Flory Jagoda
Flory Jagoda, nasida enel anyo 1925 en Sarajevo, Bosnia i Hersegovina, es una kantadera i tanyedora de gitara djudia amerikana konosida por la su musika en ladino.
Biografiya
trocarFlory Jagoda yegó a los Estatos Unitos d'Amerika enel anyo 1946, komo una novia de gerra. Eya kresió en la viya de Vlasenica i en Sarajevo. Eya dezvelopó la su kapachitá musikala kon la famiya Altaras.
La komunita sefardi de Sarajevo kaji fue destruyida tuda durante la Sigunda Gerra Mondial. Duránte la gerra, Flory fue yevada a la isola de Korčula en la kosta de Dalmasiya. La su famiya dempués eskapó a Italia, ande eya konosió a Harry Jagoda, un soldado amerikano i dempués se kazó kon el, para dempués yirse a los Estatos Unitos.
Musika
trocarFlory dize ke los sus katro diskos van representar las katro etapas musikalas de la su vida: El disko Kantikas Di Mi Nona, inklui kantikas las kualas la su bavá le kantava a eya duránte la su chikés. Dempués, de el su sigundo disko, Memories of Sarajevo (Arrikódros de Sarajevo), eya gravó La Nona Kanta, kon kantikas que eya eskrivió para los sus inyetos.
Oy endia, ya en los sus 80 anyos, Flory deklaró ke Arvoliko: The Little Tree va ser el su ultimo disko, El arvoliko, ubikado en Bosnia, se dize ke es la unika sinyal de la tumba masiva de 42 myémbros de la famiya Altaras amortados por los Nazis.
Eshuérsos por el lashon djudeo-espanyol
trocarEl idioma djudeo-espanyol esta en perikolo de desaparezer, má esta resyentemente ganando impulso shukúr a los eshuérsos de varias komunitas, sobre tódu en la musika.Flory Jagoda es konsiderada una de las kantaderas ke mas eshuérsos aze en este aspekto.[1][2]
Enel anyo 2002 eya resivió un Premio a la su karriera musikala de la National Heritage Fellowship i el National Endowment for the Arts en agradesimyénto por los sus eshuérsos en sigir pasando la tradisiyon de la musika en ladino a las muevas jenerasiyones. [3] Este mesmo anyo, 2002, Ankica Petrovic izo un filmo dokumentalo sobro de Flory i la su vida. Afilú eya ya está aedada i en la anyada de los 80, Flory Jagoda ainda sige ensinyando, eskrivyéndo i kantando en konsertos.
Diskografiya
trocarAlbums
trocar- Kantikas Di Mi Mona
- Memories of Sarajevo
- La Nona Kanta (1992)
- Arvoliko
Video
trocar- The Key From Spain: The Songs and Stories of Flory Jagoda (2002). Un filmo dokumentalo de Ankica Petrovic