatura ingleza en la Universita de Kuveit i eskapo el su MBA de la Pennsylvania State University. Tiene endemas un diploma espesial de la Harvard Business School. In 2011, aresivio un doktorat Honoris causa de la Universita Amerikana de Teknolojiya de Libanon.[3]
Kariera
trocarAntes de azer kariera politika, Al Hashem lavoro para el governo del su payis enel Ministerio de Edukasion Superiora. Diskues lavoro en otras entreprisas lisionadas kon PIC, PWC i el grup KIPCO. Diskues de esto aperturo la su propia entreprisa, Advantage Consulting,[4] danisheando endjuntamente kon KIPCO i Gulf One Investment Bank de Bahrein.[5]
Politika
trocarAl Hashem era elekta la prima vez por el Treser Distrito en 2012 i reushito. Diskues de ke el Parlamento de Kuveit era serrado, dechidio partisipar en las muevas eleksiones i otruna vez reushito. En la Asamblea de 2012, era la raportadora del Komite de Mashlahatos Ekonomikos, endemas de apartener al Komite de Mashlahatos del Emirato.[5] En 2016, era elekta por tresera vez ala Asamblea Nasionala, aresiviendo el sinkeno lugar enel Treser Distrito. [4]
Al Hashem es konosida por los sus komentarios en kontro de los sitizenos de otros payises ke biven en Kuveit,[6] demandando ke los sitizenos de otros payises no aresivan lesensia para konduzir arabas i kale ke den taksas para kaminar en las kalejas.[7]
En Avril de 2017, kavzo polemika en la sosyete kuveiti deke en una reunion de un komite de la Asamblea Nasionala, el diputado Mohammed Hayef disho ke no puedia asentarse serka de eya, deke el Islam tiene defendido ke un ombre este asentado serka de una mujer parfumada i ke endemas, una mujer musulmana kale kedarse en kaza.[8]
| Eleksiones | |||
|---|---|---|---|
| Anyada | Votos aresividos | ||
| 2012 | 2,622[9] | ||
| 2013 | 2,036[10] | ||
| 2016 | 3,273[11] | ||
Onores aresividos
trocarReferensias
trocar- ↑ Why Kuwait's Only Female MP Needs To Be On Your Radar. Emirates Woman (en lingua inglesa)
- ↑ Safa first woman to win two consecutive times. Gulf News (en lingua inglesa)
- ↑ Commencement 2011|. American University of Technology (en lingua inglesa)
- ↑ a b Safa Al Hashem: Kuwait’s lone women’s voice in parliament. Al Arabiya (en lingua inglesa)
- ↑ a b MP Profile Getting to know you. Arab Times. 23 de Ogusto de 2013. P. 2 (en lingua inglesa)
- ↑ Kuwaiti MP Safa Al Hashem: The Woman Who Loves to Hate on Expats. Scoop Empire (en lingua inglesa)
- ↑ Kuwait 'deported tens of thousands of expats' in 2016-2017. The New Arab (en lingua inglesa)
- ↑ Kuwaiti MP refuses to sit by perfumed colleague. Times of Israel(en lingua inglesa)
- ↑ Justice Al Hammadi announces 3rd constituency winners. KUNA (en lingua inglesa)
- ↑ Justice Al-Enezi announces 3rd constituency winners. KUNA (en lingua inglesa)
- ↑ Official list of winners of the 2016 National Assembly elections. Kuwait Times (en lingua inglesa)
- ↑ Safa Al Hashem bags "Business Woman of the Year" Award. AME Info (en lingua inglesa)
- ↑ CEO Middle East Awards 2007. Arabian Business (en lingua inglesa)