Maya Zankoul

Este artikolo uza la grafia de Aki Yerushalayim para la lingua judeo-espanyola. Mersi muncho por mantener el artikolo uzando este estil.

---

Maya Zankoul (en arabo: مايا زنقول) (nasida el 30 de Djunio de 1986 en Hasbaya, Libanon) es una eskritora, artista grafika, apresentadora de televizyon i blogista konosida por los sus desenes publikados en los sus livros i enel su blog Amalgam.

Maya Zankoul.

Biografiya

Maya Zankoul nasio en Djidda, Saudia, i enel anyo 2005 arivo al payis de los sus padres, Libanon, ande abmezo en la Universita de Notre Dame en Louaize i aresivio un B.A. en Artes i desen grafiko.

Kariera

En 2009, aperturo el su blog de desenes e imajes ensima de la vida en Libanon desde un ponto de vista sosyal-politiko.

Eya publiko el su primer livro, Amalgam, en 2009, i yegando a estar entre los 5 livros mas vendidos en la Virgin Megastore.

Enel enverano de 2010, diskues de apresentarse en varias sivdades de Libanon kon la su amostra grafika Amalgame, dechidio publikar el su doseno livro, Amalgam Vol. 2.

En Djenero de 2011, fondo el su propio atelye de desen en la sivdad kapitala de Beirut. La tresladasion de los sus livros es echa por la kaza italiana Il Sirente, en su serie de livros Altriarabi, i los livros eran amostrads por prima vez en Italia enel Festival de Livros de Pisa de 2011.

En Avril de 2013, fondo la entreprisa de video Wezank.

Ovras

Otora, Ilustradora

• Amalgam (2009). ISBN 978-9953-0-1521-7
• Amalgam Vol. 2 (2010). ISBN 978-9953-0-1846-1
• Beirut - New York (2016). ISBN 978-9953-0-3819-3

Ilustradora

Para los djurnales

• Making it
• The Global Journal
• ELLE Oriental
• ArabAd

En livros

• Nuits Beyrouthines

Televizyon

Zankoul aparesio por la prima vez en la televizyon kon un sketch para ensenyar komo uzar Medios Soyales a bulisas, yamado Bwa2ta. El program ainda es apresentado kada martes en Future Television.

Amostras

• "Samneh w 3asal" (2011) en Tawlet Souk el Tayeb (Beirut)
• "Amalgame" (2009, 2010) enel Sentro Kulturalo Fransez, en las sivdades de Beirut, Saida, Tripoli, Deir el Qamar i Zahle.

Otras aktivitades

Zankoul partisipa aziendo desenes para evenementos enel su payis. Izo desenes para la Konferansa Arabnet 2010 i el 17e Salon du Livre Francophone de Beyrouth. Endemas, tiene avlado en konferansas en la Universita Amerikana de Beirut i apresento los sus desenes en la primera Amostra Creative Commons en Amman, Djordania i en la nochada seshena de Pecha Kucha in Beirut..

En Sietembre de 2013, izo parte de una konferansa yamada "War, Not A Serious Issue" kon Paolo Di Giannantonio en Lucera, Italia, komo parte del Festival de la Kultura Mediterreanea.

Atamientos eksternos

• Amalgam, el Blog de Maya Zankoul