Muzeyo de Israel
Fondado en 1965, el Muzeyo de Israel se topa serka de la Knesset en Yerushalayim (Medinat Yisrael), i tiene un status de klasa mondiala anke tiene poko tiempo de kriado, kon koleksiones emportantes i variadas, desde arkeolojiya pre-istórika fista arte moderno i kon un kalenderio de amostras temporarias, ovras publikadas i aktivitas edukativas; oy endiya es el instituto kulturalo mas emportante del payis i uno de los muzeyos de konosensia mas grandes del mundo.
El komplekso es de kaji 50.000 metros katrados i un gan de 6 akres, el kualo es vijitado por mas de 950.000 personas kada anyo, de los kualos la tresera parte son turistos i kaji 100.000 son ninyos enel programa de edukasiyon del muzeyo. El muzeyo tiene la amostra mas grande de arte djudio i de la etnolojiya del puevlo djudio.
En la frágua estan guadrados parte de los manuskritos de la Mar Amortrada -las otras se topan en otros muzeyos de gran emportansia mondiala komo el Muzeyo Rockefeller de Yerushalayim i el Muzeyo del Departamento de Ovras Antikas en Amman (Djordania).
Modelo del Sigundo Bet Amikdash
trocarSe kreye ke la seksiyon mas bushkada del muzeyo es el modelo del Sigundo Bet Amikdash, el kualo amostra endemas la topografiya de la sivdad de Yerushalayim komo era antes de la anyada 66 E.K., kuando tuvo su empesijo la gran revolta en kontro de los romanos, la kuala dio lugar ala destruksiyon de la sivdad i el Bet Amkdash. Orijinalmente fraguado ande se topa oy el Holy Land Jerusalem Hotel, el modelo okupa 20ha (81.000 m2) del muzeyo.
Seksiyones
trocarEl muzeyo tiene katro alas:
- Ala de Arte
Arte Evropeo, Arte Yisraeliano, Arte Moderno, Desinyo i Arkitektura, Fotografiya, Arte de Asya Oryentala i Arte de Afrika, Oseania i las Amerikas.
El Gan de las Artes tiene un kamino a traverso de la istorya de la eskultura del syéklo XX, kon ovras de Rodin, Bourdelle i Maillol, las kualas amostran el empesijo de la eskultura moderna. Una ovra de David Smith i ovras de Henry Moore amostran las etapas mas emportantes en la istorya de la eskultura. Grandes ovras de Richard Serra i de Sol LeWitt, i espesialmente una de James Turrell ke aze pueder ver el syelo a traverso de un burako enel techo. El Gan ainda esta kresiendo kon ovras muevas, komo un gan vedradero.
- Ala de Arte Djudio i Etnografiya Djudia
Esta ala tiene una koleksiyon kon detalyo de Arte Djudio i de Etnografiya Djudia, la kuala inkluye katro esnogas restoradas, manuskritos djudios i koleksiones de komunitas djudias de todo el olam.
- Ala de Arkeolojiya
Dos temas prinsipalos son topados en esta ala, la primera komo Israel aziend de puente entre el Antiko Ayifto i la Antika Babel i la sigunda en el partajamiento de la sosyeté djudia. La istorya i la arkeolojiya de Eretz Israel endemas amostran el fakto ke tres de las mas grandes relijiones del olam -Djudaismo, Kristyanismo i el Islam- la tienen komo santa. Los arkeologos i kuratores del muzeyo tienen ke lavorar entre la istorya i la fey; esto aze la koneksiyon entre estas dos anima a tanta djente a vijitar el payis i el muzeyo. Endemas se topa el Santuario del Livro ande estan guadrados manuskritos antikos de la Tora i los manuskritos de la Mar Amortada.
- Ala de la Mansevez
Egziste una ala dedikada kon galeriyas, kamaretas para lisiones i konferansas, espesialmente para edukasion de la mansevez.
Galería
trocar-
Letrero topado ala entrada -
Eihal Asefer - Santuario del Livro, una parte del muzeyo -
