Nayla Al Khaja

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Nayla Al Khaja (arabo: نايلة الخاجة‎‎), nasida en Dubai el 7 de Marso de 1978, es la primera direktrisa i produktora de sinema de los Emiratos Arabos Unidos.. Endemas, es la CEO de Nayla Al Khaja Films, una entreprisa de produksion de sinema, la kuala antes era yamada D-Seven Motion Pictures, i fondadora del The Scene Club, el primer klub de sinema de Dubai, fondado en 2007. Al Khaja tiene apresentados varios de los sus filmos en festivales de sinema internasionales..

Nayla Al Khaja.

Biografiya

Nayla nasio en una famiya konservadora de Dubai. Kuando era de edad de 17 anyos, disho a los sus padres ke eya keria ambezar direksion de sinema en Kanada; el su padre le disho ke tenia ke espozarse primeramente si keria ir a otro payis i ambezar sinema. Se espozo, ambezo sinema en Kanada i diskues abolto a Dubai. Ambezo komunikasiones enel Dubai Women's College, i diskues eskapo la universita en 2005, aresiviendo un B.A. en Sinema de la Universita Ryerson. Kuando abolto a Dubai, apresento el su primer filmo, Unveiling Dubai. Suportada por S.A. el Sheih Nahyan bin Mubarak Al Nahyan, Ministro de Edukasion de los Emiratos Arabos Unidos, este filmo dokumentario era apresentado la prima vez en el Festival Internasional de Sinema de Dubai de 2006.

Kariera komo direktrisa de sinema

In 2006, Al Khaja eskrivio i dirijio el su primer filmo kurto, Arabana ensima del abuzo alas kreaturas, amostrado en el DIFF de 2007. about child abuse, which premiered at DIFF 2007. Diskues, eskrivio i dirijio tres filmos kurtos: Once (2009), Malal (2010) i The Neighbor (2013). Malal raresivio el premio Muhr enel DIFF 2010 i The Neighboraresivio el premio al amijor fimo emirati enel Festival de Sinema de Abu Dhab de 2014. En Oktobre de 2016, apresento el su muevo filmo, Animal, el kual era nominado para los Premios Muhr enel DIFF de 2016, i aresivio el Premio Espesial par Filmo Kurto enel Festival de Sinema de Pompeii, en Italia, en Sietembre de 2017. Oy endiya, esta lavorando en la versiyon lunga del su filmo Animal, el kualo va ser el su primer filmo lungo.

Bisnes

En 2005, aperturo una kaza de produksion de sinema, D-Seven Motion Pictures, kon un intereso en desvelopar i produzir kontenido enel payis, produziendo endemas filmos para entreprisas emiratis i de otros payises, i ensinyando a mansevos arabos. En 2015, la su entreprisa firmo un akodro kon Discovery Studios para azer un programa de TV ensima de las Bulisas de Dubai. Un kanal de TV amerikano merko los diritos del rograma i la su entreprisa izo el filmo en DUbai. Este anyo, la Dubai Film and TV Commission demando azer un filmo ensima de komo era filmado Star Trek Beyond, para amostrar la kapachitad de Dubai para la industria del sinema.

Endemas de esto, el su klub de filmo The Scene Club (kon 22.000 personas enrejistradas) amostra filmos independientes, kon salones de sinema en Dubai, Abu Dhabi i Sharjah. Este anyo, el nombre de la entreprisa era trokada a Nayla Al Khaja Films.

Filmografiya

• Arabana (2006)
• Once (2009)
• Malal (2010)
• Hi (2012)
• The Neighbor (2013)
• Animal (Piloto, 2016)

Premios aresividos

• Premio Espesial, "Amijor Filmo kurto", por Animal, Italian Movie Award, Pompeii, Italia, 2017
• "Amijor Filmo Kurto", por The Neighbor, Middle East Now Festival, Florensia, Italia, 2015
• "Muhr Emirati - Premio Espesial" por The Neighbor, Dubai International Film Festival, 2015
• "Premio Hazawi al amijor Filmo Kurto", por Three, Doha Film Institute (DFI), 2013
• "Amijor script" por Malal, Gulf International Film Festival, 2010
• "Amijor Direktora Mujer de Sinema", Dubai International Film Festival, 2007

Atamientos eksternos

• Nayla Al Khaja’s Oja web ofisiala
• Nayla Al Khaja en la IMDb