Ruqaya Al-Ghasra
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Ruqaya Al-Ghasra (en arabo رقية الغسرة; nasida el 6 de Sietembre de 1982),[1] e una esportista de Bahrein. Eya es una de las primeras mujeres en apartener enel ekip nasional para los Djuegos Olimpikos, kompetiendo en la kariera de 100 metros para mujeres en los Djuegos Olimpikos de Atines 2004.[2] (Las mujeres Bahreinianas ya partisipavan en los Djuegos Paralimpikos desde 1984.[3])
Eya aresivio medalyas en los Djuegos Asiatikos de 2006 i diskues izo parte de las kompetensas en los Djuegos Olimpikos de Pekin 2008 i los Shampiyonatos Mondiales de Atletismo de 2009. Se aretiro de las kompetensas esportivas en 2009.
Kariera trocar
Empesijo trocar
En 2003, Al-Ghasra aresivio medalya de Oro en las karieras de 100 i 200 metros en los Shampiyonatos Arabos en Libanon.[4] En la anyada de 2004, antes de los Djuegos Olimpikos, eya aresivio tres medalyas de plata en las karieras de 60, 200 i 400 metros en los Shampiyonatos Asyatikos Basho Techo en Iran. Endemas, kompitio en la kariera de 400 metros en los Shampiyonatos Mondiales basho Techo de la IAAF de 2004 en Budapest.[4]
Djuegos Olimpikos de Pekin 2004 trocar
El kanal esportivo de televizion ESPN disho ke Al-Ghasra "no eskucho las kritikas de los fondamentalistos en la su viya" kon el buto de partisipar. Kompetio en las karieras kon hidjab i el su puerpo kuvijado d'akodro kon ls normas del Islam.[2] Eskapo la kariera enel sinkeno lugar, kon un tiempo de 11.49 sekundos, i no yego ala karriera finala.[5] Si ayegase en un tiempo de 11.43 sekundos puederia klasifikar ala dosena kompetensa.[6] Para la anyada de 2006, eya tenia amijorado el su tiempo a 11.34 seconds.[7]
Medalyas Rejionalas trocar
En 2006, Al-Ghasra aresivio la medalya de oro en la kariera de 200 metros en los Djuegos Asyatikos en Doha, Katar. Este evenemento la izo ser la primera mujer del su payis en aresivir una medalya de oro en una kompetensa internasionala ahuera del Mundo Arabo. Endemas aresivio la medalya de bronse en la kariera de 100 metros.[4][8][9][10] En 2007, iva partisipar en los Djuegos Pan-Arabos en Ayifto, los Shampiyonatos Asyatikos de Atletizmo en Libanon i los Shampiyonatos Internasionales de Atletizmo de la IAAF de 2007 en Osaka,[4] ma estava ferida.[11]
En 2008, Al-Ghasra aresivio la medalya de oro en la kariera de 60 metros en los Shampiyonatos Asyatikos basho Techo en Doha, enrejistrando un muevo record kontinental kon un tiempo de 7.40 sekundos.[11]
Djuegos Olimpikos de 2008 i Shampiyonatos Mondiales de 2009 trocar
She klasifiko para partisipar en las karieras de 100 i 200 metros en los Djuegos Olimpikos de 2008 en Pekin,[11] ama kompitio en la kariera de 200 metros, en la kuala yego fina la kariera semifinala.[12] Eya era la kargadora de bandiera enel evenemento de apertura de los Djuegos Olimpikos de 2008.[13]
En los Shampiyonatos Mondiales de Atletizmo de 2009 en Berlin, yego ala kuartafinala de 100 metros i la semifinala de 200 metros, kon tiempos de 11.49 i 23.26 sekundos, respektivamente.[14] Al final de esta anyada, izo publiko ke iva desar el mundo de las kompetensas internasionalas de edad de 27 anyos, sujeto ke kavzo muncha sorpresa enel mundo esportivo. Disho ke dechidio aretirarse diskues de avlar kon medikos i espesialistos, los kualos sugjeraron a eya tomar un tiempo para amijorar la su sanedad i aresivir tratamyento.[15] Ma diskues era echo publiko ke enkontraron drogas esportivas en un egzamen de la su sangre, i ke tenia defendido partisipar en aktivitades de kompetensa por dos anyadas, entre el 17 de Sietembre de 2009 i el 16 de Sietembre de 2011.[16]
Ver endemas trocar
Referensias trocar
- ↑ "Roqaya Al-Gassra", L'Equipe (en lingua fransesa)
- ↑ a b "Running into History", ESPN, September 25, 2004
- ↑ Bahrain at the Paralympics, Komite Internasional Paralimpiko
- ↑ a b c d "A first for Bahrain", Federasion Internasionala de Asosiasiones Atletikas (en lingua inglesa)
- ↑ "From behind the veil", The Age (en lingua inglesa)
- ↑ "SUMMER 2004 GAMES; Free at Last, Islamic Women Compete With Abandon", New York Times (en lingua inglesa)
- ↑ "Navpreet Singh and women's relay team top the list", The Hindu (en lingua inglesa)
- ↑ "Bahrain's Ruqaya Al Ghasara wins Asian Games 200, dedicates victory dedicated to all Muslim women", International Herald Tribune (en lingua inglesa)
- ↑ Hijab no bar to track success, People's Daily (en lingua inglesa)
- ↑ "Shaheen to miss Qatar Grand Prix", Gulf Times (en lingua inglesa)
- ↑ a b c "Olympic dreams for Al Ghasara". Al Jazeera (en lingua inglesa)
- ↑ AL-Ghasra Ruqaya, Athlete Biography, beijing2008.cn
- ↑ "Bahrain gear up for Games", Gulf Daily News (en lingua inglesa)
- ↑ Al-Gassra Rakia. IAAF. (en lingua inglesa).
- ↑ Bahraini sprinter Rakia Al Gassra retires for health reasons. All-Athletics (en lingua inglesa)
- ↑ IAAF Newsletter - Edition 115. IAAF (en lingua inglesa)
Atamientos eksternos trocar
- "Islamic women making history in Athens", Associated Press (en lingua inglesa)
- "Nike swoosh raises debate", ESPN (ensima del su hijab "korporativo") (en lingua inglesa)