Abrir menú principal
Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

La rejion de Nagorno-Karabah

Nagorno-Karabah o Alto Karabah[1] (en azeri: Dağlıq Qarabağ; en lingua armenia: Լեռնային Ղարաբաղ Lernain Garabah; en lingua rusa: Нагорный Карабах, Nagórni Karabáh) es una rejión konfliktiva de Transkavkazia, ke aze parte de jure de Azerbaidjan, ma de facto se ankontra basho el kontrolo de la Repuvlika de Nagorno-Karabah.[2]

Gerra entre Azerbaidjan i ArmeniaTrocar

El 10 de Disiembre de 1991, dempues de un referendum ke no akseptó la komunita azeri de la rejion, los armenios de Nagorno-Karabah dechidieron kriar un payis independiente. El govierno de Rusia propozó muchiguar la otonomiya de la rejión, ma esto no fue akseptado por dinguna de las dos komunitas i se dezvelopó una gerra entre el govierno de Azerbaidjan i los independentistos de Nagorno-Karabah, loskualos tenían la ayuda de Armenia.[3] Ala fin del anyo 1993, ya la gerra tenía amortadas unas 20.000 personas i unos 800.000 refujiados azeris en otras rejiones del payis.

Enel anyo 1994, se akodró deshar de gerreyar. Desde este momento, la mayor parte de Nagorno-Karabah, ansina komo otras rejiones vizinas de Azerbaidjan (en total el 14% del payis) estan basho kontrolo de Armenia endjuntamente kon las huérsas armadas de la Repuvlika de Nagorno-Karabah. Desde esta anyada, representantes de los goviernos de los dos payises tentan azer la paz, kon el ayudo del Grupo de Minsk de la OCDE.

ReferensiasTrocar

Ver endemasTrocar

Atamientos eksternosTrocar

  Klika akí para ver las imajes de Commons ensima de Nagorno Karabah.