Ocho Kandelikas
"Ocho Kandelikas" es una kantika djudia la kuala es kantada en la fieta de Hanukka. Esta kantika es kantada en lingua djudeo-espanyola, la lingua djudia avlada por las komunitas sefaradis.[1] Esta kantika es kantada komo el tango de la Arjentina, kon akordeon i violinos. Anke su sonete es muy tradisional, esta kantika es modérna, eskrita por la kantadera Amerikana de orijin djudeo-bosnio Flory Jagoda enel anyo 1983.[2]
La kantika aze referensia al plazer de un ninyo kuando ensiende las kandelas de la Hanukkiya. Esta kantika endemas tiene versiyones de la orkesta Pink Martini, los grupos Hip Hop Hoodios i DeLeon, el grupo de kantaderas a capella Vocolot, el paitan Alberto Mizrahi (Yamado "el Pavarotti de la muzika relijioza djudia modérna") i Yasmin Levy, una kantadera yisraeliana de muzika en lingua djudeo-espanyola.