Medina de Tetuan
La Medina de Tetuan es la antiga sivdad islámika de Tetuan, en Marroko. Es una máale muy tradisionala; las kazas de la medina son kaji todas de kolor blanka i bashas. Por toda la medina se topan artesanos komo chapineros, tejedores i djoyeros Endemas, puede toparsen munchos merkaderes ambulantes, los kualos venden tapetes a los turistas. La medina fue deklarada patrimonio kultural de la umanidad por la UNESCO enel anyo 1987[1]
La sivdad de Tetuan tinía gran emportansia en la epoka del Kalifato Omeya, deke era el punto ande yegavan los komersantes de Marroko i Andaluziya. Dempués de la Rekonkista, la sivdad fue fraguada muevamente por los refujiados musulmanos andaluses ke arrivaron ekspulsados por los espanyoles. Esto se puede ver en la su arkitektura, la kuala tiene grande enfluensia andaluza. Anke es una de las medinas mas chikas de Marroko, es la mas kompleta i la amijor preservada, kaji sin enfluensias eksternas.
