Meral Akşener
- Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.
Meral Akşener (nasida el 8 de Djulio de 1956) es una politika turkana. Lavoro komo Ministra del Interior i endemas komo vise-prezidenta del parlamento de este payis. En 2016, eya era a gia de un grup opozado arientro del Partido del Movimento Nasionalista (MHP) en kontro del su lider, Devlet Bahçeli. El 25 de Oktobre de 2017, fondo el Partido Bueno, del kualo es la shefa.
.jpg)
Biografiya
trocarMeral Akşener nasio el 8 de Djulio de 1956 en la maale de Gündoğdu de İzmit, Provinsia de Kocaeli. El su padre, father Tahir Ömer i la su madre, Sıddıka son musulmanos balkanikos de Selanik. [1][2]
Ambezo istorya en la Universita de Estambol i eskapo sus estudios de postgrado en el Instituto de Sensias Sosyalas de la Universita de Marmara, aresiviendo un Ph.D. en istorya. Diskues lavoro komo akademika en la Universita Teknika Yıldız, Universita de Kocaeli i la Universita de la Mar Marmara University antes de azer vida politika.[2]
Politika
trocarDesho de lavorar komo shefa del departamento de istorya de la universita kon el buto de azer politika en 1994, i dechidio partisipar en las eleksiones nasionalas de 1995 para diputada de la Vilayet de Estambol kon el Partido del Kamino Vedradero (DYP). Akşener era la Ministra del Interior[3] entre el 8 de Novembre de 1996 i el 30 de Djunio de 1997, en lugar de Mehmet Ağar, el kualo renunsio diskues de estar envolvido en el Eskandal de Susurluk.[2] Ma diskues del coup de 1997, desh el buro.[4]
Akşener era elekta en las eleksiones de 1999, komo diputada de la Vilayet de Kocaeli. Diskues, era elekta otruna vez en las eleksiones de 2007 i 2011, komo diputada de la Vilayet de Estambol, aziendo parte del Partido del Movimento Nasyonalista (MHP).[2]
Era elekta vise-prezidenta del parlamento endjuntamente kon Güldal Mumcu, otra politika del payis, aziendo de eya la dosena mujer enel payis, diskues de Nermin Neftçi, la kuala era elekta en 1968 i lavoro komo la primera mujer turkana vise-prezidenta del parlamento.[2]
Se gerreyo kon los shefes del partido MHP en 2016, deke el partido suportava la demanda del prezidente Recep Tayyip Erdoğan de trokar la konstitusion del payis, i avlo de fondar el su propio partido politiko. La sosyete turkana kreye ke eya va ser kandidata en las eleksiones de 2019 para presidente de la Turkiya.[4]
Izo publika la fondasion del Partido Bueno el 25 de Oktobre de 2017 i amostro el su logo i las ideas giadoras del partido. Enel su primer diskorso komo shefa del partido, Akşener disho ke kreye ke la demokrasia turkana esta en perikolo i ke el Partido Bueno bushka una sosyete libbera i dezeya korijar el sistem de djuzgos del payis.[5] Akşener diskues adjusto ke "los medios no pueden estar basho prezion. Una partisipasin demokratika, un parlamento huerte i la voluntad nasionala no pueden ser trokadas. Vamos azer mas demokratika la ley de partidos politikos bazados en los prinsipios modernos de la demokrasia i la Komision de Venesia."[5]
Referensias
trocar- ↑ Biography. (en lingua inglesa)
- ↑ a b c d e Türkiye Büyük Millet Meclisi 23. Dönem Milletvekili-Meral Akşener. TBMM (en lingua turka)
- ↑ View: The Turkish opposition reloaded. Euronews (en lingua inglesa)
- ↑ a b Turkey's 'Iron Lady' Meral Aksener Is Getting Ready to Challenge Erdogan. Time(en lingua inglesa)
- ↑ a b Akşener hints at run for presidency in 2019 as she forms ‘Good Party’. Hürriyet Daily News (en lingua inglesa)